恐龍仔嘅2013回顧

問哥哥：你覺得2013年過得點呀？
哥哥答：OK啦~
問:咁你考過小學，最終讀到呢間學校，你覺得點呀？
哥哥答：唔好囉~
問：點解呢？ (一路佢都話間學校OK架！)
答：如果可以同牛牛一間學校就好喇！

之後，佢話：如果牛牛唔鍾意同我一齊返學嘅話，我就唔轉喇！

(唔會架！牛牛一路都好鍾意同哥哥一齊坐校車呀！)
返到屋企，媽媽問牛牛：你鍾唔鍾意同牛牛一齊返學架？！

牛牛：鍾意呀！我好鍾意同哥哥一齊架！

到底係我地影響到佢嘅諗法，還是佢真心錫細佬呢？
唔緊要，最重要係一家齊心，目標一致！
努力~加油

自學菲語

爸媽响本筆記簿發現咗.... 

到底呢個人仔搞乜？！

Disney 兩日一夜之旅

十月已定下嘅奇幻之旅

一切都係嫲嫲嘅主意，因為佢份工唔可以放長假，只可以去玩個週末

嫲嫲話請d孫去當聖誕禮物

大人就自己俾

佢老人家唔揀有優惠嘅十二月中或之前，因為無氣氛

咁~我地就赤住去呢個奇幻之旅！

咁講~入到去酒店又真係好靚嘅

 

第一日午餐後坐車去，check-in再入園都5點幾，玩咗兩個遊戲，然後食晚餐，目標係睇煙花

但哥哥有d作病，個人好攰，佢食完飯就坐响度瞓着咗！

於是，恐龍爸媽抱佢返酒店！ 

牛牛就睇埋煙花先返去瞓！

第二朝，哥哥一早就醒，瞓唔到！搞住嫲嫲！

媽媽醒咗就捉佢出去玩

之後牛牛醒咗，同埋嫲嫲一齊又出去行迷宮

 

四圍行下

   

玩到差唔多，就退房，飲茶去！

  

然後先入園玩過

都唔係玩到好多嘢...差唔多時間就返酒店食自助餐

牛牛喊住話：我地嚟呢度係玩架！唔係嚟食嘢架！

哈哈！笑死我喇！

佢又講得幾啱架喎！

   

整體嚟講，都幾開心，係駛費貴咗d，無下次！ 

Le Guarattelle di Pulcinella - Puppet Show

臨近聖誕，節目多到玩唔哂！

今朝恐龍仔破哂紀錄，十點鐘被叫醒！媽媽都未試過一覺瞓到朝早十點呀！

下午，我地去咗灣仔藝術中心欣賞木偶戲

Guarattelle (traditional Neapolitan puppet theatre)

雖然有少少暴力，但好強嘅節奏感加上"打不死"

小朋友同大朋友都睇到哈哈大笑！

Good Show!

小樹苗開倉收獲

見到小樹苗開倉，書展好似要20本先做到7折，但開倉只需4本！！！好吸引！

見到我都好鍾意嘅毛毛，原來仲有呢4本！另外嗰兩本可能哥哥都啱睇~

跟住呢4本係好實用嘅智識型小故事~

 

但哥哥睇到唔願放手！

之後大部份都係俾哥哥嘅，有好抵嘅百科書 (折實$63)

同埋好似好深嘅數學書，以美德為中心嘅閱讀理解書

~ 內頁~

如果想揾閱讀理解嘅書，試試留意營火蟲出版社嘅書！

題目唔多，但家長可以多d參與，傾下計！

今次開倉嘅書無書展時多選擇，但勝在睇得輕鬆，無去搶嘢嘅感覺！

本來$800有送貨，但買咗17本都係$6xx。

今次~我無發揮c9本色，乖乖自己由北角抬番屋企！

圍棋升级賽

又係陪太子捉棋嘅日子！呢場係自家祺院賽事，聽説年年都有辦，但我地係第一次參加。
一年前恐龍仔只係初學兩三個月，今日佢係1O至14級组别，小朋友問:点解你進步得咁快！
的確，佢又真係同期進步得最快嘅一個！
上到小學唔似舊年，幾次公開賽都輸少少(唔夠小心，太快放棄以為完咗)，唔知係咪大賽嘅關係，感覺上想攞盃唔係咁易！特别當面对以棋力分組嘅对手，個個都比恐龍仔大，試过要对中学生，感覺上好難突圍。
这位是外來的段級教練

 

佢响無需判棋嘅時間，好多時都望住恐龍仔，睇佢點捉！

連完場後等收拾，恐龍仔自己同自己玩，呢位教練都坐响對面睇住恐龍仔！

恐龍媽好幾次想上前問：你細個時係咪又係咁架？

每次發覺有人覺得恐龍仔好特別嘅時間，作為媽媽，我都好開心~ 

小一生涯第二個學期...

11月中考過第一次試之後，就開始第二個學期
第一個cycle無默書，第二個cycle開始有默書喇！

問恐龍仔幫佢默書，佢話自己都識得背，唔駛喇，最後佢自己改埋卷俾媽媽睇，OK！可惜第二日病咗，無返去默書！

尋晚8點先醒起到英默，又問仔：攞書出嚟同你默啦~
佢轉頭叫咗工人幫佢，然後又話自己識得背！(英文都背？！)好~又睇下你點！
結果，又自己改卷，錯埋d無謂嘢 (個a字開咗少少口；個t仔唔靚！)

呢個時候恐龍爸返到，同仔講：好啦~就睇下你自己溫得唔得，唔得嘅就要爸媽幫你溫返架！

又睇下人仔生唔生性，自己搞掂，唔駛爸媽搞就好喇！
哈哈~

家長網絡小組

早兩個星期去咗做評估，做完下午就講結果。
感受好大~ 但最重要嘅係有結果，我地就去搵支援！

仲有，又開始我新一輪小學研究，問咗好幾個名校用家，答案係：(1)校長話全校都係精英，一視同仁！(2)無架喎~
最重要嘅係，大家嘅包容度都偏低！好彩恐龍仔嘅問題唔算大~ 但足夠教育心理學家見完家長之後，覺得需要同班主任傾下！

講番家長小組，呢個係家長尋求心靈上支援嘅地方，心靈大於實際幫助！因為我見到嘅，係其他人問題比我更大，心存感恩！
睇到導師分享嘅片斷，令我地小心留神：原本小朋友會咁樣諗嘢~
導師強調：佢地個腦同我地唔同！
即係家長要接受家有異類~  需要加倍耐性！

我努力緊！特別係當隻恐龍發惡想打人時，要有耐性，唔好發惡！
當佢硬頸時，唔好同佢講多餘嘅嘢！只講家長嘅要求，唔好答佢d"點解？！"

恐龍爸話，無乜用，嗰個依然係佢個仔，佢都係會一樣咁教！

呢個仔就依然會一樣咁蝦我！
佢話：媽咪，我好想聽你話架！但唔知點解我做唔到呀！
佢個樣真係有d苦惱架~~~

八仙嶺自然教育徑

恐龍仔學校假期，咁啱媽媽完咗個project，就請一日假陪佢去行山！

前一晚仲落住大雨，有人好似作病嘅樣，

以為行程要取消！

點知一早出太陽，最重要嘅係人仔好精神！

於是，外出飽餐之後，

爸媽帶住恐龍仔向八仙嶺出發！

去到大美督剛剛正午，行咗大半個鍾就開始上山一段，好多梯級！

但天氣真係剛好！18-19度，風和日麗嘅午後

上到第一個山峰，無鬼用嘅媽媽決定唔行，就响呢度坐住等兩父子~

佢好努力，去到每一個山峰都影吓相！

兩父子行駛8個峰來回，真係好利害！難得嘅係佢真係行得好開心！

見到佢無鬼用嘅媽媽行得慢，就會鼓勵一下！

落到山，真係行到日落架！
前面右邊好細粒... 係有個爸爸揹住個仔行緊....

佢揹住個仔都行得快過我！！！ (不過我一個人揹3個背囊ing)

大鄉里出城記

牛牛好少过海，今日哥哥有比賽，於是媽媽拖牛遊車河！
傻牛牛唔知点解指明要食漢堡包，於是。。。我地由中環坐叮叮到北角食M0S Burger！

 

平時唔多食肉嘅牛牛棄蝦堡，叫牛肉包包！因為太大個，於是媽媽食埋個面，佢只食肉+菜+底！仲食得津津有味！真神奇？！

之後我地又叮返去中環，參加智樂遊戲曰！玩咗三個遊戲，等咗個幾鐘，完全無扭計，無話攰！利害！

最後去哥哥比赛場地瞓住等哥哥

大戰過後...

恐龍仔完成咗人生第一個正正式式嘅考試，歷時一個星期嘅考試！足足痛苦咗兩個星期！

恐龍媽唔係教育部主管，兩個仔嘅溫書大業都同媽媽無關~因為我EQ極低，d仔又唔怕我，我怕我血壓高升，搞出人命就唔好啦~

睇見恐龍懶人考試教掛住玩，竟然同爸媽講"唔記得溫習"都夠膽嘅，問你服未？！
因為考試週無功課，所以絕對係得閒過平時架！

佢幾時先可以自動自覺？唔駛人迫佢呢？！

考完試，大家都去玩，但恐龍媽公司忙緊，無同仔去玩，聽日又另一場挑戰嚟緊：第一次參加以棋力分組嘅比賽！即係話對手係實力相約嘅人，而佢地亦好可能大過恐龍仔！媽媽就好緊張喇，不過基於試過兩次公開賽恐龍爸都要開工，恐龍媽要一拖二，今次終嘅可以甩身，可以帶牛牛去玩，所以陪唔到哥哥喇！祝好運啦！

Yummy cookie

 响FB見到Yennie Darkins 同d女整曲奇，好似好簡單，於是我又整！

這種曲奇口感似藍罐曲奇，非常輕脆！

吱花牛油曲奇 

 無鹽牛油（室溫）180g
糖霜　90g
蛋白　１隻
麵粉　200g

牛油發打至奶白，加入糖霜繼續攪拌，加入蛋白再攪，麵粉則續少加入攪拌
把Mixture放入吱管/吱袋吱出不同形狀
放入已預熱150度焗爐焗約十分鐘，或至金黃色即成。

佢整嘅係 吱花，我都整咗好多，不過轉下眼就俾兩隻小鬼食咗一半！

熊貓模買咗好耐，第一次整，都... 算見得下人，無爛哂！哈哈！

剪髮記

 一早應承咗帶牛牛出去剪頭髮，佢一直都係媽媽幫佢剪，唔肯俾剪髮姐姐操刀！

 

最近，係佢自己話要揾姐姐剪...

上星期放工同佢去，可惜無開門

今日再去，原來裝修緊！

緊得二少話要出去剪，就隨便逛逛~睇下附近邊度有得剪啦！

第一間，<$100，但要等4個客！即個幾鐘！

走人！

第二間，得一個客响裡面，睇唔到細路價，大人就$140

好啦，剪啦！

呢個小朋友一路都好定

仲一路剪一路笑，傻豬豬！

最後，都好順利，埋單$118！

好貴呀！！！

 

英華常識題深到離譜 難為小一生

我家有訂報紙，下面嘅題目好多我都响只睇大標題嘅情況下知道答案，我唔清楚我家小一生懂多少，但相信也應該懂一半。想反問：係家長自己都唔關心時事？定係呢代小朋友忙到跟本無時間留意世界？

我反而覺得學校只係想鼓勵學生多讀報，或多關心時事，而我家由K3開始有一日一則時事分享嘅習慣

其實，教育係咪要定明每級可以教得多深？要懂得幾多？(家長們經常話課程太深，其實課程唔駛太深，但要懂得帶引學校自己探究，呢樣最難！)

可以俾學生自己探索，定一個引子，好樣孩子自由發揮，唔係應該係好事咩？！

定係我諗得校方原意太好？！或者係佢方法用得太過，令大部份家長反感？

 

 

名牌小學一年級時事常識題目深奧程度「大超班」，不但小學生「十問九唔識」，連家長也被考起！

網上近日瘋傳深水埗直資名校英華小學一份發給小一生的常識科時事工作紙，內容竟涵蓋內地實施旅遊法、藝人曾志偉辭任演藝人協會會長等與普遍小一生完全拉不上關係的艱深時事題，令人嘩然。

本報以此進行街頭即場做卷測試發現，九成受訪小學生「全捧蛋」。有教育界人士狠批題目冷門、用字太深，對小一生而言屬「太過分」。校方表示已檢討並更新出題指引。

該份「英華小學2013-2014年度上學期常識科一年級時事小百答工作紙（一）及（二）」，內有十條時事選擇題，當中包括問及行會最近批准的士加價多少元、環境保護署向立法會提交修訂建議期望強制淘汰哪類車輛、內地十月一日實施哪條法例打擊零團費及強迫購物團、本港受哪個被喻為本年最強颱風吹襲等深奧內容，連最近哪位藝人專程從內地趕回港宣布辭任演藝人協會會長，竟也要小一學生知悉，引起大批網民和家長熱烈討論，「連藝人新聞都要知」。


九成受訪初小生捧蛋

本報記者昨在大埔區隨機向卅名小一至小三學生和中學生發出該工作紙進行即場測試，結果九成受訪初小生「捧蛋」，只有個別學生最多答對兩題，部分學生在家長協助下亦只能答對六至七題。若以十分為滿分，受訪初小生平均得分六點六分，當中最多人答錯的士加價題，亦有不少學生誤以為馬來西亞是菲律賓的城市。相反，受訪中學生則平均有近九成準確率。

英華小學陳副校長接受本報查詢時承認，有關題目屬該校小一年級常識科上學期網上工作紙練習題，學生每月需完成一份，但不會計入考試分，題目從報章頭版新聞取材；她透露，校方有見最近有關題目引起大批家長及網民討論，即時與科目老師開會檢討，認同部分題目程度太深和太冷門，故已更新出題指引，要求老師選材時須同時考慮頭版新聞的熱門度和客觀性。她解釋，設時事題目的是鼓勵學生多閱報及多留意時事，故不介意家長陪同子女透過討論完成工作紙。


教協主任：太過分了

資助小學校長會副主席張勇邦看過有關題目後直言太深太長，不適合小一生作答，而「辭任」、「淘汰」等詞語更是小一生較少觸及。香港教育專業人員協會教育研究部主任張銳輝批評，「小一常識科出呢啲時事題太過分了，相信連初中學生都只係勉強識」。他質疑，部分題目與小朋友的生活無大關連，建議出題應圍繞學生的程度和生活範疇。



英華小學常識科一年級題目

1.近日，哪一間電視台未能獲發免費電視牌照，引發市民發起遊行集會？

A.亞洲電視

B.Now TV

C.香港電視網絡

D.有線電視


2.早前，哪一套荷里活影片在香港拍攝期間遭人勒索？

A.雷神奇俠3

B.變形金剛4

C.異形續集

D.反斗車王5


3.近日，菲律賓哪一個市政府表示願為菲律賓人質事件道歉？

A.馬尼拉

B.馬來西亞

C.巴拿馬

D.烏拉圭


4.近日，哪一位藝人專程從內地趕回香港舉行記者會，宣布辭任演藝人協會會長？

A.曾志偉

B.金剛

C.錢嘉樂

D.林曉峰


5.近日，教育局局長吳克儉表示，因應哪一區的幼稚園學額緊張，將積極考慮善用空置班房等方法，增加學額數目？

A.觀塘區

B.深水埗區

C.南區

D.北區


6.近日，香港受到哪一個被喻為本年最強颱風吹襲？

A.蝴蝶

B.天兔

C.溫黛

D.白兔


7.中國內地將於十月一日實施哪一條法例，希望打擊零團費及強迫購物團？

A.遊戲法

B.參觀法

C.旅遊法

D.火車法


8.近日，哪一項徵費計劃正進行第二階段諮詢，建議日後每戶家庭每月徵費約三十元至七十四元？

A.垃圾徵費

B.空調徵費

C.油煙徵費

D.嘈音徵費


9.近日，行政會議批准市區、新界及大嶼山的士於本年十二月八日落旗加價多少元？

A.1元

B.1元5角

C.2元

D.2元5角


10.近日，環保署向立法會提交一項修訂建議，希望強制淘汰哪一類車輛，以收環保之效？

A.柴油車

B.環保車

C.單車

D.電車



答案：
1.C
2.B
3.A
4.A
5.D
6.B
7.C
8.A
9.C
10.A

quote from:  https://www.facebook.com/photo.php?fbid=597602013609089&set=a.135644233138205.12702.135394269829868&type=1&theater

檸檬撻功課

牛牛今期嘅Proje食得t  approach 主题係檸檬。俾咗-大堆相關食譜牛牛揀，最後佢話要整lemon tart！好啦～雖然未整過，但應該整到！綱上揾到仙姐嘅食譜，但最终揀咗手上食譜書嘅做法。

 

首先整撻皮，多得牛牛幫忙！

搓好放雪椻

櫃兩個鐘。。。就可以去焗喇！

再整個檸檬醬

跟住小幫手又出場！

再雪下佢。。。就食得喇！

好味道呀！

有營小食

恐龍媽唔食得高鹽食物，亦唔食得高糖小食，咁。。。可以點？

最近睇講健康飲食嘅書，見到講黑朱古力，但點揀好？有機？

原來買公平交易比有機重要！因為咖啡同朱古力業背後，係大量嘅兒童奴隸支持住！

支持Fair Trade!

小鬼出沒注意！

呢個人仔好鍾意佢條毛巾被被，成日扮小鬼！哈哈！

自家餃子

見到同事帶自發餃子返工，我又心郁郁~
呢次我包咗鮮蝦木耳粟米茶餃，營養滿分！
下次試下用素鵝包，睇下好唔好味先！

長高~再長高！

尋晚，終於整咗個度高牆貼！
今朝，牛牛食早餐前去度一度~
食完同我講：媽咪，我食咗包包喇，点解無長高嘅？
呢隻傻牛牛於是企上車仔~好危險呀！
佢為咗令自己"高d"，出盡計仔！哈哈！
各位觀眾，請留意佢張~被被~！
呢隻牛牛，真係好可愛！

鹽麴

等咗一個星期，终於完成喇！

試菜: 火鷄翼

第一次整火雞翼！用咗啱啱發咗一個星期嘅鹽麴~

yummy! 可惜火雞好似我兩隻仔咁~ un~皮！

今日仲有响Texas買到嘅蟹腳 (~$5x!) ，蒸一蒸就食得，幾好食呀！

仲有~都有一排無整過嘅pizza！小朋友同大朋友幫我揮清光！

哈哈~

午餐食到咁，真係豐富咗d~~~

我都要整鹽麴！

上排好多麴，搶到日八日就收成喇！圍都無米麴賣！

終於俾我買到喇！！！當然仲有海鹽啦！

等。。。

等十曰八曰就收成喇！

午餐分享

第一次炆豬軟骨，三個鐘之後:未夠林，未夠味！但D蘿蔔就好好味！

長高~再長高！

尋晚，終於整咗個度高牆貼！

今朝，牛牛食早餐前去度一度~

食完同我講：媽咪，我食咗包包喇，点解無長高嘅？

呢隻傻牛牛於是企上車仔~好危險呀！

佢為咗令自己"高d"，出盡計仔！哈哈！

各位觀眾，請留意佢張~被被~！

淘~給自己的小禮物

這份小禮物得來不易...
首先，淘時揀咗國際轉運，去到轉運站竟然話香氛類唔出得境！
幸好朋友有朋友內地有廠，收件後可以攞返嚟香港！
朋友收到，又再約時間去佢屋企攞...
收到之後，滿心歡喜，真係好靚呀！

依家，花花已移居辦公室枱頭，加埋少量香氛....
成個人醒神哂！
=)

焗一個香蕉蛋糕

逢假日，恐龍媽就手痕，想整嘢食！
呢個星期日，有香蕉蛋糕，仲有3餸午餐！

蛋糕係跟 簡易食譜 整嘅，yummy!
至於三餸，就有冬瓜炆火腩、金銀蛋莧菜、蝦仁炒蛋！

無跟任何食譜，自己煮架！好似好醒咁.....哈哈！

舞麥

鍾情綠茶味嘅恐龍媽有日路過三聯，發現一本綠茶食譜，想買，又醒起商務做緊會員折扣，於是，又去多轉商務！發現綠茶食譜之餘，仲响書架上發現佢~~

舞麥~ 好特別嘅名字！
舞麥者，係每天跟麥作伴嘅人，佢為大家分享現時麵包業嘅做法，自製天然酵母嘅方法，同埋十幾款麵包嘅製作方法！
我剛睇到中段，仲講緊天然酵母！
呢本唔係工具書，係一本舞麥者想跟新手講嘅麵包文化書！
大愛~
好想同人分享！
在網絡上找尋舞麥者，竟然找到胖達人！
http://www.newsmarket.com.tw/blog/36754/
胖達人使用人工香精涉嫌欺騙消費者事件，是由一名香港部落客Keith率先為文提出，引發台灣媒體報導、台北市衛生局關切，終才揭開胖達人的廣告行銷騙局。不過引發Keith質疑胖達人的，則是著作《舞麥》在基隆暖暖開設「舞麥窯」麵包坊的張源銘。

簡易紅豆夾餅

八號風球嘅朝早，想整d小食，又唔想咁複雜？
材料：
班戟粉
牛奶/蛋 (份量跟班戟粉說明)
紅豆醬/朱古力醬 etc
模
做法：
跟說明開粉糊，先放1/3滿入模，焗3-5分鐘，取出，放夾心少許
然後放粉糊至滿，焗多15-20分鐘

綁鞋帶

初為人媽時，貪靚，買下呢對鞋仔。
然後，發覺有d麻煩，印象中~無俾哥哥穿過！
呢排揾咗d舊鞋出嚟俾牛牛著，今日出街，牛牛指定要穿呢對鞋，好興奮！
上到火車，牛牛貪玩，解開咗隻蝴蝶，於是，哥哥自發去話幫牛牛綁返！

無穿過鞋帶鞋嘅恐龍仔，一take過綁好隻蝴蝶！
讚！

適應中的小一生活

科技發達，幾年前喺科林識到朋友仔已經好潮，之後又話開面書谷，依家仲有whatsapp group！
恐龍仔學校一班阿媽就因為科技發達，短短個幾星期，已經集合到2/3嘅家長，今朝仲有十多個出嚟一齊食早餐！
恐龍仔其實好幸運，未開學已知會同校嘅朋友仔，全部都被安排响同一班！當中，有們K2最好嘅同學仔，K3最熟嘅同學/鄰居，仲有學圍棋認識嘅同學！
但佢話：小息要留响自己位，無得出操場玩！又無得同同學傾計架！
真嘅？點解家長會當日唔係咁講架？！
學校發出ECA資料，一睇~好多嘢阿仔會想玩，但撞圍棋時間！要唔要改圍棋呢？定係學少d好過？望住學校建議學樂器嘅通告~無言！真係唔想學第二樣樂器住！俾d時間大人細路適應先，得唔得？！可能我地好另類，都係唔好加活動住，最多最多，睇吓好無如佢所願，去學奧數！
至於功課，出其地少！比KG時少得多！抄寫唔多，最痛苦嘅係要背書，普通話要背歌仔，宗教科要背聖詩，其地真係... 無難度！

牛牛妙語~聖誕禮物

今朝帶牛牛落樓，問佢：鍾唔鍾意玩scooter呀？
牛：鍾意呀！
媽：咁遲d送俾你做聖誕禮物啦~
牛：e+ Christmas喇！
媽：e+9月，12月先係聖誕呀！
牛：e+12月喇！
媽：未到，仲好熱，12月凍好多，要穿長袖衫架！
牛：有風吹埋嚟，好凍，要著長袖衫喇！
媽：你到底知唔知咩叫scooter？
牛：聖誕禮物囉！
笑死我喇！
~~~~.~~~~.~~~~.~~~~.~~~~.~~~~.~~~~.~~~~.
帶牛牛睇中醫，佢見到醫師哥哥同姐姐都好認真，所有問題都肯答，睇見佢個樣，醫師哥哥姐姐都會笑！
今日睇完中醫，問牛牛：鍾唔鍾意媽咪叫你牛牛？
牛：我大個仔喇！唔叫牛牛喇！
媽：咁叫咩？
牛：我叫xxx！
媽：咁你要唔要叫豬豬呀！
牛：我鍾意豬豬多過牛牛！
媽：咁好啦~以後叫你做牛牛豬豬啦！
牛牛甜甜咁笑~
牛牛實在太可愛喇！

大頭蝦媽媽

九月第一個星期過咗喇~
呢個星期，係恐龍仔升上小一、牛牛升上K1嘅重要日子，重係恐龍媽轉新工嘅大日子！
一家三口進入適應期....
兩兄弟都係星期四正式上課，頭兩日，一切順利，無乜功課，暫時OK！
恐龍媽自己就努力學習中，相對之前份無嘢做嘅工，呢份充實得多！
忙呢樣~忙嗰樣~
點知，竟然唔記得咗婆婆約我地同各長輩做節晚飯！
婆婆話提咗恐龍仔，但隻仔又話佢記得~不過唔記得提媽咪之嘛！
唉~~~ 唯有自己煮大餐俾公公婆婆食啦~

三隻小Miffy 與 小紅帽

食完晚飯，又到story time喇！

當哥哥去沖涼，就叫牛牛攞書出嚟俾媽咪，佢攞咗三隻小豬~

呢個故事講咗咁多次，唔駛睇書都識啦！不如我地搵3隻Miffy一齊啦！

問牛牛想做邊個角色？牛牛想做big bad wolf！

咁媽咪呢？佢話媽咪做媽咪喎~

 

於是，Miffy媽媽同3隻Miffy講：你地大個女喇，要出去學習自己生活..

呢個時間，恐龍仔攞住Black Bird出嚟扮賣建造材料嘅阿叔，賣咗d材料俾3隻Miffy起屋…

牛牛: knock knock~ Miffy Miffy，快d開門俾我！

Miffy: 唔開唔開！

牛牛huff… and huff…. 然後有d口水花吹埋嚟！Miffy姐姐當然逃跑啦！

故事..  完咗之後，牛牛又話再玩多次，呢次係爸爸做big bad wolf！呢隻曳狼入唔到Melanie間磚屋，就出怪招~ tickle tickle!

哈哈！

之後，再來一個小紅帽，由Rilakuma 扮big bad wolf，恐龍仔做獵人，大家合力搬d石頭去大熊個肚腩度！

玩夠喇~ 係時間去瞓覺喇！

Goodnight~~

~

恐龍仔第一次離開爸媽，外出過夜嘅故事…

星期日下午，3傻探婆婆…

因為牛牛無睡午覺，玩咗半日喇，我地決定食飽飽就早d返屋企，點知…. 恐龍仔話唔走！要留低過夜！

話說上次探婆婆都提過，可以俾哥哥响婆婆度過夜，但係就一定要聽話，仲要晨咁早起身行山！

今次恐龍仔又話要留低，恐龍媽又再說一論教：公公婆婆年紀大，小朋友一定要聽話，唔可以帶俾公公婆婆麻煩！

因為恐龍仔朝早出門時著雨鞋，於是落街幫佢買對白布鞋，內衣、睡衣替換！

臨別時，又哦恐龍仔一次，佢話佢知喎！

恐龍媽最驚嘅係行山！响山上有乜意外….

雖然，係知道有路燈，係石屎路，好多人行，婆婆行咗十幾年，係出過一次意外，跌斷咗手腕對上嘅一條骨，仲記得年三十晚同佢去覆診….

一諗到咁，恐龍媽轉去哦公公婆婆，要顧住自己先！

恐龍爸話，睇怕佢3-4點未必起到身喎~

今朝7點半，電話響起！
恐龍仔話自己起到身，跟婆婆上山，行咗個幾鐘，然後跟公公返屋企！佢好興奮，無話眼瞓，仲好想去表弟度玩添！

睇嚟呢個仔都係有得玩就唔要屋企架喇！