開浪夾衣

恐龍媽今晚同恐龍爸响街食飯~ 回程, 終於見到著開浪夾衣BB嘅真身!

話說~ 恐龍仔出世無耐, 嫲嫲响廣州Jusco買咗d $100兩件嘅BB夾衣俾恐龍仔, 其中一件就係聞所未聞嘅開浪夾衣! (嫲嫲話: 得一件唔係開浪架咋!)

當然~ 未俾恐龍仔著過啦!

第二次見到, 係一本大陸講親子遊戲嘅書, 裡面一張插圖: BB都好大, 有歲幾, 見到重要部位!

今次真身, 出現响火車頭等車箱, 一個好靚女嘅BB! 大概都有一歲, 天氣凍~ 穿得厚厚! 誰不知.. 當媽媽抱起, 改變抱嘅位置嘅時候-----恐龍媽見到patpat肉光一閃! (幾層衫都係開浪!!)

跟住嘅時間, 不停咁偷望通道另一邊嘅鄰坐, 可惜, 再無肉光飛閃喇!

無聊嘅恐龍媽諗咗好耐: 到底, 係咪大陸d B叻d, 好早搞掂toilet training.. 定係, 其實都係BB, 無特異功能, 只不過內有機關, 我地唔知?!

Come on~ 唔好話我知: 隨得佢就咁開細呀! 佢阿媽抱得好實, BB坐响大人隻大脾架!

咁~容乜易大人細路都成身濕哂架?!?!

有無熟悉大陸文法人仕, 可以話我知~ HOW?