牙痛咁嘅聲

WarKow 是什麼?

哈哈，以上與本文無關，純粹c6惡搞！

黑仔!

早前試過幾次食食吓嘢, 有隻大牙好痛.. 幾次之後想睇牙醫, 一路無約.. 直至~ 發現後面d牙肉痛, 以為出智慧齒! 於是急急約牙醫啦.. 誰不知~~ 係隻大牙裂咗!!!!

牙醫話: 一係就放棄隻牙~ 一係就做杜牙根! 不過做咗唔等於一定救得返隻牙架.. 如果唔得, 最後都係要攞走佢~

咁~ 當然唔可以咁易放棄架~

再約時間見佢~ 照張X-ray先: 你隻牙個管道好細喎~ 我幫你試試搵唔搵到先, 如果唔得, 就要去睇專科架喇~ 佢地會用顯微鏡幫手..

跟住落嚟嗰半個鐘.. 打麻醉針.. 仲痛.. 等.. 再試.. 好緊張! 好想喊!!! 體貼嘅姑娘俾咗隻毛公仔我捉住.. (辛苦哂你喇).. 跟住搞咗一輪, 醫生小姐話俾我自己睇睇.. 3條管道, 兩俾無問題, 一條唔知係短d定係好窄, 入唔到去~

牙醫話: 一係去專科道做.. 佢地有d再細d嘅儀器幫手.. 要去3-5次, 費用約一萬!  一係就响我呢度做.. 當佢本身短咁..照同你做, 不過如果佢唔係咁短, 就有機會變壞, 要放棄隻牙!

咁~ 個專科响邊架?

牙醫話: 中環~ office hour應診

點算好?! 公司唔可以睇牙醫放病假架!  唉~~~

本來$3600嘅杜牙根, 依家幾咗萬幾, 為咗買多一個"機會"

好肉痛!! 

佢叫我返去諗諗先...

唉~

跟住麻醉未散前要食晚飯, 邊有心情呀?!

臨瞓, 麻醉藥開始散, 開始痛喇!

search吓仲有無其他選擇啦~ 原來全香港得幾個, 個個响中環開診所! 無命~~ 來回車程都兩個幾鐘喇!