星期四, 恐龍仔有d鼻水, 俾咗d維他命C糖佢食~
今朝, 開始有幾聲咳, 於是工人姨姨帶咗恐龍仔去睇医生~
黃昏, 媽媽返到屋企, 工人姨姨話佢嘔過一次, 唔願食嘢, 好似發緊燒... 嘩! 38.8度呀!! 咁有無食退燒藥? 5pm食過一次~~ hmm~ 個幾鐘仲燒? 咁医生有無開多隻退燒藥呀?
吓! 係無!
見到恐龍仔呼吸急促, 媽媽決定再去医生度睇睇~
阿医生嘅發應同平時好唔同, 呢次, 佢話恐龍仔氣管炎, 去急症照照肺好喎~ 佢開咗退燒藥俾我地..
恐龍媽好肚餓, 仲要抱住恐龍仔, 於是等埋恐龍爸問咗餐先去..
去到仁安, 登記小姐長細解釋入院分流問題: FLU A- 唔收, FLU B- 收, 兩樣都唔係-要隔離, 收幾多$$, 不過full咗! (但係我地無諗住喎!)
等咗一論見到就医生, 安排吸氣同埋照肺.. 恐龍仔d燒退咗, 都幾生猛, 一路俾医生聽肺, 一路讀枱面個月歷: Jan/Feb/Mar....護士同医生都笑哂, 乜咁叻嘅?
照肺都幾順利, 再見医生, 医生話個肺有d花..
恐龍仔望住自己張片.. 插口: 咁醜樣...
笑死人!
我地攞埋藥就返屋企... 多謝$9xx!!!!
等攞藥, 又同門口個姨姨玩, 轉個頭又同姑娘玩.. 佢唔似病囉!
車上, 恐龍仔已經好攰, 十點幾喇! 食埋藥, 飲4安奶就瞓喇!
Get well soon , dino!!
回覆刪除呢排真係好多小朋友病. 返學啦, 可能會多d菌菌, 好好鍛鍊身體, 打低d菌菌.
回覆刪除[版主回覆08/31/2009 16:23:00]仲諗緊聽日返唔返好~~~
唉~
今日好啲未呀, 終於有冇返學? 我個b又係好煩, 睇咗N咁多次醫生都話係皮膚敏感, 但成個幾月啦, 成身仲係一撻撻紅哂, 又有時微燒, 終於响星期日叫醫生寫紙睇皮膚科check啲血有冇問題, 都有啲擔心呀..... 小朋友一病就好煩啦.
回覆刪除[版主回覆09/01/2009 05:35:00]1號先開學呀..
恐龍仔差唔多好返哂喇, 希望你嗰隻都好快無事啦!
個肺有d花? 咁有無問題架? 普通流感都會令到個肺花? 我都好擔心子宇. 唸緊呢個星期都係唔返住, 驚好多小朋友病, 如果子宇又病, 去到醫院都無醫生睇啦.
回覆刪除[版主回覆09/01/2009 05:40:00]氣管炎呀! 仁安都有医生睇嘅,不過未必收入院囉! 祝子宇身體健康!
好好保重? 恐龍學會用口罩嗎? 保障自己
回覆刪除[版主回覆09/01/2009 05:44:00]咩風吹到你度喇? 嗰晚叫佢帶mask架, 我自己都有帶, 但係佢氣促唔敢蓋住鼻仔呀! 尋晚問佢要唔要返學, 佢話要, 問佢帶mask得唔得, 佢話ok喎!