熱牛

牛牛由尋日一朝早已經唔願玩, 唔想笑~

因為爸爸星期日有事嘅關係, 兩個星期無去婆婆度嘅牛牛, 尋日朝跟埋哥哥同媽媽去婆婆度..

上樓無幾耐.. 媽媽收到婆婆電話: 牛牛發緊燒呀!

唉~ 真係失策!

於是叫爸爸帶退燒藥同医療咭過婆婆度..

公公買咗退熱貼俾牛牛用, 牛牛好乖, 唔似哥哥咁, 要即時摵走佢!

但係婆婆超級緊張, 緊張到..唔想聽媽媽個電話, 仲鬧爸爸添!

咁點好呢?

於是.. 媽媽決定陪完哥哥上堂, 食完午飯, 就打發哥哥返屋企, 之後同爸爸聽講座.. 先接返牛牛~

牛牛一見到爸爸媽媽就喊!!!  可憐豬~~

尋晚, 11點幾又發燒, 牛牛呼吸好大聲, 好似好辛苦咁.. 因為爸爸成日話媽媽過份緊張, 成日帶哥哥去睇急症.. 見得多發燒, 搞到媽媽無哂危機感.. 諗唔起呢個係得5個月大嘅bb, 唔係3歲嘅人仔~~

今朝帶牛牛去睇医生, 俾個医生鬧: 應該帶bb去睇急症呀!!! 如果佢肺炎就大件事喇! 好彩無事啫..

hmm..

媽媽個心好唔舒服~ 医生開咗抗生素.. 點解咁細個人仔就要食呢d藥?! 點解人奶b都要食抗生素?! 好唔開心..

牛牛成日無笑過喇, 但係姑娘姐姐竟然引到佢笑呀!

今日, 牛牛食咗好少奶咋: 餐餐都大約50-70ml就唔願飲! d片都唔多濕!

牛牛呀~ 你要快d好番呀!!!

mami misses your lovely smile~