一些可愛事

牛牛bb 六個半月大喇!

最近發現, 佢開始係一隻"有智慧"嘅生物!

例如~

見到枝奶奶會扭計~ 想食!

鍾意玩奶咀!

好幾次~ 半夜扭計醒咗, 搵唔到佢個奶咀.. 就會發現, 其實係呢隻傻牛搞鬼! 又要攞個奶咀玩, 又要喊!

早兩晚, 媽媽直情笑咗出嚟:

媽媽同牛牛講: 你個奶咀又去咗邊呀?

牛牛伸隻手仔出嚟.. 手仔攞住——— 奶~咀~!!!

好幾次, 發現佢嘗試自己放個奶咀入口..

尋晚, 媽媽又同牛牛玩.. 見佢咬人地隻手咬得咁開心, 不如學佢.. 突然一口~咬~落去! (當然唔係真咬啦~)  呢隻傻牛笑到嘻嘻哈哈聲!

佢真係好傻架! 少少嘢就笑哂~

連看更嘅姨姨.. 同樓下清潔嘅姨姨們都知道: 只要引佢兩吓, 呢隻嘢就會笑!

好好玩~

 

以前, 無人識得我地呢對由入伙開始住嘅夫婦

直到有個見到看更個名牌會讀嘅小朋友.. 因為佢識讀人地個名, 人地就自然問佢叫咩名.. 所以.. 開始有一人會叫媽媽做X太!

多得哥哥啦~

依家又有個愛笑好玩嘅牛牛豬bb~