新花臣 @23mth

恐龍媽放工路過書檔, 見到d好喺..

係一間叫"小飛象教具系列"出嘅"IQ拼拼智慧盒" - IQ Geometrical Puzzle

裡面有d圖畫咭(及答案), 小朋友用唔同形狀嘅puzzle砌返個圖案出嚟! 呢類嘢~ Sam Sir講咗兩三次, 叫家長自己用七巧板砌, 然後影印做模, 俾小朋友砌, 砌到就影相留念~

恐龍媽同恐龍仔玩咗一齊, 佢就叫"收返埋", 無咁易~~ 恐龍媽砌咗幾朶花花, 恐龍仔讚"花花好靚靚" 呀!

之後~ 佢攞咗d夜光星星出嚟.. 恐龍媽見今晚又有雲, 睇唔到星星, 就提議: 不如.. 掛上大玻璃窗上面??

恐龍仔開頭都"唔愛唔愛"架, 不過之後就一個接一個, 總共3粒"星星", 恐龍仔話" moon and earth and star"

恐龍媽本來想影相, 點知人仔話"攞返落嚟!" 好啦~ 仲話"chee得好實", 大力d囉! 最後, 好睇唔順眼d雙面膠紙, 要remove呀!!!

然後~ 眼仔見到張 1-100嘅數字poster, 又話要..

今次恐龍媽靈機一觸, 不如玩揾返個數字啦!

Can you find me the... no.99 (如是者, 自問自答十數次~)

恐龍仔就: Can you find me .. 4!!! 然後自己指住!

咁~ 恐龍媽成機教咗相同尾數响同一行, 恐龍仔好似覺得好有趣..

不過時間差唔多, 要落樓接爸爸喇!

d管理員問恐龍仔去邊, 佢答: 接爸爸, 睇花花!

-------

小小分享: 屋企嘅嘢, 都可以攞嚟玩, 唔一定要係"玩具"; 學習~可以係遊戲嘅一部份; 想訓練小朋友嘅創意, 首先要練練自已嘅創意..

wahahahaha~ 多謝恐龍仔! 媽媽本來係一個無乜創意嘅人!