呢次, 主角係媽媽同牛牛!
媽媽咳咗差唔多一個星期, 仲係好多痰!
而牛牛呢? 幾日都差唔多, 無乜好轉, 又唔係好差, 只係咳~有痰!
食西藥唔係辦法, d 媽媽奶講極都俾人高溫處理(over 45 degree C), 隻牛又無胃口喎, 一暖起碼個幾鐘... 仲邊有抗體剩呀!!!!
於是, 諗起猴棗末~
嘩!貴得不得了, 一小樽要百幾蚊呀!!! 一樽見效就話啫.. 但係買兩枝, 佢唔食咪好傷?!
於是, 好cheap嘅媽媽買咗平d嘅猴棗散.. 都三十幾一劑架!
返到屋企, 啱啱牛牛空肚, 就開咗少少水, 用針筒少少..少少咁餵佢, 估唔到, 牛牛係有d表情古怪之外, 完全合作喎! 反而之後我俾兩啖萍果水佢沖吓口仔啦.. 佢就吐返出嚟!
牛牛呀~睇見你咳, 瞓唔穩, 真係好心痛呀! 希望你快d好番啦!
唉~媽媽都要諗諗點化痰呀!
我岩岩去左利安m 記隔離好多人睇個間西醫(盧浩輝), 好似幾得咁喎.
回覆刪除[版主回覆09/06/2010 09:13:00]我好衰, 唔鍾意行過利安! 所以次次都帶d仔出福安睇Micheal Yung.. 我自己就仲煩, 咳親都好難好, 可以咳4-5個月架! 今日會出沙田睇個睇開嗰個医生~
乜利安治安唔好咩 ?
回覆刪除[版主回覆09/06/2010 09:57:00]唔係~ 只係我自己唔知點解唔鍾意啫~
個遊樂場其實幾好玩, 不過勁dirty!
咁買送去邊樹買呀 ?
回覆刪除[版主回覆09/06/2010 14:44:00]去新港城多~ 返工响MOS落車, 然後坐shuttle/火車返屋企囉~
不過我通常一個星期買2-3次餸, 懶得行!
牛牛媽, 猴棗未咁貴當然有原因的啦! 濃d勁d的, 猴棗散加了其他藥材的
回覆刪除我家隻衰妹, 同我poo晒出來
[版主回覆09/08/2010 13:54:00]我都知~ 但係... 真係好貴呀!!!
早兩日搵到盒珍珠末, e+俾埋牛牛食!