媽媽好對你唔住呀!

今晚, 恐龍媽好夜放工, 恐龍爸話bb好乖, 食哂d粥..

恐龍媽返到屋企, 知道医生開過4支藥俾恐龍仔.. 個心好唔舒服! 慘慘! 咳到聲都沙喇!!!

估唔到, 恐龍仔真係好乖, 好快就食哂d藥, 準備食奶瞓覺..

大意媽媽抱起bb.. 頭仔撞咗埋櫃!!! 恐龍仔大喊~

喊~ 咳!

咳~咳~ 作嘔!!!!

 最後, 嘔到一地都係! 呢隻傻恐龍好似輕鬆哂咁, 笑!

然後, 指住地下: 菜菜! 豆豆!

係呀~ BB嘔咗肚仔裡面d菜菜同豆豆出嚟呀~

BB嘔菜菜同豆豆出嚟!

跟手, 攞咗恐龍媽手嘅紙巾, 蹲着: 抹抹!

之後, 清理現處, 然後再餵過藥!!! 可憐豬~

恐龍仔指住麵包條.. 恐龍媽: 餅餅排隊隊~ 奶奶都排隊隊! 要食咗藥藥先!

於是, 食完藥藥, 好開心咁食餅餅... 再食奶奶!

 

BB~ 你好乖呀! 媽媽對你唔住呀!!!

 

点解媽媽會咁大意~ 又整痛BB架?!?!?! 恐龍爸重提恐龍仔由大床跌落地嗰次...