手足口~百態

估唔到，同一個病源，可以有唔同病徵！

首先，講吓恐龍仔~  首先係腳背出紅疹，唔痕唔腫，有d似玫瑰疹，細密嘅，唔細心未必睇到，發燒兩日！好攰！之後先口仔出疹，痛！

牛牛，腳背出咗d同哥哥一樣嘅紅疹，第一日已見到口仔有粒粒，唔痛！第二日微燒，唔攰~ 仲好貪玩！

第三日，發現有粒蚊"難"狀紅疹生滿水泡！背部同patpat都有幾粒紅疹，凸起嘅... 無再燒~  好臭脾氣！

恐龍媽，首先發覺手指有粒嘢，凸起，有d痛！然後發覺個咀都生粒粒~唔痛！無燒無攰，係有d頭痛！之係，腳都生咗1-2粒，又係凸起有d痛嘅... 第3日，手指嗰粒開始起水泡，口裡面有多幾粒，但初初嗰粒開始謝... 唔痛喎！

恐龍爸，口出粒粒，痛！第三日唔係幾想食嘢！手腳唔多粒粒.. 微燒！好多痰~

恐龍家今日開始閉關，呢次嚇親公公婆婆，真係唔好意思！大家唔駛驚.. 唔係真係咁易傳染，只係... 星期日恐龍家一齊分享咗兩碗豆腐花...

出事！

太大意喇！唉~ 真係好唔掂，咁無衛生常識！最對唔住嘅係牛牛... 可憐豬...又喊醒喇！！！

媽媽喺屋企，最開心嘅~應該係恐龍仔！

一路都無時間同佢砌，好喇~ 鍾意砌好，但玩兩玩就無興趣！~暈~