尋晚, 恐龍媽返到屋企放低d餸, 就拖住恐龍手仔落樓~ 諗住接恐龍爸車~
行到半路, 收到恐龍爸電話: 要去睇樓!
恐龍媽話, 不如跟埋去啦!
於是, 恐龍仔第二次去睇樓喇~
上到去, 好興奮, 四圍走!
呢個單位~ 係細d, 4xx呎, 離開火車橋, 都有d海境架!
嫲嫲似乎心情大好, 仲好鍾意呢層樓!
就咁~ 我地總算解決咗最近嘅居住問題~
恐龍仔又多一達地方玩!
返到屋企, 嫲嫲好興奮咁講間層有乜好, 爺爺講咗一句:老婆, 你開心就得喇!
大團圓結局!
-------------
今朝, 恐龍爸問恐龍媽, 点解唔係咁開心?
因為, 買樓唔係為咗恐龍媽唔鍾意嫲嫲而買嘅 (仲有好多原因), 恐龍媽自問唔係討厭佢地兩老到見多一日會死, 都8年喇! 只係有d嘢睇唔順眼.. 有時有說話聽! 只係, 同佢地住, 一定唔可以生多一個小朋友~
供兩層樓, 雖然唔係自己供, 但係都有d壓力!
或者~ 變得太快, 未適應到啦~
-------------
同朋友傾開~ 佢用咗"孝順"嚟形容恐龍爸! 都無諗過.. 一直覺得叔叔未盡做仔嘅責任(雖然, 唔到恐龍媽批評), 原來, 做咁多嘢, 出錢出力.. 叫做孝順! 咁~其實恐龍媽都有份囉!
真係要生多個! 如果得一個小朋友, 雖然唔駛佢養, 但係佢第日嘅責任就變得好大!
um..................... 我會認為, ONLY出錢唔代表孝順~ 出力就一定係... 如果唔上心, 就唔會肯出力... 好似我咁, 2口子工作, 僅夠餬口, 實無能力供養母親~ (過時過節都有啲啲嘅~) 但... 清明重陽我陪佢去拜山 (仲要帶埋小K去), 佢會開心過我啲家姐ONLY俾$$佢, 而唔去拜山囉!
回覆刪除[版主回覆12/17/2008 11:58:00]有時, 真係攞唔到時間都無計, 所以有錢出錢~有力出力!
恐龍媽絕對係一個好新抱.
回覆刪除我自問做唔到同老爺奶奶住, 試過一起住兩,三年, 大家背景性格好唔同, 由開頭關係唔錯, 到後來佢對住我個b講我壞話 (又比我聽到), 再去到一個極點係我寧願離婚都唔想再同佢地住.
如果當初無一起住過, 可能而家仲可以每個星期見面, 可以好親密. 其實我老爺奶奶都係唔錯既人. 有時, 人與人既關係, 當中若保持一定空間, 可以保持得更好.
唔好意思, 有感而發, 借個位呻下.
Eclipse
[版主回覆12/17/2008 11:57:00]haha~ 隨便隨便~
不過.. 唔知我會点對我個新抱呢?
咁多日的挫折同埋唔開心, 以家係唔係好d呀? 但係來緊的係裝修, 搬屋咁, 好大可能又會有意見分歧架, 又會有唔開心的時候.......
回覆刪除等你好消息呀! 努力做人呀!(但我覺得等你哋settle好晒先.......)
[版主回覆12/17/2008 11:56:00]其實~ 覺得髮咗口氣! 但係都仲係煩嘅錢嗰度.. 因為e+銀行估價低得好緊要!
到搞掂哂d嘢, 就開始努力架喇!
係呀, 以家真係好低, 同埋未必間間都得
回覆刪除[版主回覆12/17/2008 17:56:00]最新消息: 加按最多6成!!
有無病呀!!!!
我都係咁話, 有錢出錢, 有力出力, 我自從生了晴晴而且搬了之後, 都好少回娘家, 咁又唔代表我唔孝順喎!
回覆刪除恐龍媽好叻! 我估我忍唔到一起住8年囉!
[版主回覆12/18/2008 09:32:00]多謝你呀~ 你知啦, d老公唔會咁諗架嘛!
恐龍媽，其實你真係好好呢！好孝順啊！
回覆刪除係呀！真係生多一個好啲！有兄弟姊妹一齊成長，有商有量會好啲！
[版主回覆12/18/2008 09:33:00]多謝~
係呀! 真係要生多個!
我以前做過地產ga,如妳買樓有野唔明可問我woo..
回覆刪除[版主回覆12/21/2008 07:14:00]好呀~