因為公公就嚟生日, 即係話會見到舅舅.. 即係話我地又可以去淘寶喇!!! 仲要快! 因為要俾d時間人地送貨, 同埋舅舅順路攞返香港架嘛!
呢次~ 都係上次間玩具店.. 因為太過匆忙喇..
上次分享嗰套滾珠遊戲, 好多朋友仔都買咗~ 大家都話好玩! 恐龍爸上次話要多一套, 於是~ 又訂多兩套: 一套送俾恐龍爸, 一套送俾表弟!
Let’s Play Sandwich Stacker Cookout Game (有人話見到之後走去買起哂大陸d貨!!)
呢套好啱兩歲+ 小朋友架!
仲有俾牛牛嘅: 佢好鬼鍾意咬嘢呀! 咬個夠啦!!!
仲有d無謂嘢~
仲有~ 買多咗張bb餐椅俾牛牛!
牛牛bb 六個半月大喇!
最近發現, 佢開始係一隻"有智慧"嘅生物!
例如~
見到枝奶奶會扭計~ 想食!
鍾意玩奶咀!
好幾次~ 半夜扭計醒咗, 搵唔到佢個奶咀.. 就會發現, 其實係呢隻傻牛搞鬼! 又要攞個奶咀玩, 又要喊!
早兩晚, 媽媽直情笑咗出嚟:
媽媽同牛牛講: 你個奶咀又去咗邊呀?
牛牛伸隻手仔出嚟.. 手仔攞住——— 奶~咀~!!!
好幾次, 發現佢嘗試自己放個奶咀入口..
尋晚, 媽媽又同牛牛玩.. 見佢咬人地隻手咬得咁開心, 不如學佢.. 突然一口~咬~落去! (當然唔係真咬啦~) 呢隻傻牛笑到嘻嘻哈哈聲!
佢真係好傻架! 少少嘢就笑哂~
連看更嘅姨姨.. 同樓下清潔嘅姨姨們都知道: 只要引佢兩吓, 呢隻嘢就會笑!
好好玩~
以前, 無人識得我地呢對由入伙開始住嘅夫婦
直到有個見到看更個名牌會讀嘅小朋友.. 因為佢識讀人地個名, 人地就自然問佢叫咩名.. 所以.. 開始有一人會叫媽媽做X太!
多得哥哥啦~
依家又有個愛笑好玩嘅牛牛豬bb~
最近呢幾個星期, 牛牛個身都有d粒粒! 每次同佢除衫沖涼, 佢隻右手就响豎R個身! 但係平時又唔覺佢R..
所以無乜點理佢..
最近呢幾個星期, 牛牛瞓得唔好, 成晚醒! 不過早兩日好少少.. 由一晚醒10次, 到早一晚只醒一次 (唔計飲奶)
爸爸唔想我再陪牛牛瞓喇... 我個腦計緊: 咁半夜牛牛係咁真係無咁醒瞓呢? 定係到頭來, 又係我半夜搬嘢過去瞓? 無理由走十轉架?! 唉~ 有苦自己知~
有時就係咁黑仔.. 唔講就無嘢.. 開口中!
今朝 零晨4點幾, 牛牛响床氹氹轉, 不停嘈, 係咁R!!! 喊嘅停吓, 總之就瞓唔著啦!
唉~ 傷風緊嘅媽媽陪住隻可憐豬.. 心痛c人喇!!!!
我响度諗: 係咪食錯嘢? 係咪我食得太雜, 影響到牛牛呢? 定係牛牛食錯嘢?!
我一早起身, 牛牛仲瞓緊, 哥哥亦醒咗喇~ 媽媽準備開始一日嘅忙碌: 泵奶, 食早餐, 預備哥哥返學
哥哥今日學校有 assessment, 媽媽好努力幫哥哥做心理準備: 唔好係唔係都I dont know, 要用心答問題呀!
另外~ 仲要準備出門同牛牛睇医生..
就响忙碌中, 又激嬲一早起身壞脾氣嘅爸爸! (我個頭痛到爆都仲要受氣, 咩世界呀!?) 就連Mr. Noisy都害埋! 一早俾人鬧! 搞到佢唔想跟爸爸返學.. 想坐校車呀! 咁啱爸爸遲遲都出唔到門, 有人就話: 鍾意搭咪搭囉!
真嘅? 一個發緊脾氣嘅人, 竟然連一個3歲嘅小朋友都"握"~ 到我追住話佢知哥哥今日要做assessment, 答案竟然係: so what?!
如果家長唔尊重/重視學校做嘅嘢, 小朋友又點會重視, 並認真回答呢?!
白白浪費心機!
呢個時候.. 校車入咗屋苑, 我睇住哥哥俾人拖走.. 無上校車
唉~
btw, 医生話短時間就叫敏感, 長時間就叫濕疹喎~ 如果餵人奶嘅, 其實濕疹嘅機會會細d, 最好餵到9個月至一歲.. 咁會少d機會有敏感問題..
呢排好大壓力, 医生, 婆婆, 老公.. 個個都唔想我餵落去! 就得呢個唔知頭唔知尾嘅兒科医生, 用bb嘅角度講: 餵耐d好d!
但係我有苦自己知~
最近响討論區見到呢條thread..
其實無乜特別~ 好多人都話ybcr係 work嘅啦~
特別在有位家長話:
我以前都有用教材，your baby can read 係我最鐘意果套，真係有用架！我個女睇住佢，學會好多個英文字。
不過....因為一個好重要的原因，我停左唔用住，因為我要準備幼稚園面試。
做晒資料搜集，所有賣教材的人都原來騙我們！根本咁早就學咁多個英文字，係反而害左小朋友入唔到幼稚園架！
每日你走去同個小朋友講好多的英文字，對住單車講bicycle，對住筆講pencil，拒絕晒一切的中文，爸爸媽媽用d好唔正統的英文同個小朋友溝通。
到面試前，你會選中文面試定英文面試？
中文面試，你個小朋友唔識聽中文。表現比其他人差，同老師溝通都困難。
英文面試，你個小朋友都未必聽得明，因為我地做家長的本身英文都唔好，有d指令我地未試過教個小朋友，小朋友適應唔到。到老師用英文問父母「點解選我地呢間學校呀..？」....我真係唔識答。
baby can read 係咪work，係！絕對係！我個女當時只用左兩星期，就識得十幾個生字，兩個月真係識到四十個不同的字。
但係，抽身一諗，剛滿歲半的女兒，最重要的係大小肌肉的訓練，口語上的溝通能力，說話的安全感和積極性，和不同人的社交能力。....入到好的幼稚園為第一步，第二步才補英文能力準備上小學。
盲目使用教材的媽咪們，請先想清楚小朋友的需要。因為小朋友不會咁合作，你想佢同時學中文和英文係唔肯過你的事！
點解會有d咁嘅人架?!?!
Bold咗嗰段好啱, 只係, 學好中英文同佢講嘅嘢係無沖突架喎~ 睇ybcr都係一日1-2節, 每節20分鐘啫~
最重要嘅係, 無人叫佢唔教中文架?!
其實我地當年都搵過, 發現市面上係無類似ybcr嘅中文教材! 再搵~ 就發現<基礎漢字500>
開咗學咁耐, 第二次同老師通電話..
佢响留言已經講過: 想睇吓曳人响屋企食飯情況有無好轉~
話說, 媽媽之前寫咗紙仔放入通告袋, 叫老師多多留意佢個食物盒, 多多鼓勵佢食嘢.. 每次俾d新嘢佢食, 就食兩啖或者郁都唔郁! 又唔可以餐餐食餅架~ 個衰豬近排瘦咗一磅呀!!!! (好緊要呀~)
同老師傾完, 老師話終於領教過恐龍仔嘅硬頸!
話說, 恐龍仔上堂坐唔定, 老師話要攞走佢張櫈, 佢話唔好, 但係又唔要坐.. 咁點呢? 曳人話: 下星期先坐!
於是, 吳老師抱咗呢隻曳人見黃老師(N班班主任), 見到黃老師, 佢就知驚, 話以為唔會喇!
食飯嗰度.. 都仲係要氹住食, 唔肯自己食~ 唔餵就唔食!
唉~
早前~ Bossini出過Mr. Men 嘅T-shirt, 我地揀咗Mr. Noisy俾恐龍仔, 而爸媽就係Mr. Tickle~
呢排, 我地晚晚Mr. Men (有時一晚講兩個!)
今朝, 恐龍仔同爸爸去學游水, 臨出門口, 就對住牛牛講: Bye Bye Mr. Noisy!
媽媽問恐龍: 係Mr. Noisy同我地講Bye Bye?
佢話: 牛牛係Mr. Noisy! (牛牛咁乖, 做乜咁話佢呀!)
出到去, 爸爸問佢, 咁哥哥佢自己係邊個呀?
佢話: Mr. Good!
到底Mr. Good 有幾Good?!
原來我地都未曾講過~
一邊聽媽媽講Mr. Good, 可能呢隻曳豬覺得唔多對路..
Mr Good 會朝早執床! 為人就當然有禮啦.. 見到地上嘅垃圾都會執起, 然後放响垃圾埇! 可惜佢生於Badland, d人對佢好差, 佢好慘呀.. 好唔開心..
講完~ 媽媽問佢: 仲係唔係Mr. Good呀?
佢答: 唔要! 我要做Mr. Noisy!
講開又講~ 呢排牛牛中氣十足, 講嘢把聲極之響, 連喊聲都大聲! 一有不滿就極之勞嘈--> Mr. Grumpy!
| 校名 | 聯繫小學 | 學卷 | 學額 | 備註 |
| 直升 | ||||
| 神召第一小學暨幼稚園 | 神召第一小學暨幼稚園 | Y | 30 | 免試直升 |
| 方方樂趣 | 九龍塘方方樂趣英文小學 | X | 直升小學部 | |
| 救恩學校(幼稚園部) | 救恩學校(小學部) | Y | 110 | 須面試 |
| 蘇浙小學 (幼稚園部) | 蘇浙小學 | Y | 400 | 直升 |
| 香港培道小學(幼稚園部) | 香港培道小學 | Y | 120 | 免試直升 |
| 玫瑰崗幼稚園 | 玫瑰崗學校(小學部) | Y | 180 | 升小一, 須面試 |
| 聖嘉勒幼稚園 | 聖嘉勒小學 | Y | 120 | 直升 |
| 聖若望英文書院(幼稚園部) | 聖若望英文書院 (小學部) | X | 直升 | |
| 香港真光中學(幼稚園部) | 香港真光中學 (小學部) | Y | 120 | 直升 |
| 升小優勢 | ||||
| 啓思小學附屬幼稚園 | 啓思小學 | X | 100 | 優先考慮(須另外報名/面試) |
| 啟思幼稚園 | 啟基學校 | Y | 90 | 優先考慮(須面試) |
| 德望學校(幼稚園部) | 德望學校 | X | 210 | 優先考慮(須面試) |
| 聖保祿幼稚園 | 聖保祿學校(小學部) | Y | 180 | 優先考慮(須面試) |
| 聖三唔一中心幼稚園 | 聖三一堂小學 | Y | 84 | 免試優先取錄 |
| 聖公會聖三一堂曾肇添幼稚園 | 聖三一堂小學 | Y | 120 | 免試優先取錄 |
| 地利亞英文小學暨幼稚園 | 地利亞英文小學暨幼稚園 | Y | 須內部審核達標 | |
| 激活幼稚園 | 激活英文小學 | Y | 96 | 可持校長推薦書向小學部報名, 不保證直升 |
| 九龍塘禮賢學校(幼稚園部) | 九龍塘禮賢學校(小學部) | Y | 120 | 優先取錄及豁免報名費 |
| 嶺南小學暨幼稚園 | 嶺南小學暨幼稚園 | Y | 獲校長推薦者可免試優先直升(須面試) | |
| 聖母幼稚園 | 聖母小學 | Y | 200 | 女生可直升小學 |
| 嘉諾撤聖心幼稚園 | 嘉諾撤聖心學校私立部 | Y | 240 | 私立部決定 |
| 香港浸會大學附屬幼稚園 | 香港浸會大學附屬學校王錦輝中小學 | X | 118 | 優先取錄 |
| 宣道幼稚園 | 九龍塘宣道小學 | Y | 120 | 30% |
copy from親子王 7 Oct 2010
收到一位0704嘅媽媽邀請, 參加咗呢個講座, 去到先知係小圈子講座, 仲要收二百蚊添!! 不過朋友俾咗錢, 就聽吓啦...
資深中小學校長兼家長教育專家呂令意校長主講，教我們如何部署選校策略，並從小培養孩子的良好品格和積極的學習態度，各父母或準父母萬勿錯過！
雖然佢答唔到我近期最大"煩惱", 好多嘢都係已知/做緊嘅, 但其實都有得着嘅.. 以下為講座大綱:
其實之前同一位中學教書嘅大學朋友講起, 佢都話唔好揀新派直資, 老牌名校就當然無問題, 因為如果個校長唔掂 (可以係有心無力, 可以係用錯方), d老師頂唔順 (壓力大但做唔到成績, 校長要求過高.. )就自然揾路走, 唔好講出面人工可能仲高d添!如果老師流量大, 一定好影響教學質素!
講嚟講去.. 到低邊間學校啱呢???
就要靠家長做功課同睇吓有幾了解個小朋友喇~~~
唉~有講等於無講!!!
今朝一早, 媽咪同恐龍仔去郵局, 投寄尋晚準備好嘅信, 因為~ 今日係一年一度嘅"一人一信"!
我地仲去咗超市行咗一陣, 見到有即溶咖啡特價, 恐龍仔話要買俾Auntie, 一買6合, 媽咪話常係聖誕禮物咁呀!
返到屋企, 牛牛醒咗喇! 又停咗雨, 我地落樓下平台行吓.. 牛牛好少同我地一齊落街架!
爸爸攞咗相機, 我地影咗好多相呀!
恐龍仔就最鍾意整古做怪~
其實之前, 恐龍哥哥都成日話想同牛牛去街.. 唔好成日留低牛牛响屋企架!
俾佢試吓俾牛牛騎牛牛.. 佢個傻豬以為自己夠力, 一路行!!!
牛牛差唔多六個月喇.. 有17磅幾, 但係呢個哥哥呢? 上次磅得28磅咋!
佢見我地影牛牛.. 自己就做d平時唔夠佢做嘅危險動作!!!
人哋catwalk, 佢就dinowalk~
好有台型架~ 仲識笑添!!!
牛牛就學企添~~
哥哥話: 捉我呀~ 我lei埋呀!
然後~ 我地落地下打韆鞦~
牛牛呢~ 呢次係佢嘅第一次呀!!!
copy from bk
世上所有的母親都一定會有這樣的體會：嬰兒哭鬧時，這樣將他們抱起來，立即會破涕為笑。但是，人們也會指責“抱孩子”的做法，說這樣勢必使孩子養成壞毛病。到底抱好還是不抱好？抱大的孩子更聰明麼？
幾個關於摟抱的實驗
果真會這樣嗎？讓我們來看下面的實驗。
美國心理學家哈洛（HFHarlow）用猴子做實驗，得出了有趣的結果：他把剛生下來的小猴子與母猴分開，由“模型”代替母猴來研究小猴喜歡什麼樣的母親。他為小猴製作了兩個“母親”，其中一個用金屬絲做的，另一個是用布做的。而且，給這兩個“母親”安上自動裝置，使他們身上能夠發熱，能夠餵奶，能夠慢慢地搖晃。然後他讓小猴去接觸這兩個“母親”。
結果，他發現小猴最喜歡的是溫暖而柔軟的布製“母親”懷抱。有時餓了才到金屬絲猴身上吃奶，但是卻把那個裹長毛絨的布母猴當作庇護者。哈洛博士強調指出，嬰兒也一定喜歡在溫暖、柔軟的母親懷抱裡。因此，母親愛撫地抱嬰兒，對於嬰兒的身心發育是極為重要的。
另一個例子在羅馬尼亞的孤兒院進行，院中的工作人員每天都會在固定的時間餵食孩子，但是這些孩子幾乎沒有任何與他人擁抱的機會。最後研究人員發現，雖然他們每天都定時餵飽院中的孩子，但是他們的生長發育仍舊不盡如人意，而且智力發展也明顯遲緩。
另外，兒科學家以600對母嬰進行的研究顯示，出生後即投入母親懷抱的嬰兒比其他嬰兒啼哭少，睡得熟，餵養更順利，有利於生長發育。該項研究選擇了兩組母嬰，一組出生後由母親自己餵，另一組由別人餵。在前一組中，嬰兒因經常得到母親擁抱、撫摸和親暱，在體格發育、智力增長、抗病能力方面，明顯勝過後一組。
由此可以看出，父母除了讓孩子衣食無缺之外，更應該用心去感受孩子的內心世界，了解他們真正的想法。而擁抱就是一種最直接的表達愛意的方式，它直接帶給孩子最強烈的信息：“我是愛你的！”通過親子肌膚接觸的擁抱，孩子能感受到父母的溫暖，進而建立起對人的信任與安全感，將來也才能有足夠的勇氣向外探索世界。
證明：抱大的孩子更聰明
剛出世的新生兒，腦髓發育已為接受外界刺激提供了生理基礎。在後天環境刺激下，大腦皮質進一步發育成熟。沐浴在母親的愛河中，會促使小兒身心發育，故抱大的孩子更聰明。
沒有什麼動作比擁抱更能單純而直接地傳達情感了！通過擁抱，孩子可以充分享受依偎在大人身邊的溫暖，這樣的溫暖記憶將會伴隨他一生的成長。如果父母能從小就與孩子養成親密擁抱的習慣，相信親子關係並不會因孩子年紀增長而日漸疏離！
對許多媽媽而言，如果能擁有剛生產完就立刻擁抱初生嬰兒的體驗，那總是一份很美好的回憶。而且許多研究也顯示，媽媽將初生嬰兒擁入懷裡，能降低他初來這個陌生世界的不安與害怕，同時也能夠感受讓他熟悉的心跳與氣味，這也正是建立良好親子關係的第一步。
TIPS1：孩子一哭就抱，好嗎？
剛出世的新生兒，腦髓發育已為接受外界刺激提供了生理基礎。在後天環境刺激下，大腦皮質進一步發育成熟。沐浴在母親的愛河中，會促使小兒身心發育，故抱大的孩子更聰明。
沒有什麼動作比擁抱更能單純而直接地傳達情感了！通過擁抱，孩子可以充分享受依偎在大人身邊的溫暖，這樣的溫暖記憶將會伴隨他一生的成長。如果父母能從小就與孩子養成親密擁抱的習慣，相信親子關係並不會因孩子年紀增長而日漸疏離！
對許多媽媽而言，如果能擁有剛生產完就立刻擁抱初生嬰兒的體驗，那總是一份很美好的回憶。而且許多研究也顯示，媽媽將初生嬰兒擁入懷裡，能降低他初來這個陌生世界的不安與害怕，同時也能夠感受讓他熟悉的心跳與氣味，這也正是建立良好親子關係的第一步。
TIPS1：孩子一哭就抱，好嗎？
許多父母或許都有過這樣的經驗，當孩子嚎啕大哭時，有人會嚴肅地“告誡”你，這個時候不要去抱小孩，因為會養成孩子依賴的習慣。此時心中難免掙扎，看著哭得面紅耳赤的寶貝，到底是去抱抱他、安撫一下他不安的情緒，還是不理會他呢？
據醫師分析，1歲以前孩子的哭是一種運動，而且他們需要父母來滿足生理需求，并快速做出反應才能建立信任感與安全感，所以，這個年齡的孩子可以多抱一抱，以滿足他的生理需求。
等孩子過了1歲之後，當他漸漸會說話、會表達時，就要問清楚哭鬧的原因，堅守應有的尺度，這樣才不會讓孩子把哭鬧作為要挾大人的“武器”。
擁抱培養性格
也許是東方人不像西方人那麼熱情，人與人之間擁抱的動作實在是不多見。就算是對自己的孩子也是如此，特別等他們長大到一定的年齡後，就很少有親密擁抱的動作出現。但千萬不要小看擁抱這個再平常不過的動作，它對孩子可是有很大的影響，我們需要從孩子小時候就開始培養擁抱的習慣，養成習慣後就變成一種很自然的行為了。
據醫師介紹，擁抱對孩子的影響可以從“質”與“量”這兩個方面來講。在質的方面，時常被擁抱的孩子，一定是被父母關懷、接納的孩子，當他長大向外發展時，以往收到的擁抱經驗更能鼓舞他獨立探索，發展獨立性格，就像一艘揚帆待發的船，時刻準確出發，航向驚喜的旅程。另外，在智能發展上，充分被擁抱的孩子由於擁有安全感與自信心，所以發展得也較為出色，更容易取得好成績。
在量的方面，時常擁抱孩子、用心接納孩子，可以讓他們獲得更好的身體發育狀況。正如先前提到的羅馬尼亞孤兒院內的孩子，他們為什麼會生長遲緩呢，就是因為缺乏充分的愛。
TIPS2：多擁抱的10大益處
據相關研究發現，擁抱對幼兒來說具有6大心理功能和4大生理益處。
6大心理功能：情緒較為穩定、較容易建立安全感與信賴感、較容易睡眠安穩、較容易建立幼兒的自我認知、增加父母與孩子的親密度、較容易體驗母親所接觸的外界。
4大生理益處：促進腸胃功能、循環功能、免疫功能、呼吸功能。
擁抱不分時間
或許你以為，孩子長大了、上學了，就已經不需要擁抱了。其實，不論人的年齡有多大，人人都喜歡被擁抱的感覺，尤其是自己喜歡的人。所以，擁抱可以隨時在平日生活中展開，自然又時常的肢體、肌膚接觸，抱抱孩子、摸摸頭、碰碰鼻子、拍拍背、搭搭肩膀，這些小動作都可以充分傳遞愛的訊息。雖然只是一個小小的動作，但等孩子充分熟悉這些動作的含義後，親子溝通會更好，親子關係也會更加緊密。
TIPS3：親密的抱球遊戲
小孩子都很喜歡球類游戲，如果能在遊戲中加入擁抱的親密接觸，那麼孩子將獲得更充分的安全感，對人際關係的培養也大有幫助。
1、 選擇一個大小合適的皮球。
2、 把皮球夾在你和孩子中間，你抱緊孩子，讓孩子也抱緊你。
3、 提示孩子注意，不要讓皮球掉下去。
4、 可以和孩子來上一段舞蹈，盡情地玩耍吧，只要不讓皮球掉下去就可以。
TIPS4：怎樣抱孩子最好？
孩子從小就渴望有人抱，願意吸吮母親的乳汁，喜歡看母親的臉，聽母親的聲音，這都是他們渴求滿足集體欲的表現。這種慾望是先天而來的，是本能的。出生不久的嬰兒，他們的視聽等感覺器官還不十分完善。因此，他們滿足的主要方式是皮膚接觸，如母親的擁抱，親吻、貼臉、握手等等。在皮膚接觸中，孩子體驗到溫暖、愉快、欣慰的感覺，大大有助於母子之間親密關係的形成。
對於一個尚不能用語言、動作來表達意志的嬰兒來說，哭是唯一的辦法。只要孩子哭，就一定是想要表達什麼意思，如果我們置若罔聞，那麼嬰兒想與他人交流情感的願望就會遭到單方面拒絕，最終導致孩子對人的冷漠態度。不僅抱孩子非常重要，而且怎樣抱孩子還大有學問。
抱孩子的姿勢對嬰兒的生長發育和抵抗力有很大影響。用左手抱嬰兒是最好的姿勢。這是為什麼呢？
因為嬰兒離開母體，呱呱墜地，便生活在一個完全陌生的環境裡。這時非常需要母親的溫暖和愛撫。所以嬰兒生下來24小時就應睡在母親的懷抱中，以加強母嬰之間肉體和精神上的接觸。
同時，還因為父母親的心音對嬰兒的健康和發育起著至關重要的作用，當父母的應該用左手抱著嬰兒，緊貼在左胸，孩子便能清楚地傾聽父母有節奏的心音。這樣做可以促使嬰兒產生一種安全適應感，減輕不安和煩躁，所以嬰兒哭鬧就很少發生，對嬰兒的身心發育起到促進作用，因此，嬰兒的體重增長也快，發育較迅速。
還需指出，不少年輕的父母抱嬰兒總喜歡搖搖晃晃，以為這樣做嬰兒更容易入睡，其實這樣做對嬰兒十分有害，容易造成“嬰兒震盪綜合症”，所以，抱嬰兒時千萬不要搖晃，更絕對禁止將嬰兒拋向空中，或抓住嬰兒雙手雙腳使勁搖晃。
由此可見，經常抱嬰兒，正確地抱孩子，是何等重要。當然任何事情都不能絕對，有些母親過度溺愛孩子，總把孩子抱在手上，不讓他們獨立自主地活動，這是十分有害的，它往往會使孩子過度依賴父母，限制了孩子獨立性的發展。總之，對於孩子，該抱就抱，不該抱就不抱，這要憑家長的理智判斷。
今晚其實有d唔舒服, 可能食錯嘢, 肚痛中! 晚飯都無食~
但係見到bk有媽媽話跟我地學咗帶bb去晨運, 多咗親子時間, bb又對周圍有興趣, 多咗學習機會 etc..
我真係好開心呀!!!
分享之後得到人認同, 見到成效, 大人細路都開心.. 幾咁好呀!
另外~ 對以下討論 (聽到都驚.....), 深感讚同:
對不起，樓主！
我認為幼稚園面試的主要目的，
重點是查看該考生的家長是不是重視子女的成長需要，
過去二年孩子是怎樣生活的，一次面試，就看清楚了。
孩子為甚麼到兩歲了
也不懂拼圖，不懂做配對，不懂看圖讀中文或英文，
不懂認a-z,1-10。
不懂拉椅子，不懂收拾，不懂打招呼，不懂感謝，
連正常與陌生人對話也不理睬或害怕........
孩子的表現正好反映家長教養孩子的態度，
當孩子剛懂坐的時候家長是開電視給他看，
自己做自己的事，讓孩子無無聊聊的白過日子。
還是給他一大堆玩具，好讓他的保姆可以免煩惱。
為人父母多忙也應該安排一下孩子的生活方式，
養不教，父之過。
別人的孩子表現出色，並不是死操難操的，
人地父母也附出不小努力的，孩子交托給別人照顧，
也要交帶照顧者一定要這樣一定要那樣。
時間不夠用寧不看電視，不去街，睡少一兩三個鐘，
也要想辦法教養好孩子，讓他生活是多姿多彩，
習慣成自然，好學的孩子不就是這樣培養出來嗎？
教養是父母的責任，
每個人每天也只有二十四個鐘，
別人的時間能掌握，是因為人家的大人細路都習慣好好的利用時間而已。
孩子努力之後得到的讚賞是其心靈的大大滿足。
反之甚麼都不懂的孩子就只能在*善務*與*度忌*
的陪伴下成長。
我細個是後者，這感受絕對刻骨銘心。
