食飯記趣

恐龍媽返到屋企, 見到爺爺嫲嫲响度~

嫲嫲話: 恐龍仔啱啱嘔! 仲要嘔咗d落嫲嫲個口!

hmm~ 小朋友, 你又玩到癲咗?

嫲嫲又話唔係喎~~

媽媽叫恐龍仔讀中文咗爺爺嫲嫲聽, 我地攞咗<我會讀>嘅其中一本 (媽媽知道阿仔應該識讀呢本~)

於是, 恐龍仔响小許幫助吓~ 完成咗一本書!

 

之後~ 爺爺嫲嫲走喇, 我地開飯喇!

因為恐龍仔嘔過, 工人姨姨準備咗半碗大人飯俾佢一齊食! 一陣又話要食呢樣~ 轉頭又話要食嗰樣, 咁自己碗飯呢? 佢話 NONONO!

恐龍爸好好耐性咁同佢爭持咗超過五分鐘..

終於恐龍媽出手喇! 就係攞起sofa上面，恐龍仔之前睇緊嗰本書 (Solar System: comets, asteroids..)

一放本書响恐龍仔面前.. 打開, 恐龍爸已經準備好..  小咀微張, FEED-IN!

恐龍媽呢個時候已經笑到彎哂腰, 恐龍爸同工人姨姨都勁忍住笑...

但係真係好搞笑! 十分鐘之後~碗飯食哂喇!

其實都知呢個係壞習慣, 等同一電視餸飯! 不過~ 難得有種magic搞得搞呢個唔鍾意食飯嘅小朋友...