又係試堂@starlit

如果唔係識人~ 到底有無可能咁樣試堂法呢?!

哈哈~ 真係唔知.. 不過呢堂只係佢地試堂月嘅第二堂, 所以.. 我地仲有一堂架! whahahaha..

恐龍仔去咗上堂.. 咁恐龍媽呢? 去咗商務VIP sales!!! 買咗好幾本書, 全部8折! 包括:

• Oxfort Story Tree -Blue (學校用書, 見咁抵買定咋~~ 個收銀小姐話: 應該係9折架, 不過佢地無加標籤, 所以照俾8折我喎~)


• 小王子漫畫 + 故事書


• National Geography Almanac 2011


• Brain Quest Pre-School Quest + Exercise

大收獲! 不過時間差唔多, 要返去湊仔, 都無時間睇大人書喇!

另外, 仲見到有本關係元素嘅書: 頭幾頁係週期表 (periodic table) 之後係各元素嘅相同埋資料! 好正呀! 二百幾蚊.. 好似貴咗d, 唔知Science Adventure 主老有無興趣教小朋友元素呢?! 嘻嘻~ (我已經叫咗佢教人體器官架喇! 仲教咗佢响邊度有模型賣添!)

 

講返今堂.. 都係上Science Adventure~ Little Scientist, 今堂主題係Friction, 見到恐龍仔出到嚟攞住塊板, 再望望班房裡面仲玩緊嘅小朋友..

哦~原來係斜台/跑道~ 

上面有幾種唔同物料嘅"紙", 有唔同嘅阻力, 咁架跑車就以唔同速度滾落斜台喇..

好認真架.. 有哂速度記錄架!

 

落堂, "校長"Kitty同恐龍媽傾咗陣計: 依家做緊8折, 買兩堂仲可以平$500~ 嘩! 真係唔貴喎! 可惜... 地點對我地呢d新界人嚟講, 實在太遠喇, 而且, 早一堂又無乜興趣, 遲一堂又太晏 (落堂成1點呀!)

真係~ sorry喇~

為咗報答佢地.. 唯有繼續..