嫲嫲哭了~

外遊返到屋企, 等恐龍仔瞓咗~

恐龍爸同爺爺傾買樓方案, 老人家似乎好明白難處, 不過, 爺爺覺得住邊度都唔緊要 (最緊要佢銀行戶口內數字多少..) 所以, 堅決唔加碼!

另一邊箱, 嫲嫲經電話得知:如意算盆打唔響, 住唔到睇中嘅200萬單位 (海栢5xx呎單位/兩老住), 就鬧恐龍爸: 當年為恐龍爸一家付出佢嘅所有 (不過已經全數歸還, 有多無少) 依家一無所有(自己駛哂!) 就要佢住d鬼地方 (只不過買唔起200咁貴啫~又無話要佢住唐樓村屋!)

聲淚驅下~ 意氣之下, 要搬出~要返廣州住!

仲要講講吓收線!

佢呢家人, 人人都自私, 以為俾咗錢出嚟就萬能, 唔知道米價! 做仔(叔仔)嘅又無諗過自己都有責任照顧兩老!

最後, 嫲嫲諗清楚邊個對佢最好 (恐龍爸), 邊個出錢出力做緊嘢.. 所以, 約咗恐龍爸出街傾計..

希望盡快了結買樓嘅事~

恐龍媽忍緊嘅~ 係非一般嘅問題; 住緊嘅~ 係唔適合小朋友成長嘅環境!

其實~ 如果嫲嫲高興, 恐龍媽可以讓出大屋俾兩老住, 恐龍家搬去住居屋/村屋! 

唔好再嘈交啦!

如果要話恐龍媽自私, 只不過唔要聽見有人嘈交, 唔想有人長時間喺廳~ 小朋友連响廳玩嘅空間都唔多, 要留响房!

唔通~ 做個無complain 唔黑面 嘅媳婦就等於唔自私?! 嫲嫲自己都唔鍾意佢奶奶啦!