我要去嫲嫲度！

話說，如果兩個少爺無乜特別嘢，佢地會輪流嫲嫲屋企過夜，咁啱暑假無乜嘢搞，呢幾個星期就個個星期5去嫲嫲屋企晚飯，我就成機偷懶，放自己假。 今個星期輪到牛牛，佢星期二問我，我話無問題，但要問嫲嫲 星期三，佢未問嫲嫲 星期四，我應承幫佢問嫲嫲... 佢如常返學校暑期班，我如常放工接佢地興趣班... 一邊行，牛牛懶醒咁同我講：我帶咗鞋袋返屋企呀！ 吓？！你聽日仲要返學架喎！ 牛：我同老師講，我要去嫲嫲度呀！ 呢隻牛，好記得要去玩，但無乜時間觀念，係夜晚去，唔係朝早去嘛！ 但佢又好鬼醒，知道如果返唔到學，就要攞鞋袋返屋企！哈哈~ 呢隻牛牛真係好鬼可愛！

Happy Day

因為哥哥要準備考試嘅關係，媽媽呢排成日同牛牛一齊出街街

街市嘅姨姨叔叔都讚牛牛乖

又定又唔亂搞嘢，仲主動幫手攞嘢！

今日同呢個人人拍咗大半日拖

佢要同 Mr. Bump Bump 拖手仔！

會話媽咪隻手凍，主動幫我暖手！

剪頭髮時會坐定定但好多表情！

去到探公公，大大聲話好掛住公公！引到公公好開心，仲要唔捨得走！

之後仲順路陪媽咪行美亞開倉，媽咪見到隻杯鍾意，仲話送俾媽咪做聖誕禮物！

呢個人仔真係氹死人！

擦鞋仔

擦鞋仔
擦
鞋仔！

聖誕海報設計比賽

學校年年都搞聖誕咭設計比賽，年年d家長都玩得好大，贏嘅好多都大玩3D創作

當中有幾多係小朋友參與呢？！

所以，玩玩下都懶，上次參加係哥哥K3，牛牛PN

舊年無玩呀~

今年見主題改咗，變咗係海報設計，仲講明係平面創作！

好！又等我問下牛牛想唔想玩

佢就當然話好啦！

我隨便攞張紙俾佢起稿，問佢要有d乜

講下講下，就變成咁！
 

因為時間緊迫，即日買哂所有可能幫到手嘅嘢

呢度有唔同物料，買咗過百蚊架！

但一路跟住個初稿做，牛牛好開心，連我都好有滿足感！

完成喇！

我用咗最大嘅努力，忠於原稿架！

好滿足，我估參賽作品中應該絕少係小朋友自己嘅主意

更加唔好講成個設計係牛牛自己諗嘅

有無獎唔緊要，重要嘅係過程！

好開心呀！

Happy Day

話說，牛牛有個同班同學係住同一個屋苑嘅，而兩位媽媽响學期初已經相認。

佢兩個好好朋友，有時晴晴會約牛牛玩，有時牛牛會約晴晴玩，不過佢地成日唔記得咗同阿媽講，亦唔識得約好時間。

學校教師發展日，放假一天

牛牛話要約晴晴玩，佢話自己約喎！

你兩個嘢，乜可以自己落街架咩？

呢次當然係媽媽出馬啦！

由9點玩到11點，兩個都唔捨得走！

多謝晴媽影低佢兩個玩嘅相！

見到都好開心，現場睇一定俾佢兩隻嘢笑死！

牛牛玩完仲要黃昏話喉嚨痛，唔去畫班！

~ * ~ * ~

最經典係，有日佢話：我係小白菜 (我姓蔡架嘛！)，要有太陽先可以生長......

我好驚訝，點解我個仔識講d咁嘅嘢？！

仲要咁鬼浪漫添！

而佢兩個仲要都係四月出世，嚟緊响學校會一齊開生日會！

開心死！

學校棋班

今日係第二堂。

第—堂，大家報棋力，以最细嘅恐龍仔棋力最低，但佢間棋院比較手緊，所以唔能夠咁比較。當中有—位小朋友剛升初段，導師經常讚許！

今堂，導師已經轉口，直指恐龍仔同嗰位小朋友响班中水平最高！
課堂中段，導師仲讚恐龍仔下棋無負擔，夠膽，放得開唔緊張，如果去比謇成績—定好！(今堂到不停讃恐龍仔！)

睇佢上堂，会周身郁，但專心，但積極投入答問題，如果平時返學都係咁，都已經好乖乖喇！

新書包事件

牛牛N班時，哥哥讀K3

所以哥哥個書包係可以留俾細佬用嘅

但係，學校轉咗新顏色，舊年牛牛K1老師無嘈 (佢地轉到頭都暈，嘈都生人跟進啦！)

但今年，老師一而再要我地換新書包，真係.... 

有d浪費！

於是，去EK搵，好快有，仲要係全新嘅！

承惠100蚊

睇落，真係爭好遠，連個校徽嘅高度都執過

唔知幾時，又會投訴牛牛件校服舊呢？！

紙皮箱

印象中，恐龍仔不曾玩過紙皮箱！
面書中，總會見到有朋友把BB放入紙箱的相片，但我家沒有，不知為什麼。

這天，超市送貨後，工人姨姨閒放著兩個紙皮箱在地上，牛牛起床後看見，二話不說就爬進去！

他說：這是我的家！我要做一個新的家！

經過他的努力，這間房子有窗有門！

不得了！

充滿驚喜嘅一日[上]

牛牛學校家長日，今年轉過五位班主任嘅牛牛，响第四位班主任口中，係說話粗魯嘅小朋友，唔太聽話，多咀！

咁~响第五位班主任心目中呢？竟然係一個成熟嘅小朋友，係比同齡成熟，唔鍾意同小朋友玩玩具，思想動靜似K2！

咁神奇？！

响屋企，牛牛係有d大脾氣，有時會大聲同哥哥講嘢，會郁手郁腳，有時又嗲到成個BB咁！

咁都可以叫成熟？！

哈哈~~~

最高興應該係爸爸，每日早起送仔返學，成日被老婆催促出門，怕遲到，原來~~~
牛牛攞到守時獎，証明爸爸無遲到啦！

恭喜！

小乖乖牛

上星期日，同哥哥去睇跳舞，晚飯後送咗牛牛去工人姨姨教會，佢好開心，有得去玩，完全唔覺係被遺棄！
媽媽仲要抵死到話哥哥無得去，佢就仲開心！

嚟緊星期日，媽媽要返工，但哥哥有比賽可以玩，得恐龍爸一個打兩個，被困棋院，又真係唔係好得，於是打算放隻牛去婆婆度，佢聽到大叫：好嘢！有得同公公婆婆玩！

又一次，佢反客為主！

牛牛，媽媽唔夠孝順，同婆婆有d梳離，就靠你去氹公公婆婆開心喇！

牛牛的游水班同學

有日，傻牛牛突然話：A同學同我一齊游水呀！
細問之下，佢話幼稚園同學當中，一位A同學同佢一齊學游水！
因為當然唔係想响呢個地點上，本來下一期要轉地點，佢一講，媽媽就亂喇：到底轉唔轉地點呢？！

問牛牛：我想同A一齊學游水呀！

好~好~好~

報名！唔轉地點喇！

whatsapp問A家長，佢過咗半日先話：A係學緊游水，不過係同女仔上喎，A無話見過牛牛！

吓？！

原來牛牛識得作故仔喇！

久咳！

已經唔記得邊個先病，總知3母子呢幾個星期都响度咳，仲有工人姨姨！時好時壞！

呢日，豬豬話：我唔鍾意牛牛咳！我鍾意牛牛開心！

呢句說話出自牛牛 (扮豬豬講嘢)，實在太可愛喇！

希望你快d好番啦！

學游水

呢堂係第二堂游水課

媽媽無去公司做嘢，留低睇牛牛上堂

一位教練帶4個小朋友，兩個兩個咁跟教練游

另外兩個就留响池邊踢水

牛牛好乖，有練習架！

不過呢~練練下，教練話：仲乜練到上咗岸架？！

哈哈

臨走，小朋友要跳水

牛牛就變咗一隻樹熊

好大個盒呀！

哥哥四年幼稚園生日，媽媽都無爭住買蛋糕，留返俾其他家長破費，我地就帶其他食品。
到牛牛，避過N班，但估唔到K1，竟然全班得牛牛一個四月出世，咁做媽媽嘅就當然要做定功課，而牛牛自己揀咗呢隻鴨仔！
佢個盒實在太大，我地要攞曬雪櫃嘅調味料出嚟先夠位擺！！！
牛牛放學返嚟話個個小朋友都好鍾意！咁就太好喇！

食垃圾的牛

因為無預恐龍爸返屋企食飯，臨時加餸，開咗罐午餐肉。
呢世仔第一次見到午餐肉嘅牛牛話：咩嚟架？係咪我鍾意食嘅嘢嚟架？！
我真係俾佢笑死，呢隻牛真係....肉類唔食，但食垃圾！
過咗一陣，媽媽話：呢樣嘢無益架...
我都未講完，佢就話：我知~無益，好似香腸咁，係垃圾！
好鬼醒！
最後，佢只食咗半塊午餐肉，但狂食炸魚片！
(罪過罪過~一個月頂多食一次炸魚片嘅日子，遇着午餐肉！)

一早起身...

一早起身，牛牛發現廳中間有張櫈仔

於是，佢搬埋另一張出嚟

轉眼，已經變成咁喇！

~哈哈~

媽媽無理佢，入咗房

突然BOM一聲

跟住Mr. Bump就喊起上嚟喇！

原來Bump Bump玩到跌咗落地！

哈哈！

識爬飯嘅牛牛

今晚去咗探公公婆婆，牛牛竟然自己攞起飯碗爬飯！太可愛喇！

回程巴士上，牛牛突然同媽媽講：我今日好開心呀！
點解呢？
因為見到公公婆婆囉！

牛牛仲可以自己瞓覚，唔駛人陪添！叻仂！

家長日

今日係牛牛K1嘅家長日。

呢份成績表對於爸媽有重大嘅意義！

一直以嚟，恐龍爸媽只見過超人哥哥嘅學習表現，好自然，牛牛被比下去~

以往考試前從來唔會幫哥哥溫習，只會同佢讀一次故事書，唱一次歌仔就算；但對牛牛，我地做咗自家字咭，故事書讀完一次又一次，歌仔唱咗好幾次...

因為我地覺得牛牛記性無咁好，要讀多幾次先記得

但老師嘅評語係：牛牛好OK，係班中算中上，同佢講嘢佢好快明白，講一次就得，只係粗魯d，講嘢粗聲粗氣

老師仲話班中全A嘅人唔多，得幾個！

我地兩老真係好感激老師講俾我地聽，原來牛牛係得架！

當然，我相信好多家長未發功，所以俾牛牛跑出咗，但起碼我地知道，如果肯花時間响佢身上，佢但學到架！

 

大熱~ 車厘子！

呢排不停見到班敗婦曬紅寶石相

唔係咩寶石，而係Tasman Ruby！

朋友見人買佢又買，仲食上癮

呢次，預埋恐龍家半盒

我地屋企有隻好鍾意食水果嘅牛牛，車厘子係佢嘅飛佛之一！

 

 

食得幾開心呀！

哈哈~

智樂遊戲日@馬鞍山

哥哥去比賽，牛牛一個跟住媽咪去馬鞍山玩！

又係玩到唔願走！