禾爸~ 鍋巴~

禾爸~ 鍋巴~

恐龍仔最新歌仔~

佢覺得好得意, 成日禾爸~ 鍋巴~

多到.. 恐龍媽都....禾爸~ 鍋巴~

恐龍爸覺得好煩!

正確啲講~ 係覺得恐龍仔好可愛, 恐龍媽好煩!

-----

恐龍媽今晚放工返到屋企門口, 搵唔到keys, 唯有按門鐘

爺爺開門, 話BB企咗响門口一陣架喇~ 原來佢知道媽媽响門外面!

-----

恐龍仔好返好多喇, 今晚好生猛

仲有d咳, 仲未係好開胃

不過已經無嘔

恐龍爸話: 如果你個仔日日都係咁就真係幾好玩!

----

最近發覺

呢個仔開始痴媽mi~ 之前一路都無乜所謂架!