feels like hell!

今日到底係咩日子, 事事唔順利.. 不停俾人話!

一早, 答應咗恐龍仔去圖書館還書, 但係佢老豆唔願起身, 亦唔俾我地自己行先, 然後一齊玩爺爺嫲嫲飲茶, 最後, 阿仔有d失望, 媽媽自己去圖書館還咗d書就算~~

响酒樓, 我地已經無俾恐龍仔坐bb櫈 (佢玩搖小船!), 咁俾恐龍仔坐大人櫈啦.. 嫲嫲話危險喎, 驚人仔會跌 (上次都係咁啦~又唔見佢跌?!) 到曳人周身郁.. 然後聽到嫲嫲大叫. 飛撲過嚟, 原來只係恐龍仔個patpat坐得好近櫈邊.. (坦白講:真係唔明點解咁驚, 佢個patpat感覺到自己响櫈邊架? 佢平時爬高爬低咁叻, 真係唔駛咁緊張)喎!  就咁~ 又俾人教訓咗幾句~ (好在搬開咗, 唔係就真係隨時俾佢嚇c!)

跟住出佐敦上堂, 今次我醒喇..火車轉的士! 輕鬆到步~

平時恐龍爸見到個仔嘅機會較少, 所以佢响度就多數俾佢部恐龍仔.. 今日都唔例外, 不過有時我答吓咀啫, 有一半情況會俾恐龍爸話我唔啱!!!! 所以我成日自己行開, 但係咁都唔啱.. 咁行近d? 都唔啱! 因為恐龍仔見到媽媽就唔乖乖排隊喎!

我忍!!!!

上堂氣氛ok架, 不過落咗堂搵sam sir幫個忙.. 跟住佢同我地傾吓計, 贈咗我一句: 慈母多敗兒呀! (咩事呀?!?!)

去到婆婆度.. 開恐龍爸: 不如轉頭食d嘢啦? 佢話一個鐘之後嘅事e+唔講喎.. 佢估曳人要成個鐘先瞓着, 但係其實曳人已經放緊蚊!

恐龍仔瞓醒覺都好乖.. 不過就每次我講親咩, 都俾人話, 上到的士, 終於被發現黑面!

照平時慣例: 恐龍爸睇住恐龍仔, 一齊洗白白, 我就執頭執尾.. 本來嬲緊就唔應該睇佢地兩父子搞成點... 唉! 厠板板上面有人放咗副眼鏡+毛巾, 我攞起毛巾坐落眼鏡! 即時報銷 (新眼鏡, 價值兩千幾!)

我有say sorry.. 真係好唔開心, 點解今日做乜都唔啱?!