~ 恐龍家 ~ : 8月 2011

2011年8月31日星期三

電話迷

牛牛見親人講電話~就搶！
唔俾佢呢？
就發脾氣！
不停扭~好煩！

俾佢攞住呢，就唔停咁！然後~講外星話！

到底~你同邊個講電話呀？！

儲印仔

最近，有朋友話，佢個仔扭買嘢，仲要係尋日扭完~ 阿媽話無錢買，今日見到，又再扭！呢個阿媽又再話無錢買！

個仔咁大，仲信唔信呢？！

唔想佢扭，做乜又去‘案發現場’ 呢？

其實，恐龍仔都會扭買嘢，但係除非我真係無帶錢，或者嗰樣嘢好貴(e.g. 買樓)，否則，我未試過話無錢買，我覺得無必要講d咁嘅大話！

咁，如果小朋友响街扭買嘢，點算呢？

哈哈~ 無良阿媽好多時會話爸爸唔鍾意、你屋企已經有喇！又或者，不如我地去買甜品食 (呢樣嘢，其實唔太好，但係對恐龍仔，絕對分散到注意力！)

如果係一樣合理嘅要求，我會話：不如你返屋企睇吓夠唔夠印仔換啦！如果唔夠印仔嘅，就要做d乜乜去攞多d乖乖豬印仔喇！

當然，如果唔多想佢買嘅，就唔再提起呢件事，仲要避免再去案發現場，提醒佢有樣嘢佢想要嘅！

如果想佢買嘅，就多d鼓勵佢做d正面嘅乖嘢，e.g. 好好自己食飯，要幫手攞購物袋，唔好爭玩具，要聽話…

然後，言出必行！

我唔敢講恐龍仔好乖唔扭計，但係佢係一個講道理嘅人，好多時如果佢扭計，只要平心靜氣同佢講道理 (加氹啦~)，佢會聽架！

不過，呢隻仔扭d唔响眼前嘅嘢多過眼前嘅嘢…可能，呢招仲高明，因為阿媽可能會俾d嘢安撫住佢先！

乖乖豬印，一個等於一蚊，要買貴d嘅嘢，要過時過節有爸爸批准先得！好似最近買嘅康樂棋，16蚊，買咗阿媽先問阿仔‘扣印仔得唔得呀？ ’阿仔好爽快咁答話‘好呀！’

2011年8月30日星期二

跟記者會面

有日，有位記者响討論區留言，話因為睇見我响討論區嘅分享，想同恐龍媽傾吓小朋友興趣問題，佢做緊個關於小孩教育嘅資料搜集。

經過兩次電郵溝通，恐龍媽約咗呢位記者姐姐出嚟，因為恐龍媽要趕返屋企食晚飯，只能夠俾大約一個鐘嘅會面時間佢。

又係好似上次幫個讀教育嘅女仔做reaseach咁，越講越興奮！

中間，講起最近生果日報網站上，發佈咗一段短片，標題係兩歲七個月嘅小朋友，識得二千多個英文字！

其實，呢段片，恐龍媽都睇咗一小段，覺得個小朋友幾enjoy，無問題呀~原來，有d無睇到嘅嘢，佢阿媽好似只教英文，除咗學英文，佢無乜其他遊戲！

如果真係咁，就唔係幾好喇！

講真，小朋友學習，好睇佢地有無興趣 (家長點提起佢地嘅興趣！) ，無興趣嘅話，你想佢理你都難！既然呢位媽媽有辦法令妹妹肯坐定定玩呢個英文遊戲，咁佢好應該玩埋其他嘅遊戲！包括中文遊戲！

當初，點解恐龍媽會知道呢段片呢？係因為<買錯玩具教錯仔>嘅作者周碩响FB嘅分享，好多媽媽都話呢個阿媽怪獸，恐龍媽睇見好唔鍾意！點解個小朋友識字多就係家長變態呢？我唔認架！

面談時，恐龍媽多次提到蒙特梭利，其實我地只係某d嘢做到，但真係要成套做哂，响香港嘅環境真係難度甚高！

我地做到嘅，相信係尊重並回應小朋友嘅敏感期，多帶小朋友接觸大自然，俾佢地多d五感嘅刺激，唔玩電子玩具，少電視(好難做到零電視) ，小朋友工作時盡量唔騷撩佢地 (可惜哥哥最鍾意搶細佬嘅玩具！唉~)

教恐龍仔，大方向係培養閱讀興趣(能力) ，觀察能力！學音樂學游水，呢兩樣係生活上必需嘅，懂得欣賞生活環境，欣賞音樂，對佢嘅一生都有好處！學校~係另一方面嘅體驗，只要俾佢繼續好奇，唔會否定佢嘅問題，作出適當嘅回應，已經好夠！相信呢個小朋友已經會學到好多。

但當問到細仔，恐龍媽真係唔知點答！呢個仔同哥哥好唔同，唔可以用同一個方法，但係，如果蒙氏講嘅係真嘅，媽媽唯有繼續等，等呢隻小牛牛過口腔期，等兩兄弟懂得相處，留返d私人空間俾牛牛，咁~佢應該可以玩到教具，可以自行探索。英語環境就已經俾唔到牛牛架喇，因為我地大部份時間會同哥哥講廣東話，只係有時會成段對話都用英語 (試過恐龍仔打電話俾媽媽，一路講英語，咁媽媽照講，同事聽到，覺得好奇怪，仲問：乜你地屋企講英文架？！)

仲有，當天氣無咁熱，我地要行返晨運架喇！雖然無咗個天然松樹林，同埋超方便嘅韆鞦架，但係有返個有好多大樹嘅公園，算係咁啦…要好好珍惜呀！人類，應該由大自然陪住成長，而唔係電子玩意/電視！

2011年8月28日星期日

Sorry~

呢日一早，牛牛代身成為一隻pingu.. 仲會跳企鵝舞! (無影到添！)

仲有，新髮型 (點解同未剪差唔多架？！)

牛牛雖然唔識講
嘢，但係因為實在太過多手，成日打人，所以... 必須教佢SORRY手勢！

呢隻嘢，一日扭計仔... 煩c人喇！！！

去到婆婆屋企，開完餐，婆婆俾咗粒車厘子過牛牛，佢玩咗一大輪之後，終於咬咗一小啖！

然後，就收埋唔俾人喇！佢就係咁~ 收埋响身後囉！

遇上康樂棋

忙碌的一天

呢日，因為恐龍爸要開工，無節目，於是恐龍媽一早就同恐龍仔去拍拖喇！

行行吓，唔見咗個人嘅？！

第一站，就係文化博物館。

入去之前，問咗恐龍仔要唔要睇持票展覽，會唔會買年票，方便去埋其他博物館，恐龍仔話：唔駛喇，我地去免費嗰度玩吓先啦…

的確，兒童探知館已經夠佢玩成日喇！

可能好耐無去過~ 呢個仔好似失咗憶咁，唔記得自己嚟過！

恐龍仔對呢度嘅陳列品~ 無乜興趣！

但係對巨型鬥獸棋同巨型飛行棋呢? 當然係唔願走啦！

玩咗一陣，轉戰.. 最好玩嘅.. 原來係…遊戲機！！！

之後，又同個國語媽媽玩咗陣康樂棋.. 似乎好鍾意咁喎！

玩咗個幾鐘，我地就出發去食午餐，怕晏d會多人嘛！路過一田樓下，見到chickeeduck減價，我地入咗去，買咗d衫仔俾兩兄弟。然後，繼續向ikea出發！

恐龍仔好想去玩，但係，要等兩個半鐘，真係唔掂！行咗一陣，睇咗d書枱椅，就走喇！呀~ 當然仲有食美味嘅雪糕啦！

返到屋企，已經差唔多3點，恐龍爸得閒，就輪到恐龍媽閉關..

兩父子去咗坐巴士呀！

黃昏時間，我地去咗探公公婆婆，仲買咗盒康樂棋俾恐龍仔呀！

不過~ 呢副康樂棋有d問題，就係無咗遊樂場，變咗恐龍仔至愛嘅rilakkuma!

2011年8月26日星期五

快遊機場

某日，媽媽仲係病假中，同恐龍仔去咗機場睇飛機！

等巴士，順便教佢坐欄杆！(平衡呀！)

去到，黃昏時份，太陽仲係好猛..

佢咁近見到飛機，好開心！

仲叫媽咪影隻大蚊！

佢好想入去扮機司，玩咗幾分鐘，三十大元！

玩咗一個鐘，我地就走喇！恐龍仔唔願走~ 仲想响機場食晚飯！

2011年8月25日星期四

新印仔簿

搬屋搬到唔見咗本印仔簿~ 點算好呢？
本來講好咗去書展如果買多咗書，要扣印仔... 一路未記數，因為揾唔到本簿！

懶媽媽終於見到一本合適嘅簿仔，就係恐龍仔至愛之一~ rilakkuma喇！

呢本其實係日曆簿，由8/2011到12/2012，香港日曆

恐龍仔絕對係愛不惜手~ 最開心係俾佢發現，後面有MTR路線圖！

玩幾下，又開始作怪喇！

你個咀咩事呀！！？！

醜怪！！

2011年8月24日星期三

Recent Advances in Prenatal Screening and Diagnosis (Down’s screening)

最近响討論區發現，舊年中大成功研發嘅新技術，已經有得做喇！

作為註冊代驗師，當然好想知道到底係咩原理啦，咁啱化驗師學會今期個講座係呢個主題，主講嘅係Prof. Lau，於是，我就去咗聽喇！因為我無帶筆同紙，無寫notes，只能盡量寫..

第一部份，係講返現有嘅OSCAR test，11-13wk之間，由合格嘅醫生度頸皮厚度，再抽血，由化驗室測試兩個markers，再用呢d數據，連同媽媽嘅年齡，計出一個百分比。呢度，點做QC呢？！劉教授話，lab做QC，好易好簡單，但係點QC人呢？！特別係呢班好麻煩嘅人(i.e. 醫生) ！其實，有國際機構提供網上培訓，受訓醫生要交功課，証明佢地識得攞啱view, 然後度到該度嘅長度，但講就好易，實際上，好多醫生都係唔識度嘅！所以，媽媽們選擇去揾邊位醫生，應該確認佢地係FMA qualified嘅醫生 (其實FMA個website係有名單架！) ，然後，就係佢會送個血標本去邊度驗喇！嗰間lab嘅QC又做得好唔好，同埋用咩機喇！ (恐龍媽按：市面上有3間廠提供以上代驗平台， CU用嘅係第一間FMA approved嘅平台，亦有私家代驗所用緊，近年又多咗一部機俾FMA approve咗，但第三台機，係有九龍區化驗所用緊，但係，表現唔太好，一路過唔到關！) 基本上，方程式係由FMA免費俾合格醫生，只要醫生送支血去合格嘅機度做測試，個結果可以去到超過90%準確率，但係，如果媽媽揾咗個唔qualify嘅醫生，加埋唔qualify嘅機…準確率可以會跌到60-70%架！

第二部份，就係最新嘅無創技術喇！原理~係bb不停咁將自己嘅chromosome 染色體傳送俾媽媽，科學家一路以為血細胞裡面應該揾到bb嘅染色體，結果係~ 只得1%，太少而做唔到測試。到近年，發現原來血清裡面有多達10%嘅bb染色體！而中大舊年就成功研發到技術去以呢d染色體去做排序，然後分析當中發現，從以得知第21條染色體有無問題，而呢個方法，其實可以應用响唔同嘅問題上，包括大家可以好想知嘅性別問題！但教授話，基於道德問題，佢地係唔會响報告上提供bb嘅性別！因為呢個係染色體測試，準確率係100% (specificity 100%, sensitivity >99%)