手足口病！！！

尋日11點前，收到學校電話，恐龍仔發燒呀！
媽媽第一時間就當然好擔心啦，牛牛病完到媽媽，然後到恐龍仔！
打俾婆婆，叫佢幫手接仔，跟住，認真諗諗要帶恐龍仔去睇邊個醫生！

研究過朋友們嘅介紹，最終，帶咗恐龍仔去睇媽媽睇咗七八年嘅鍾醫生，佢只係一個有家庭醫學相關訓練(証書)嘅普通科醫生，但係媽媽睇過，都OK，又收恐龍爸公司張醫療咭，當然，加分點係~ 恐龍媽之前响呢間醫療機構做過，呢間公司唔會就住開藥，最多過額就病人自付囉~

醫生檢查完口鼻肺，就話要睇手仔同腳仔，手都唔係好覺，一睇腳仔~ 嘩！都好多粒粒喎！再睇口仔，醫生話係手足口病，無藥食，只係食退燒藥..

另一邊相，當然有俾恐龍仔食d幫佢免疫系統打杖嘅supplement啦~

d燒唔係幾退，半夜2點醒咗揾媽媽，陪咗佢一輪，7點又再揾媽媽.. 好攰呀~

但係~一早牛牛見媽媽攞咗樽糖糖嚟玩，然後倒到一地都係！恐龍仔見到~無得食，喊咗出嚟！唉~今朝放咗工仲要再去買過...

其實恐龍仔手腳d紅疹唔多，今朝開始話口仔食嘢時痛，唯有買乳酪俾佢食啦！

仔呀~ 媽媽今晚好夜收工，你乖乖喇！