開咗學咁耐, 第二次同老師通電話..
佢响留言已經講過: 想睇吓曳人响屋企食飯情況有無好轉~
話說, 媽媽之前寫咗紙仔放入通告袋, 叫老師多多留意佢個食物盒, 多多鼓勵佢食嘢.. 每次俾d新嘢佢食, 就食兩啖或者郁都唔郁! 又唔可以餐餐食餅架~ 個衰豬近排瘦咗一磅呀!!!! (好緊要呀~)
同老師傾完, 老師話終於領教過恐龍仔嘅硬頸!
話說, 恐龍仔上堂坐唔定, 老師話要攞走佢張櫈, 佢話唔好, 但係又唔要坐.. 咁點呢? 曳人話: 下星期先坐!
於是, 吳老師抱咗呢隻曳人見黃老師(N班班主任), 見到黃老師, 佢就知驚, 話以為唔會喇!
食飯嗰度.. 都仲係要氹住食, 唔肯自己食~ 唔餵就唔食!
唉~
唉！正正而家都有咁嘅情況，唔係好緊食嘢！工人話，下午，正正基本上可以自己食飯，但係夜晚，父母係度呢就撒嬌，拖慢黎食，餵佢就食，結果，我地行獎勵計劃，情況先有好轉，不過，都係唔夠耐性，食大概一半之後，就話唔想食...以為晚上會餓到佢啦，但原來唔係，乜都冇食都可以！
回覆刪除[版主回覆10/22/2010 15:51:00]係呀! 一見到我就唔食嘢! 激鬼c我!!!
仲可以完全唔食嘢嘅! 真係服哂呀!
我大仔食野都好差,三歲仔得26-27磅,又瘦又細粒,真令人心煩
回覆刪除[版主回覆12/13/2010 10:22:00]唉~ 咪係!
有朋友介紹食新鮮淮山呀~ 開胃健脾, 我地無心機去搵, e+試緊粉裝沖奶..