又係手足口？！

今晚，媽媽放工帶埋冰袋同雪種飛撲去超市，買恐龍仔鍾意嘅果汁同埋雪糕，買餸，然後追埋巴士飛返屋企，怕d雪糕會溶！

返到去，雪糕係軟咗d，但最嚴重嘅係：媽媽無買應承咗哥哥嘅雞亦！！！

好在恐龍仔算乖，無扭計，只係話好肚餓... 當然啦~ 平時7點前就開飯，今日等媽媽等到7點15分，但係都無雞亦~無得開飯！

媽媽應承咗恐龍仔~聽日一定有！

等開飯時，同牛牛玩，發現背部有d紅色粒粒.. 不得了！於是捉住手仔仔細地睇.. 唔覺！腳仔呢？死火！兩隻腳背都有紅色粒粒！同哥哥嗰d一樣！！！

又話5至7日潛伏期嘅？哥哥發病到今日，都係5日！但係哥哥今日已經無哂事，好好胃口，好精神... 即係，就算我地隔離佢兩個都無用啦？！

牛牛呀~

一諗地哥哥嘅可憐相，再諗吓如果係牛牛... 一定痛苦到不停大吵大鬧！好可憐~ 媽媽心痛死喇！

牛牛，希望你同哥哥一樣~ 會好快好番啦... 辛苦哂呀！