Brain Quest

响書店見過好多次, 一路都無買.. 因為都唔平!

有時遇到特價, 又未必有啱恐龍仔嘅貨..

終於~ 响商務VIP sales, 20% off, 買咗一套 4-5歲 pre-school~ 同埋workbook Pre-K (Ages 4-5)

 

首先同佢玩Brain Quest, 恐龍仔好鍾意!! 媽媽發現佢好啱出街時帶埋去玩.. 所以玩咗25個就收手 (total 300 questions)

尋晚攞埋workbook 出嚟 (其實買嗰時都唔知裡面係點架!) , 分開ABC/phonics/Maths etc 嘅sections, 恐龍仔寫咗一輪ABC, 寫到唔願沖涼! 沖完涼都仲抱住本workbook!

今朝.. 媽媽一起身就聽見佢 "1,2,3,4 ... " "1,2,3,4 ... " 咁數, 原來佢做緊Maths!

佢真係覺得好好玩咁!

至於phonics.. 同學校教嘅差唔多, 都係letter sound, 學校咁少功課 (每次兩頁) 佢轉眼就做完, 仲要唔俾佢做多d, 所以呢本workbook滿足到佢~

總括嚟講, 呢套4-5歲嘅Brain Quest 都算切合佢依家學校教緊嘅程度, 恐龍仔好輕易唔需要幫忙就可以自己做到9成以上~  最重要嘅係: 佢好鍾意咁玩!!!

睇嚟.. 遲d可以買深d嘅俾佢玩..