恐龍仔今朝好早醒~ 一早, 嘈醒埋恐龍媽!
因為尋晚夜瞓~ 成朝都好攰! 食完brunch,
恐龍仔返屋企.. 一路: Do Re Mi Fa So La Ti Do~~~ 不過, 當然係5音不全啦!
多謝恐龍爸幫手陪瞓~ 等恐龍媽都瞓返陣!
夠鐘上堂~ 諗住叫醒恐龍仔.. 好奇怪, 啜緊奶咀?!?!
上堂時.. Sam Sir講起: 如果恐龍仔主動d~講多d嘢就好喇!
恐龍爸先講: 有d人仔掛住講嘢唔瞓覺, 所以要搵嘢x住佢把口!
不過都係架~ 個個人都係去到陌生地方就唔多講嘢架啦! 有咩出奇喎!
---------------------------------------------------
之後~ 去咗探公公婆婆! 佢地見到恐龍仔帶住恐龍帽~ 好開心, 起勢話好得意呀!
恐龍仔今日好乖, 肯叫人呀!
---------------------------------------------------
返到屋企, 想幫恐龍仔洗白白先(等個頭乾咗就瞓), 但係嫲嫲要恐龍仔食嘢!
(轉個頭~嫲嫲一手都係恐龍仔吐出嚟嘅米粉~)
到洗完白白, 恐龍仔喊住要"筆筆~ 123!" 嫲嫲問: 係咪凍呀?
吓?!
恐龍媽覺得恐龍仔係一隻有智慧嘅生物, 佢識得用廣東話同埋英文同其他人溝通! 佢識得講"凍凍"! 最重要嘅係~ 佢阿媽唔係傻嘅! 知道用暖水沖涼, 間屋夠暖所以着兩件衫夠哂! (唔會着唔夠衫!)
今日同豬弟著咗件jumpsuit, 佢出世以嚟第一次著... 一路著, 一路同佢講包埋腳仔好暖O架~ 點知食食吓飯, 有人仔指住自己心口講"暖暖"~ 到瞓覺食奶, 個人仔又再一次指住自己講"衫衫暖暖呀"... 似乎佢都好滿意件jumpsuit
回覆刪除[版主回覆12/07/2008 07:54:00]嘩~ 聽見到覺得warm呀!
HI!歡迎探訪<恩蒨雜貨>,返左好多新貨,得閒睇下啦!^0^
回覆刪除http://hk.myblog.yahoo.com/car168car168
如有打擾,請見諒!!!