Happy 2nd Birthday

話咁快.. 兩歲喇!

呢兩個月.. 當然講嘢進步咗啦, 仲識得答你今日做咗乜!

因為爸爸媽咪忙, 恐龍仔似乎鍾意媽咪多咗, 成日要媽咪陪佢玩! 之後應該會好d架喇!

自理.. 係媽媽幫佢許嘅生日願望: 希望恐龍仔忙d戒片片同埋自己食飯飯..

估唔到呢頭許願.. 嗰頭就..

話說恐龍仔去接媽咪放工, 同d哥哥姐姐玩玩吓話shsh~ 媽咪問係咪shsh, 佢唔啋, 轉頭自己接低條褲+片!!!

於是同佢去toilet, 真係痾到!!!

工人跟住講.. 今朝恐龍仔玩玩吓, 拉咗佢入厠所, 然後自己除褲!!!

利害!

夜晚响街.. 媽媽懶, 都無再同恐龍仔去shsh, 返到屋企試吓啦, 又成功, 而片片係乾架!!!

YES!

至於自己食嘢.. 其實ok架, 初部成功嘅係長通粉~ 可惜今晚工人縱容恐龍仔一邊畫畫, 一邊等人餵!!! 算啦.. 仔~都係要自己教架喇!

話時話~ 恐龍仔嚇親媽媽公司個博士喎.. 無人諗到依家d細路咁叻~

繼續努力呀! 我地要做一個happy boy 架!

 

facebook fluff

好忙好忙~

呢排~ 趕功課 + 公司有external audit, 上個星期開始晚晚OT, weekend 都唔可以好似平時咁成日陪住恐龍仔~

早幾日恐龍仔叫: 媽咪陪我~

聽到個心好酸!

恐龍媽好少好少OT, 呢排恐龍爸又忙.. 唉~ 真係好慘!

今日~ 八點幾收到auditor 個audit plan, 有d問題, 可能真係好攰, 分別做咗兩個好傻嘅動作, 作為對外代表公司嘅"聯絡人"~ 我知自己唔夠成熟!

唉~ 頭都實哂!

其實唔一定要OT, 只係我怕d嘢做唔哂, weekend又唔可能OT (工人放假+恐龍爸有job), 唯有呢幾日盡做啦..

返到屋企, 換咗衫, 我破例入房睇吓恐龍仔 (工人已經响房休息).. sleep like a angel!

工人話~ 恐龍仔今日講: Sunday,  爸爸 & 媽咪 & SangSang ~ play merry-go-round ~

係呀~ SangSang好叻. 識得爸爸媽咪星期日先可以同SangSang去街街玩.. 好在媽咪尋日當機立段.. 恐龍仔一講~就帶佢去騎木馬!

忙咗好幾個星期喇~

等多一個星期~ 我地就可以輕鬆返, 爸爸媽咪帶乖孩子去動物園呀!

 

mini birthday party

星期日~ 約埋爺爺嫲嫲叔叔姐姐, 我地一齊食晚飯!

出門口.. 恐龍仔話merry-to-round, 好啦, 見咁啱有少少時間又係5pm, 就去坐木馬啦!

跟住~我地出沙田食pizza.. 首先, 有姐姐同叔叔送嘅禮物..

好開心喎!

 

然後,  叫咗碟長通粉, 邊食邊等爺爺嫲嫲..

恐龍仔好鍾意食! 係自己食架! 不過都有時叫"媽咪幫手" 叉住條通粉..

呢條"口水肩"買咗好耐, 試過幾次都發脾氣, 估唔到今次... 咁乖肯用喎!

之後~ 仲食咗d pizza!

食飽就攞蛋糕, 但係d侍應話要收$150切餅費, 於是~ 我地打道回府!

玩一陣先~

唱咗好多次生日歌.. 因為恐龍仔一路聽住人唱, 一路笑咪咪..

到吹爉燭.. 教咗幾次都無乜反應..

 

都諗住放棄架喇.. 點知佢對住蛋糕~呼~咗一大啖, 火就熄咗喇!

<--望住d煙發呆

當然~ 要切蛋糕..

同食蛋糕啦! 恐龍仔好鍾意.. 因為係雪糕蛋糕嚟架!

<-- enjoy~

 

最後~ 當然係唔願瞓覺豬... 

 

媽咪陪我

今日工人姨姨放假.. 恐龍媽一早有緊要事外出, 恐龍爸負責湊仔..

咁~恐龍媽出門前準備哂恐龍仔d嘢.. 入房同工人交代幾句, 恐龍仔見到媽咪就張開手仔話:媽咪陪你~

恐龍媽: 係媽咪陪我! (然後捉住手仔拍拍心口)

恐龍仔唔停咁叫:媽咪陪我!

可惜.. 未執好嘢, 又要出返去繼續...

無幾耐, 媽咪要走喇, 恐龍仔見到媽咪又不停咁叫:媽咪陪我..

搞到恐龍媽好過意唔去..

臨走, 送到出大堂, 見到佢好唔捨得咁..

呢個星期又係無乜點返屋企陪恐龍仔玩嘅..仲要忙埋下個星期, 就嚟放假喇!

阿仔~媽咪都好掛住你架!!!!

玩氣球

唔知係咪好多晚無見過媽咪~ 恐龍仔唔肯放媽咪去厠所!!!

終於等到佢食完飯..

佢話要藍色氣球, 然後自己攞咗包氣球.. 但係攞咗個黃色出嚟~

然後, 恐龍仔: where is my pump?!

自己揾到啦! 然後作哂狀咁~ pump!

最後~ 當然要恐龍媽出馬啦! 佢話: yellow moon!

跟住~ 出咗廳.. 跳舞!

跳到成頭汗!

叫佢望鏡頭~ 終於肯啋你喇!

咁笑吓啦! hehe~ (乜笑得咁醜樣架!!)

close up~

你估佢做緊咩? 佢揾個氣球"撩"個鏡頭呀!!!! (作c你呀~)

又跳舞~

so happy!

叫佢攞住d氣球影相.. 原來呢隻嘢都識得擺post影相架!

不過定返d仲好!

呢個鬼靈精... 耳仔痕, 想用個氣球"撩"耳仔!

又走咗埋嚟..

又喊又笑~ 做乜鬼個樣咁可憐架!

之後仲玩咗一陣乒乓波.. 閂哂d門响corridor玩.. 佢好鍾意咁玩!

到差唔多要瞓.. 提起就大叫! 又話要睇書書, 好啦, 睇一陣啦~ 轉頭又再喊過! 係唔係好鍾意同媽咪玩? 唔捨得瞓呀?

爸爸媽媽都唔想晚晚OT, 其實好想返屋企陪你架!

---------

原本想早d瞓.. 估唔到又搞到11點.. goodnight~ 今晚玩得好開心呀!

 

Andrea&#39;s Birthday Party 2009 (@22 March)

今日恐龍媽偷懶... 返咗屋企食飯 (唔得~ 真係好攰!)

想早d瞓~ 又想寫blog..

首先~ 追返Andrea 個Birthday Party..

---------------------------

呢日~恐龍仔瞓飽，我地就起行去老遠嘅深井!

恐龍仔見到靚車車.. 自己上車, 仲識"tart"匙!!! 幾開心~

之後玩咗一陣就影相.. 恐龍仔未識望鏡頭~ Andrea就好唔同!

玩波波~ 嘩! 好靚靚呀!!

Andrea 婆婆請恐龍仔食.. 薯片!!!! 你睇佢食到... 幾知味呀!

真係好食到唔停得口! 好在都係一片啫~

之後~玩煮飯仔!

恐龍仔呢晚同女主人x枱腳~食晚飯! 張枱係唔停咁郁架!!

然後到大人開餐.. 之後小朋友又玩咗一輪bubble.. 恐龍仔慢熱過其他小朋友, 佢初初係睇住人玩架!

再嚟漫長嘅大合照..

今晚主角之一: Birthday Cake!!

我地一家都玩得好開心, 恐龍仔見到d未玩過嘅玩具, 好興奮!

不過佢對Thomas火車好似興趣不大喎~