恐龍仔第一次離開爸媽，外出過夜嘅故事…

星期日下午，3傻探婆婆…

因為牛牛無睡午覺，玩咗半日喇，我地決定食飽飽就早d返屋企，點知…. 恐龍仔話唔走！要留低過夜！

話說上次探婆婆都提過，可以俾哥哥响婆婆度過夜，但係就一定要聽話，仲要晨咁早起身行山！

今次恐龍仔又話要留低，恐龍媽又再說一論教：公公婆婆年紀大，小朋友一定要聽話，唔可以帶俾公公婆婆麻煩！

因為恐龍仔朝早出門時著雨鞋，於是落街幫佢買對白布鞋，內衣、睡衣替換！

臨別時，又哦恐龍仔一次，佢話佢知喎！

恐龍媽最驚嘅係行山！响山上有乜意外….

雖然，係知道有路燈，係石屎路，好多人行，婆婆行咗十幾年，係出過一次意外，跌斷咗手腕對上嘅一條骨，仲記得年三十晚同佢去覆診….

一諗到咁，恐龍媽轉去哦公公婆婆，要顧住自己先！

恐龍爸話，睇怕佢3-4點未必起到身喎~

今朝7點半，電話響起！
恐龍仔話自己起到身，跟婆婆上山，行咗個幾鐘，然後跟公公返屋企！佢好興奮，無話眼瞓，仲好想去表弟度玩添！

睇嚟呢個仔都係有得玩就唔要屋企架喇！