2008回顧

2008...當然~有喜有樂!

不過年尾時候..

市道差咗, 公司人事變動, 做appraisal.. 前後聽到好多嘢, 知道好多人唔鍾意自己, 好多是非! 

爺爺病情突變, 屋企成日有人嘈交.. 搵地方俾爺爺嫲嫲搬走... 錢!

加上恐龍仔呢幾日病咗~

心情好沉重~

無聖誕氣氛, 無禮物!

新年~ 仲悶!

自我檢討?

當初, 要做QA已經知做呢樣嘢一定乞人憎! 唔怪得人~ 九型人格嘅一号仔一定好多人唔鍾意 (雖然Sam Sir 話我唔係一号仔), 太多rules, 太在意公平!

其實, 一号仔好識合做QA~

最衰自己唔識講嘢, 唔識擦鞋, 唔打小報告! 好易得罪重要人士.. 平時最多都係請人食吓嘢, 公司已經無乜同事特別close, 仲要俾人警告(提醒?) 小心講說話~

我知我幼稚, 當人人都係好人, 為d好無謂嘅嘢爭取公平!

好多年前已經係咁~ 改唔到!

為咗錢~ 可能要自閉升級, 少說話~ 不過, 就算諗盡方法唔麻煩到人, 對事不對人, 但係~ 永遠阻止唔到其他人take it personal!

做QA, 你憎我, 係因為我做嘢搞住你! 要你唔憎我, 一係我唔做, 一係就要成功洗腦, 你做到perfect嘅, 無人會捉到錯漏架!

好難~

勤力啲係真嘅~ 年尾, 如果個project有乜閃失, 可能會無工做! 就算有得繼續做, 公司都會好唔掂!

人工~ 應該有得加嘅! 其實~ 呢間公司咁多次改朝換代, 啲阿頭都算對我好架喇, 起碼我唔覺得自己under paid~唔似入職時..

恐龍仔嘅教育基金.. 應該問題不大

屋企嘅大事~ 有恐龍爸頂!

其實.. 2008年都很不錯!