上學去 (第六日)

第二個星期返適應班喇!

呢個星期, 將會由嫲嫲個工人姨姨負責接送恐龍仔, 希望第日有需要時可以幫吓手接送嘅工作..

恐龍仔今日都係有d眼瞓仔, 爸爸話:

• 恐龍仔經過一個星期之後, 依家識得主動同老師打招呼喇!  


• 依然好鍾意個鞋架! 唔停咁讀其他同學仔嘅名!


• 今日無帶名牌, 但係好多老師都記得恐龍仔個名~


• 班裡面有個小技安, 鍾意走嚟走去, 仲會搶玩具! 話說小技安玩玩吓件玩具放咗响恐龍仔枱面, 然後走咗, 咁恐龍仔咪玩囉! 點知小技安見到就返轉頭嚟搶! 恐龍仔响混亂中掟咗玩具落地... 老師話咗小技安幾句~


• 可能相處咗一個星期啦.. d曳人已經現形, 咁乖嘅小朋友就自己得到老師嘅歡心啦!


• 今日茶點時間, 老師未播歌仔之前, 恐龍仔又話"無點蟲蟲", 咁恐龍爸就話"可能老師未播.. 等一陣先啦", 呢次恐龍仔無出聲, 真係等, 咁又俾佢等到喎!

恐龍媽好期待開學嗰日陪恐龍仔返學呀!

差d唔記得講: 恐龍仔今日放咗學返屋企瞓咗個幾鐘呀!!! 難得~難得! 因為有瞓, 所以我地可以等埋爸爸放工返到屋企先瞓覺呀!