大頭蝦媽媽

九月第一個星期過咗喇~
呢個星期，係恐龍仔升上小一、牛牛升上K1嘅重要日子，重係恐龍媽轉新工嘅大日子！
一家三口進入適應期....
兩兄弟都係星期四正式上課，頭兩日，一切順利，無乜功課，暫時OK！
恐龍媽自己就努力學習中，相對之前份無嘢做嘅工，呢份充實得多！
忙呢樣~忙嗰樣~
點知，竟然唔記得咗婆婆約我地同各長輩做節晚飯！
婆婆話提咗恐龍仔，但隻仔又話佢記得~不過唔記得提媽咪之嘛！
唉~~~ 唯有自己煮大餐俾公公婆婆食啦~