幸福的感覺

大約同恐龍爸拍拖之後，我發現自己好鍾意佢隻大手放响我頭殼頂上面~~ 有鎮靜作用, 係一樣好有安全感嘅愉快感覺~

有需要時, 我會捉佢隻大手放响頭上~~

早排, 恐龍仔捉住我隻手, 硬放响佢頭上, 然後傻笑~~ 做媽媽嘅都笑喇~ 因為, 原來傻嘢都有得遺傳架!

呢幾日放假, 同兩隻寶貝搏鬥咗3日, 响公公婆婆屋企走..進入抗戰尾聲.. 响車上, 右手抱住熟睡嘅牛牛, 左邊坐住隻活躍恐龍..

突然, 恐龍爸放咗隻手响我頭頂 (charging..), 恐龍仔見到, 不得了~ 點可以無佢份!

於是, 恐龍爸兩隻手分別放响兩個傻人頭上, 恐龍仔傻笑.. 看在媽媽眼裡.. 再望望恐龍爸 (笑ing).. 幸福滿滿~