年尾。隨想

長假期~ 恐龍爸話要休息吓, Hea吓~ 於是, 留低病病恐龍, 兩公婆出街食嘢..

之後, 恐龍爸要上日文堂, 恐龍媽難得四圍逛..

個腦諗咗好多嘢~ 對眼睇中幾件衫, 無買! 最後~買咗隻保溫杯俾自己做禮物!

諗乜? 錢囉!

曾幾何時~ 月頭已經等月尾出糧, 晚晚麵包做晚歺, 然後匆匆趕返學!

呢幾年, 多謝恐龍爸俾到強大嘅經濟保障, 恐龍媽搵錢養外家同自己, 自恐龍仔出世, 養埋佢囉! 完全無計吓可以駛幾多, 好多時想買就買!

依家saving嘅錢, 係舊年嘅bonus, 恐龍仔出世後, 先至可以話加人工到有餘錢~ 當然, 可以話以前d錢俾我買哂無謂嘢啦!

呢幾日, 下咗一個決定: 就係堅持唔加長mortgage年期, 寧願呢幾年辛苦d, 節制吓!

書~好想堅持去讀! (希望恐龍爸記得佢自己讀MBA嘅日子)

其他嘢~ 大不了每個星期去婆婆度返屋企唔打的囉! 出街食飯食平少少囉! 仲有~ 買少d無謂嘢 (其實都好少shopping啦!)

今年聖誕, 真係好無心機, 好大壓力!

如果~ 有人工加就好喇! 少少都好!!!

如果一切生活質素不變, 又想供兩層樓.. 會唔會貪心咗d呢?

依家~ 計唔掂恐龍仔讀幼稚園條數呀...

希望在人間~有計嘅!!

嫲嫲話仲諗緊請唔請工人, 然後匆匆走去幫爺爺! 無時間同佢講: 工人一定要請! 嫲嫲每日瞓得4-5個鐘, 幾個月喇! 上次幫佢做check-up, 佢都唔得閒睇報告(or 應該話, 佢唔想知~) 佢個肝有硬化跡象, 太攰喇! 太辛苦喇!!

另一樣唔想慳唔係... 恐龍仔嘅學費! 雖然仲未有着落~

唉~

可能要到出哂bonus, 知道加幾多人工先可以鬆口氣!