媽咪陪我

今日工人姨姨放假.. 恐龍媽一早有緊要事外出, 恐龍爸負責湊仔..

咁~恐龍媽出門前準備哂恐龍仔d嘢.. 入房同工人交代幾句, 恐龍仔見到媽咪就張開手仔話:媽咪陪你~

恐龍媽: 係媽咪陪我! (然後捉住手仔拍拍心口)

恐龍仔唔停咁叫:媽咪陪我!

可惜.. 未執好嘢, 又要出返去繼續...

無幾耐, 媽咪要走喇, 恐龍仔見到媽咪又不停咁叫:媽咪陪我..

搞到恐龍媽好過意唔去..

臨走, 送到出大堂, 見到佢好唔捨得咁..

呢個星期又係無乜點返屋企陪恐龍仔玩嘅..仲要忙埋下個星期, 就嚟放假喇!

阿仔~媽咪都好掛住你架!!!!