適應中的小一生活

科技發達，幾年前喺科林識到朋友仔已經好潮，之後又話開面書谷，依家仲有whatsapp group！
恐龍仔學校一班阿媽就因為科技發達，短短個幾星期，已經集合到2/3嘅家長，今朝仲有十多個出嚟一齊食早餐！
恐龍仔其實好幸運，未開學已知會同校嘅朋友仔，全部都被安排响同一班！當中，有們K2最好嘅同學仔，K3最熟嘅同學/鄰居，仲有學圍棋認識嘅同學！
但佢話：小息要留响自己位，無得出操場玩！又無得同同學傾計架！
真嘅？點解家長會當日唔係咁講架？！
學校發出ECA資料，一睇~好多嘢阿仔會想玩，但撞圍棋時間！要唔要改圍棋呢？定係學少d好過？望住學校建議學樂器嘅通告~無言！真係唔想學第二樣樂器住！俾d時間大人細路適應先，得唔得？！可能我地好另類，都係唔好加活動住，最多最多，睇吓好無如佢所願，去學奧數！
至於功課，出其地少！比KG時少得多！抄寫唔多，最痛苦嘅係要背書，普通話要背歌仔，宗教科要背聖詩，其地真係... 無難度！