期待已久嘅開學日.. 恐龍仔終於可以做哥哥姐姐, 穿上校服上學去!!!
第一日由恐龍爸陪太子, 第二日就輪到恐龍媽!
就恐龍媽所見, 每班26-27個人仔嘅N班, 到K1變咗20-21個人一班! 課室門外寫住"班房容量=22人", 舊同學唔係太多, 恐龍媽識嘅或者同恐龍仔熟d嘅, 都走哂!!!!
但係, 有個家長同恐龍媽講, 佢阿仔成日响屋企提住恐龍仔喎~~~
講返上課情況~
恐龍仔可能因為有上暑期班, 所以其實都無乜點放過假咁, 好快進入狀態 (亂講嘢!), 眼見, 其他家長對小朋友照顧周到, 好似照顧bb一樣, 但係恐龍爸同恐龍媽都係隨得恐龍仔自己做嘅人.. 自己換鞋放好書包, 自己排隊轉班房, 自己做勞作 (有部份家長好鍾意做勞作架! 鍾意程度去到.. 大人做哂咁!) 睇住恐龍仔自己問老師幫手攞膠水, 自己扭開蓋, 一手攞膠水一手搽紙碎..手勢純熟! 恐龍媽睇到都有d驚訝~ 已經唔係嗰個好怕sticky嘅小朋友喇! 仲有.. 佢係完全聽到, 可以跟足老師嘅指令做嘢! (其他嗰d小朋友? 都無機會自己做.. )
老師都觀察到恐龍仔嘅獨立呀~ (係呀~佢唔鍾意人哋搞住佢架!)
話咁快就返咗學一年喇! 一年前嗰個小小豆丁, 今日已經可以大致上自己照顧到自己, 再加上响其他課堂上嘅表現, 真係覺得~
恐龍仔大個咗好多呀!
叻仔~~
回覆刪除hello, are you studying in km k1? nice to meet you. my son is studying in km k2.
回覆刪除[版主回覆09/08/2010 13:51:00]yes~ nice to meet you!
係! 眼見D家長自己做晒D親子勞作, 我想小朋友每星期的閱讀報告都是家長做的, 咁小朋友點學嘢呀? 不過, 可能他們的作品會次次都貼堂, 我家小姐那些一定會包尾, 因為我會隨她自由發揮, 咁會唔會影響她的弱小心靈呢?
回覆刪除[版主回覆09/09/2010 15:51:00]幫佢地做就係害佢地!!!
我會選擇陪住佢地做.. 俾d建議咁~ 或者直頭隨得佢自己發揮!