又發燒喇！！！

牛牛尋日有少少鼻水，媽媽心知不妙，到夜晚，呢隻嘢好不安.. 最後成晚醒，天光開始仲發燒添！

啱啱搬家，都唔清楚附近有乜正常嘅醫生，就叫恐龍爸隨便帶佢去睇啦..

點知，呢位醫生無近期d醫生嘅惡習 (開5-6隻藥) ，而係更討厭嘅：退燒藥加抗生素！！！

唉~ 平時唔多俾藥d仔食嘅媽媽，終於失手，工人姨姨餵咗第一次抗生素俾牛牛食呀！！！

好嬲~ 好嬲~~~

咁都未夠！

中午，牛牛仲瞓緊，但係夠鐘接哥哥放學，工人姨姨抱住牛牛落街.. 不幸遇著等lift.. 落到樓，校車走咗，工人姨姨抱住牛牛响街呆等咗半個鐘先打俾媽媽！！！一聽到電話，好嬲！點解會咁架？！辛苦哂小牛牛喇！

可憐嘅哥哥遊咗個半鐘車河先返到屋企... 唉~

打俾學校，主任了解過後，話司機已經打咗去屋企，無人聽喎~

無人聽咪即刻落咗街囉！想點呀？！想叫人唔好落樓呀？！

媽媽好少咁嬲~  司機可以為咗一個不停追call嘅家長電話，連最基本嘅愛心服務都可以無哂，咩世界呀？！ 唔通惡就得？

唉~ 媽媽唔識鬧人架，所以.. 人地大聲過我地，人地啱囉！

心痛...