遊花展~

諗咗好耐... 度嚟度去, 終於決定星期六一早遊花展!

可惜~ 無計到恐龍爸半夜要開工 (至零晨三四點!), 一早~ 恐龍爸唔願起身! 好啦~ 俾你瞓多一粒鐘啦.. 又遇着壞lift加搬屋, 要行樓梯!!!!

去到一見到公公婆婆圍住恐龍仔, 恐龍爸就開始黑面!  再俾辛辛苦苦抬部大機出街嘅恐龍爸見到公公攞部菲林相機出嚟影相.. (公公話得返兩張~ 影埋佢) 火都嚟! 好唔高興, 自己行開!

恐龍仔~ 當然唔理你地班大人, 自己自由行! 四圍行, 周圍睇嘢啦!!!

就係咁~ 恐龍爸自己消失咗.. 恐龍媽就攞住部大機.. 影影影~

期間~ 人仔走咗上舞台.. 好開心咁跳舞!

影咗唔係好多相, 恐龍仔對於四圍睇嘢嘅興趣大d, 跟本唔可能影到相!

行咗一個鐘就去食午飯.. 然後恐龍媽去做功課 (超慘~ 功課deadline 加公司嘢又趕住!!!)