小一生涯第二個學期...

11月中考過第一次試之後，就開始第二個學期
第一個cycle無默書，第二個cycle開始有默書喇！

問恐龍仔幫佢默書，佢話自己都識得背，唔駛喇，最後佢自己改埋卷俾媽媽睇，OK！可惜第二日病咗，無返去默書！

尋晚8點先醒起到英默，又問仔：攞書出嚟同你默啦~
佢轉頭叫咗工人幫佢，然後又話自己識得背！(英文都背？！)好~又睇下你點！
結果，又自己改卷，錯埋d無謂嘢 (個a字開咗少少口；個t仔唔靚！)

呢個時候恐龍爸返到，同仔講：好啦~就睇下你自己溫得唔得，唔得嘅就要爸媽幫你溫返架！

又睇下人仔生唔生性，自己搞掂，唔駛爸媽搞就好喇！
哈哈~