作悶

大約得6wk, 仲有一個星期先見医生..

呢排開始有d作悶, 輕微作嘔, 口淡淡~  大致都仲ok

有日問恐龍仔, bb叫咩名好, 佢答咗自己個名!

跟住又話叫牛牛.. 咁好啦! 叫牛牛啦!!!

爸爸話如果係女, 叫悠悠喎~

 

牛牛

家長日, 原本打算同恐龍仔一齊去, 然後去街街~

但係病病就自然唔好去街街啦!

媽媽攞咗d好嘢返屋企, 就係牛牛一隻!

佢好開心, 好生猛 , 完全唔似病緊喎!

牛角仲識得點蟲蟲..  恐龍仲會同牛跳舞!

恐龍仔: 我都有角架!

之前睇見佢個樣都好擔心.. 但係今日見到呢個樣... 真係好搞笑! 貪玩豬!

夜探仁安医院

星期四, 恐龍仔有d鼻水, 俾咗d維他命C糖佢食~

今朝, 開始有幾聲咳, 於是工人姨姨帶咗恐龍仔去睇医生~

黃昏, 媽媽返到屋企, 工人姨姨話佢嘔過一次, 唔願食嘢, 好似發緊燒... 嘩! 38.8度呀!! 咁有無食退燒藥? 5pm食過一次~~ hmm~ 個幾鐘仲燒? 咁医生有無開多隻退燒藥呀?
吓! 係無!

見到恐龍仔呼吸急促, 媽媽決定再去医生度睇睇~

阿医生嘅發應同平時好唔同, 呢次, 佢話恐龍仔氣管炎, 去急症照照肺好喎~ 佢開咗退燒藥俾我地..

恐龍媽好肚餓, 仲要抱住恐龍仔, 於是等埋恐龍爸問咗餐先去..

去到仁安, 登記小姐長細解釋入院分流問題: FLU A- 唔收, FLU B- 收, 兩樣都唔係-要隔離, 收幾多$$, 不過full咗! (但係我地無諗住喎!)

等咗一論見到就医生, 安排吸氣同埋照肺.. 恐龍仔d燒退咗, 都幾生猛, 一路俾医生聽肺, 一路讀枱面個月歷: Jan/Feb/Mar....護士同医生都笑哂, 乜咁叻嘅?

照肺都幾順利, 再見医生, 医生話個肺有d花..
恐龍仔望住自己張片.. 插口: 咁醜樣...
笑死人!

我地攞埋藥就返屋企... 多謝$9xx!!!!

等攞藥, 又同門口個姨姨玩, 轉個頭又同姑娘玩.. 佢唔似病囉!

車上, 恐龍仔已經好攰, 十點幾喇! 食埋藥, 飲4安奶就瞓喇!

涼浸浸

恐龍媽今晚有書聽, 夜歸, 恐龍爸就好乖無OT, 好早就返到屋企陪仔..

恐龍爸開門~ 阿仔見到爸爸返到, 一個箭步走咗去電視櫃, 搵冷氣機個遙控器-->開冷氣!!!!

然後, 自己行去熄埋個風扇!!!!

涼浸浸~~~

唔知幾時開始, 佢識得入到冷氣地方就話"涼浸浸", 見到我地返屋企就話開冷氣! 有時好熱呢~ 就走去熄風扇, 好似知道唔要個風扇就有冷氣咁!

笑c恐龍爸! 搞到急不及待要打俾恐龍媽報告! (都話要聽書咯!!)

 

好叻叻豬架噃!

今晚恐龍爸夜返.. 見恐龍仔有瞓晏覺, 就玩夜少少啦!

首先~ 同最後一日playgroup嘅作品影張相:

裡面係d閃粉, 波波, 紙塊.. 搖吓佢好似落雪咁!

咁呢邊箱, 恐龍仔做緊乜??

近期至愛: 減數! (加數無乜興趣!)

仲有攞返之前唔識用嘅珠仔"計數機"... 有咗佢, 恐龍仔可以自己做加減數!

佢就係咁玩喇~~ 自己砌, 媽媽無出過聲架!

又一塊!

一路砌.. 砌到喇, 恐龍仔話: 好叻叻豬架噃!

 (邊有人自己讚自己架!)

然後~ 另一塊: 係咁喇噃!

媽媽問仔: 你點知幾時"架噃" 幾時"喇噃"架????!?!?!?!

----------------------------

就係呢套咁喇! 係Cathy姐姐買俾恐龍仔架! 多過半年架喇! 呢排攞出嚟就變咗"飛佛"~

呢排恐龍媽懶~ 明明有d好有趣嘅事發生咗, 但係無心機寫低, 過咗兩日又唔記得! 仲要藉口多多!

唉~ 可能真係要買過個no. pad, 因為有嘅話, 用九方打中文會快好多!

 

山長水遠上playgroup - 第五堂

又係動身又動腦嘅日子..

今日玩嘅嘢幾有挑戰性架~~

小朋友們要自己行過唔同質感哂蝴蝶..

仲有傳波波啦....

最重要係爬梯!!! 其實恐龍仔爬上爬落無乜問題, 去遊樂場都自由活動嘅! 不過每次見到d新事物就爭d..

好似呢行梯, 第一次爬, 唔上唔落.. 仲不停咁say sorry, 想退縮 (Sam Sir 問點解恐龍仔會sorry嘅? hmm... 應該係抱歉嘅意思.. he is sorry, he cannot do it.)

經過一輪鼓勵之後, 叫做上到去啦..

落返嚟就試繩梯! 佢上繩梯就快好多! 因為佢覺得自己玩過喇嘛!!! 唔係好駛幫都自己上到!

今日~ Sam Sir 仲話對恐龍仔又愛又恨..  呢個仔又係嘅, 一時又俾驚喜人, 一時又怕死!

-----------------------

放學, 改變策略, 今次行到老遠坐巴士喇, 上到車食塊餅, 飲埋包他奶... 又係時間要覺覺豬喇! 都係上次一樣: 要抱住瞓!

落車, 仲瞓緊, 無醒! 不過頭仔就濕哂~媽媽個身都係!!

 

同學仔到訪

呢個夢幻組合, 來自Sam Sir playgroup~
其實早幾個星期約過一次, 可惜恐龍仔病病未清, 臨時取消!

而要請佢地嘅目的.. 就係嚟爭玩具!

首先~ sasa先到, 恐龍仔介紹執恐龍蛋!

跟住~ 星仔都到喇, 不過需要d時間warm up, 無一齊玩..

你咪以為佢地真係一齊玩, 其實大部份時間都各自揾食!

多謝sasa嘅水彩顏色! 恐龍仔一見到就知要攞紙紙畫畫!

俾個波波星仔之後~ 就生猛返喇! 原來佢好鍾意琴架!

於是~ 恐龍媽攞個玩具琴出嚟.. 恐龍仔就唔抵得~ 要搶!

sasa就好乖, 睇吓書, 同d公仔玩吓! 恐龍仔好似無乜爭sasa玩緊嘅嘢咁喎!

星仔原來係puzzle 高手! 自己砌掂20塊!!!

又同大象玩一陣..

俾佢發現咗隻青蛙~

恐龍仔教sasa : 5+5=10 (玩緊天秤呀~)

星仔就自己玩~ 杯杯!

sasa砌咗個好高嘅 "I", 恐龍仔成日指住叫"I"!!! (R耳仔中)

大合照? 有難度架! 呢個係合成版:

3個小朋友, 最細係sasa,8月出世, 講嘢最叻係佢, 亦都好穩定.. 最乖係佢!

傻豬星仔就有d怕生, 要d時間warm up (星媽話睇狀態喎~ 不過越大越怕羞)

最後~ 表現咗星仔硬頸嘅一面, 喊喊呀! 都玩咗差唔多兩個鐘, 大家決定散場, 下次玩過!

------------------

我地送小朋友落樓, 恐龍仔好唔捨得, 起勢捽眼.. 喊喊呀! 咁你就唔好搶玩具, 大方d啦!

會唔會計錯數呢??

一路d period都好準, 31days, 最多正負一日, 但都好少~

上個月, 早咗兩日, 應該係7月18號... d M形色古怪, 同平時唔係幾同, 我叫自己唔好諗嘢, 因為嗰個月食咗好多感冒藥!

今日.. 20號喇! 遲咗兩日..

雖然强烈覺得係無可能嘅.. 日子唔啱! 但係有恐龍仔都係日子唔啱數架! 世事唔可以盡同書本嘅智識去解釋~

咁~ 我有無計錯數呢?

過多兩日兩算!

------------------------------

21 Aug 2009

去完cyma度探bb, 食咗d薑醋蛋.. 無食dinner

臨返到屋企收到elmolly 電話.. 試喎~

test: strong positive (仲勁過個control)

恐龍爸.. 好開心!

之係自己一個响浴室... 我走入去問佢: 化驗師駛唔駛睇product insert架?

跟住... 佢揚一揚手上嘅insert! ok~你睇就得喇!

 

 

勞作 @第6-8日

恐龍媽放工返到屋企, 見到個紙袋, 睇真d? 原來係魚魚!
加埋尋日嘅水母, 我地可以開party喇!!!!
首先~ 小水母同小魚兒游嚟游去..

玩攰喇.. 响地下休息吓先!

跟住.. 又游去另一邊~
睇嚟~小水母精力好d喎!

再玩多陣啦..

叫佢笑吓~ 又係呢個傻樣!

因為水母要攞住先影到, 無得大合照~

就等我地重溫一吓呢幾日嘅大作:
星期一: 鏡子
星期二: 水母
星期三: 魚兒 (雙面, 有咀巴架!)

------------------------------------
開始咗漸進式分離~
呢個星期第一日, 上堂部份時間家長坐响後排~
今日第三日, 恐龍爸坐咗出去無耐就要請入返去, 坐埋一邊, 因為恐龍仔揾爸爸呀! 不過當佢見到爸爸, 就繼續專心聽故事!
其實恐龍仔每日都會問起auntie去咗邊, 爸爸話auntie响出面, 恐龍仔就繼續佢原本做緊嘅嘢!

今日~有兩位老師讚恐龍仔:
一個話佢叻叻, 識得好多顏色 (hmm.. 一年前都識哂啦!)
另一個就讚恐龍仔"好c文"

悶悶不樂

同平時一樣, 媽媽七點半叫恐龍仔入房叫爸爸起身..

今日, 恐龍仔由自己間房行咗出廳, 發現尋日媽媽買嘅新書 (寫一寫~ ABC, 搵咗好耐喇!) 恐龍仔笑住抱新書入房搵爸爸!

入到房, 二話不說就要攞支筆出嚟, 打開~ 開始寫ABC.. 筆畫序錯哂, 恐龍仔除咗第一筆係由上到下之外, 其他都係由下至上!

佢好努力咁玩... 但係尋晚講好去探木瓜樹架!

恐龍仔 : NO!   you (I) want this!

喊咗一輪~~~ 媽媽努力地引導恐龍仔講出自己感覺~ (其實恐龍爸媽都响個心度笑緊, 因為買咗樣佢鍾意嘅嘢, 又覺得呢個仔好得意, 鍾意寫字多過落街!)

又俾佢玩多一頁啦~ 都係唔願行..

於是出絕招 : 爸爸媽媽落街喇~ 你去唔去呀?

如我所料~ 恐龍仔好爽快咁答: YES!

仲想讚佢乖.. 點知一路自己行向大門, 一路喊! (喊咗兩聲啫~)

落到平台, 唔願打招呼, 唔願行, 唔願講嘢... 悶悶不樂!

又要媽媽抱抱!

最後~ 總算摸過木瓜, 睇咗一陣網球 (一早就有人打網球呀!) 跟住又要抱! 爸爸話"不如行到第三座媽媽先抱啦.." 咁佢又唔出聲自己行.. 行到第三座, 媽媽都幾乎唔記得咗要抱, 但係恐龍仔就停低咗, 然後抱住媽媽對腳! 唔出聲~

小朋友就係好唔開心咁喎~

返到屋企, 媽媽送上書書.. 恐龍仔又開始好用心去寫, 連媽媽要返工都唔願理!

 

上學去 (第六日)

第二個星期返適應班喇!

呢個星期, 將會由嫲嫲個工人姨姨負責接送恐龍仔, 希望第日有需要時可以幫吓手接送嘅工作..

恐龍仔今日都係有d眼瞓仔, 爸爸話:

• 恐龍仔經過一個星期之後, 依家識得主動同老師打招呼喇!  


• 依然好鍾意個鞋架! 唔停咁讀其他同學仔嘅名!


• 今日無帶名牌, 但係好多老師都記得恐龍仔個名~


• 班裡面有個小技安, 鍾意走嚟走去, 仲會搶玩具! 話說小技安玩玩吓件玩具放咗响恐龍仔枱面, 然後走咗, 咁恐龍仔咪玩囉! 點知小技安見到就返轉頭嚟搶! 恐龍仔响混亂中掟咗玩具落地... 老師話咗小技安幾句~


• 可能相處咗一個星期啦.. d曳人已經現形, 咁乖嘅小朋友就自己得到老師嘅歡心啦!


• 今日茶點時間, 老師未播歌仔之前, 恐龍仔又話"無點蟲蟲", 咁恐龍爸就話"可能老師未播.. 等一陣先啦", 呢次恐龍仔無出聲, 真係等, 咁又俾佢等到喎!

恐龍媽好期待開學嗰日陪恐龍仔返學呀!

差d唔記得講: 恐龍仔今日放咗學返屋企瞓咗個幾鐘呀!!! 難得~難得! 因為有瞓, 所以我地可以等埋爸爸放工返到屋企先瞓覺呀!

山長水遠上playgroup - 第四堂

今日又係上pg嘅日子!

一朝早, 工人姨姨話恐龍仔5點幾醒咗話要shsh, 之後就瞓返 (嘩~ 叻叻豬呀!!!)

一早, 恐龍仔又話要去太空館! 好啦! 去完Sam Sir度再去啦! 不過恐龍仔仲係不停講"我地太空館"!

今次上堂, 有一隻飛碟韆鞦, 有d小朋友笑住行埋去, 恐龍仔就唔肯玩! 要捉! 一路swing一路苦瓜乾咁嘅樣! 但係就全班keep到最耐係佢! 無跌~ 係大人叫停喇.. 佢都仲死命捉實! 玩第二次都係一樣!

之後~ 同爸爸byebye (要返公司做嘢呀!), 同媽媽坐巴士去太空館! 今次恐龍仔望住個招牌一輪, 自己拼唔到museum~

行咗一個圈~ 大約點半左右, 我地就去食d嘢, 然後坐巴士去婆婆度!

今日, 係一個星期以嚟, 第一次瞓晏覺! 恐龍仔响巴士換咗兩次位之後, 最終要媽媽抱住~ 就瞓着咗!

因為無著片片嘅關係, 去到婆婆度, 叫婆婆响床都墊多張毛巾啦... 兩個鐘頭後, 小朋友醒咗, 要shsh喎~ 開門:見到企咗响床邊唔郁得, 一地水!

婆婆都讚恐龍仔叻叻豬呀! 起碼唔會整濕張床先啦! 1點半去過厠所到5點半醒, 算係咁喇!

不過~ 呢隻仔最近唔願自己食嘢, 要人餵!!!!! 今晚一啖都無郁過手呀! 曳曳豬!

臨走, 問佢坐的士定巴士, 佢話巴士喎! 咁好啦, 見有瞓晏覺唔怕會响車瞓着, 就巴士啦!

路上~ 小朋友話: 馬路上有的士.. 巴士.. 私家車.. 貨車..

遊船河 2009

今日節目豐富~

首先, 我地去羅叔叔度做入學body check, 同埋打水痘針!

响地鐵, 唔肯坐, 因為要讀車站名!

恐龍仔: next station is ~~ 下一站係 ~~~ (不過唔講國語喎!) 

打針~ 今次係打皮下 (唔係以往嘅肌肉), 所以係會痛d! 恐龍仔叫咗兩聲就無事喇, 無喊! 好叻叻呀!

不過.. 出返去等攞藥時 (恐龍媽嘅藥~) 恐龍仔曳曳玩垃圾埇, 爸爸叫住唔聽, 唔知點樣, 個垃圾埇反咗~ 恐龍仔跌咗落地! 喊咗好幾分鐘!

搞掂喇~ 舅舅接咗茶茶同埋公公婆婆之後, 就接埋我地, 一齊向碼頭出發!

恐龍仔依家好醒, 識扭抱! 我地就要佢自己行!

上到船~ 見到茶茶帶黑超.. 我地又俾恐龍仔玩吓啦! 極不願意呀!

我地食少少嘢之後, 就換衫落水.. 一年後都仲係ladybug! 今次fit好多喇, 下年應該著唔落喇! =P

恐龍仔好鍾意swing swing... 成日叫人swing, 一玩就收唔到!

落水.. 本來我地一齊落水架, 點知茶茶今日好似唔多高興 (可能因為舅母唔得閒無陪我地?) 好快就上咗水, 原本响水都影咗幾張相, 不過機機跌咗落海!

之後我地唔坐小飛船, 轉玩noodle! 你睇恐龍仔幾開心呀! 恐龍爸事後話: 呢隻仔唔停咁亂踢, 搞到佢好鬼攰呀!

跟住.. 同恐龍媽瞓咗一陣浮床.. 就上水喇!

爸爸就幫媽媽執返漂走咗嘅水泡~~ 辛苦哂!!!!

恐龍仔沖完涼又玩咗一陣超人仔!

因為人少, 公公婆婆又好似有d攰咁, 我地好早就入程喇!

恐龍仔~ 又扭抱呀!!!

多謝哂茶茶嘅接待, 恐龍仔下次有機會再搶你d玩具!

仲有一樣趣事, 就係舅舅話影相對住恐龍仔對唔到焦, 因為太多老鼠頭!

btw, 兩老長爭6個月, 一樣高! 不過如果睇shoulder, 就恐龍仔高d, 茶茶個頭好大呀!

 

-------------------------------------------------------------------

 

一年前嘅ladybug:

無點蟲蟲?!

今日第五日上playgroup~

恐龍爸報告以下事項:

• 恐龍仔好鍾意個鞋架, 因為上面有其他小朋友個名, 佢唔停咁讀~讀~讀, 連應該做嗰樣嘢: 攞自己對鞋, 都唔願做!
• 恐龍仔有無同人爭玩具呢? 以往人哋攞佢d嘢就大叫! 依家原來進步咗喇! 遇着個搶嘢能手, 恐龍仔自己攞過第二件玩.. 無話啱唔啱, 小朋友嘅問題, 小朋友解決!
• 依然係上親故事堂就最想瞓!
• 恐龍仔識得hello Miss喇! 不過唔肯say hello to 校長!
  
• 茶點堂.. 無咗平日播開嘅兒歌, 恐龍仔細細聲同爸爸講: 無點蟲蟲!

恐龍爸叫佢自己同老師講.. 幾秒後 (恐龍爸以為佢唔會講架喇) 恐龍仔指住牆邊好大聲咁講: 無點蟲蟲!
跟住, 老師話"係喎" 然後開返歌仔...
恐龍仔又繼續... 跳舞!

好開心, 恐龍仔會專心上堂, 幾日已經開始對環境有感覺, 觀察力強~

上堂情況

基於無瞓晏覺關係, 大部份嘅小朋友都比較.. 呆!

不過上咗四日, 恐龍仔開始進入狀態, 有d反應! 由第一日嘅一舊雲, 到第三日慢幾拍, 叫做有進步架喇!

恐龍爸話, 恐龍仔好專心聽老師講嘢 (唔知係呆定係專心喇!) 好有心機做勞作, 不過可能聽唔實老師嘅英文口音, 所以反應唔大..

另外, 就係佢識嘅嘢都唔敢出街答, 只係好細聲咁講 (恐龍爸都幾乎聽唔到!) 但係有時又會突然大大聲話: GREEN!!!!

唔明~ 唔知佢搞乜!

恐龍仔應該大過起碼一半嘅小朋友啦~ 但係體能方面就比較弱: 其他小朋友識跳識跳, 有d仲識彈弓腳咁行, 但係恐龍仔依家跳都仲係要扶住, 如果自己跳就好乜點離地! 跑~ 最近叫好d, 不過都未有個"跑"樣! 似行得快d咁!

其實, 環境咁新奇, 就預咗呢d小朋友坐唔定, 恐龍仔就去到掛住玩車車, 上堂喇, 要爸爸捉囉! 其餘時間都無乜問題, 算坐得定啦~

今日, 勞作係毛毛蟲:

恐龍爸話: 除咗幫恐龍仔搽咗葉邊嘅膠水之外, 其他嘅都係恐龍仔自己做架!

恐龍媽好開心.. 因為條蟲蟲好直, 恐龍仔好有"秩序感"~

-----

下面把扇, 係星期三嘅作品~

恐龍爸話, 大部份嘅"書童"唔會好似佢咁, "meet"開少少俾小朋友自己stick上去, 其他人係會"meet"走哂貼紙個底先俾小朋友, 有d甚至係大人做勞作!!!

恐龍仔, 經過長時間嘅訓練, 就算好似熊仔印花咁細嘅格仔, 都難唔到佢!

 

上學去~ 第二日

恐龍仔尋日第二日"返學"

一早, 媽媽就準備好茶點, 恐龍仔就自己玩印仔!

夜晚, 終於有機會影低恐龍仔頭兩日嘅大作:

但係佢似乎唔多鍾意頂帽咁喎!

------

經過兩日無瞓晏覺, 已經不存厚望.. 難得嘅, 係俾佢早少少瞓(8點鬆d), 佢就瞓到差唔多8點先醒 (中間醒過一次飲奶奶~ 之後繼續瞓!) 叫做比平時瞓多個幾鐘, 算係咁啦!