近況

媽媽同工人姨姨講緊恐龍仔.. 唔記知得講乜喇, 恐龍仔竟然識得覆述: e.g. I read book.

--------

响街, 路過內衣店, 恐龍仔: 氣球! 好多氣球!

恐龍媽周圍望~仲答佢無氣球呀!

諗c人!

--------

落雨天, 潮濕天, 見唔到天空嘅星星月亮, 恐龍仔好失望呀~

------

呢期, 如果你叫恐龍仔唱歌仔, 佢會:啊~ALL~ 啊~

雙手合實放胸前, 好似唱高音咁!

仲有~識得耍太極!

--------------

呢個係新髮型~

--------

interview~

真係好睇小朋友狀態~ 今日, 人山人海! 見到好多識嘅3-4月BB!

恐龍仔只係瞓咗一個鐘, 去到又排隊+等大半個鐘, 見到都攰!

恐龍仔入到去~ 唔識(想)坐櫈仔玩... 不過第一關應該無問題

聽故事都眼定定, 不過唔多願指耳仔/鼻哥!

跳舞~ 唔識跟住做~

老師俾禮物~ 唔識講thank you!!!

坦白講~ 有d失望.. 不過, 恐龍爸話, 個個都會表現唔到平時咁..

唔知呀~ 嗰度幾嘈, 好似好趕咁, 呢個環境好難control!

-------

開始俾恐龍仔自已用叉食嘢~

太美妙喇~

如果要媽媽餵, 小手會好得閒~攪攪震!

但係有叉喺手~就等同有玩具一樣! 玩到10分鐘, 等媽媽安安樂樂進食!

好玩到... 小手快過小咀巴! 於是~咀巴滿滿..