可能好多BB都識, 但係恐龍仔一路都係飛吻, 未試過親親架!
早幾日, 見佢kiss~kiss rabbit 
到媽Mi叫kiss~kiss爸B, 恐龍仔伸長條頸~ 送上恐龍濕吻一個!
嘩! 甜到漏呀!
媽Mi点知?! 因為今日成日記起就kiss~kiss, 恐龍仔見到我地咁開心, 自己都笑哂呀! 
恐龍仔今日仲做咗乜? 就係叫做肯叫mama 或者mamimi! 嘩~嘩! 点止甜到漏咁簡單呀!
~ * ~ * ~
今朝晨運都好開心, 爸B帶咗一大袋網球落樓, 再加垃圾桶一個, 佢想玩拋波波呀!
恐龍仔唔識咁玩, 但係就好熱心咁執返地下啲波波入桶桶裡面, 然後又攞出嚟再放入去! 好忙!
但當波波碌咗入草叢, 恐龍仔就攞唔到喇! 因為佢唔敢伸手仔入去, 又唔敢行前多一兩步.. 於是, 爸B就周圍執咗啲樹葉, 同幾個波波一齊放入桶, 叫恐龍仔攞攞波波~
恐龍仔企咗响度! 唔知点算好!
媽Mi唔忍心, 就教佢: 可以攞走咗啲葉葉先, 咪攞到波波囉!
於是~ 雖然好"厭惡" 啲葉葉, 唔可以揸住, 但可以執起掟開, 所以, 呢個任務可以完成到!
其實上幼潛時, 我地都覺得恐龍仔有啲觸覺敏感嘅問題, 但係佢完全唔怕沙架! 不過遇到啲吉吉嘅嘢(e.g.上感統時嘅聖誕樹碎片) 或者淋淋地嘅嘅(e.g.海膽波波, 濕意粉) 佢就唔敢摸, 仲會表現得好厭惡咁~ 平時佢係唔敢摸摸花花, 甚至攞住個桱都唔敢! 樹葉已經算ok架喇~ 有時都會執起玩!
所以, 行晨運仲有個好處, 就係俾佢多啲接觸其他事物, 我地仲會教恐龍仔摸摸葉葉, 石頭 之類, 但係花花就係死穴~
冧c人呀~~
回覆刪除嘩~~好利害呀~~媽媽你做晒sam叔叔的建議 (濕意粉)；係唔係~~煮淋佢比恐龍仔摸？同埋每日都有練習；我地都好怕d吉既野、怪不知得sam叔叔讚恐龍仔的表現好好啦~~
[版主回覆08/18/2008 14:22:00]嘩~ 佢嗰日都有讚恐龍仔~ 估唔到Sam Sir 佢... 咁樣讚人架
濕意粉其實係幼潛玩過, 怕得要c! 煮淋就ok架喇, 我响屋企都無試! 不過就真係買咗個海膽波俾佢玩~ 由唔敢攞起到後尾攞起拋開.. 好大進步架喇!
其實都唔係咩練習~ 因為恐龍仔好早瞓 (8:00-8:30pm), 我地無乜時間陪到佢, 唯有早d起身陪佢行晨運囉!
終於揾到你啦......呵呵呵!!!!
回覆刪除[版主回覆08/18/2008 18:00:00]駛唔駛獎你一個恐龍濕吻呀~ 姨姨!
唔好意思呀因為我想問下一個唔關你呢個topic 既問題,我見你之前同恐龍仔係影樓影個d相好靚,我想問下你係邊度影,可唔可以比d資料我?因為我囡囡就一歲,想一家人影相,thanks!
回覆刪除[版主回覆08/19/2008 07:26:00]恐龍仔6mth時去過babyQ影相, 你可以响相上面個website搵到呢間嘢~ 好平!
不過當日恐龍仔完全唔笑.. 你都覺得靚呀? 不過天使造型又真係幾可愛~~
都真係好早瞓下喎~~咁恐龍仔幾點起身架？姨姨你地~又咁早起~~咪唔夠瞓囉？
回覆刪除[版主回覆08/19/2008 09:53:00]恐龍仔平時6:30-7am起身, 今朝傻咗7:30am都未醒, 俾我攞咗部相機"嘈"醒咗! (今晚返去得閒就出blog~)
我就11pm左右瞓囉~ 恐龍爸就一時時~12-1am啦!
斗豆~ 早睡早起身體好呀!