山長水遠上playgroup - 第五堂

又係動身又動腦嘅日子..

今日玩嘅嘢幾有挑戰性架~~

小朋友們要自己行過唔同質感哂蝴蝶..

仲有傳波波啦....

最重要係爬梯!!! 其實恐龍仔爬上爬落無乜問題, 去遊樂場都自由活動嘅! 不過每次見到d新事物就爭d..

好似呢行梯, 第一次爬, 唔上唔落.. 仲不停咁say sorry, 想退縮 (Sam Sir 問點解恐龍仔會sorry嘅? hmm... 應該係抱歉嘅意思.. he is sorry, he cannot do it.)

經過一輪鼓勵之後, 叫做上到去啦..

落返嚟就試繩梯! 佢上繩梯就快好多! 因為佢覺得自己玩過喇嘛!!! 唔係好駛幫都自己上到!

今日~ Sam Sir 仲話對恐龍仔又愛又恨..  呢個仔又係嘅, 一時又俾驚喜人, 一時又怕死!

-----------------------

放學, 改變策略, 今次行到老遠坐巴士喇, 上到車食塊餅, 飲埋包他奶... 又係時間要覺覺豬喇! 都係上次一樣: 要抱住瞓!

落車, 仲瞓緊, 無醒! 不過頭仔就濕哂~媽媽個身都係!!