想念~ 媽?

恐龍媽好幾日無返屋企食晚飯喇~

今晚, 開門~有隻樹熊撲埋嚟, 張開兩臂, 大叫"抱抱"!

想念媽媽? 恐龍仔用跟出跟入嚟示意!

佢知道媽媽要去厠所洗手先抱抱~

"媽mi~去厠所?"

係呀~ 媽mi要洗手呀! 洗完手先抱BB!

恐龍仔睇住媽mi洗手, 然後抹抹~ 再張開兩臂!

恐龍媽諗: 好似好耐無同恐龍仔玩喇!

今晚~試試講故事!

都肯坐一陣媽mi梳化, 聽咗三四個短故事呀! 好嘅開始~

仲有~ 睇咗十多張中文字咭! 希望學啲已經好熟嘅字先, 之後再算! 恐龍仔嘅語文學習停咗一段時間喇~ 恐龍媽要勤力啲先得! (英文都無乜新嘅input呀!)

食飯.. 恐龍仔竟然識講"粉絲", 於是, 就教埋"節瓜" (之前一路都叫"瓜瓜")~

學嘢速度驚人!

----------------------------------------------------------------------

恐龍媽見其他小朋友去面試, 恐龍仔遲遲都無.. 因為只係報咗一間! 其他好多都過哂報名時間.. 多謝elmolly話俾恐龍媽知: 仲有"名校"未開始報名呀! 仲要係恐龍媽心儀嘅其中一間!

應該要改變吓當初嘅諗法~ 因為已經唔可以實行喇 (附近嗰間full到無得插AM班呀!!!) 不如就...

好啦! 我地向九龍塘出發, 見識吓都好呀!