是日天晴~

出海嘅大好日子呀!

今日, 我地約咗舅舅, 舅母 同 Brayden 表弟 (& Brayden 公公婆婆) 出海去!

可惜恐龍婆婆會暈浪啦~ 公公自己一個又唔願去...

好喇~ 起程喇!

恐龍看海~ (船船先真!) 加送老鼠patpat!

個view實在太吸引喇! (c都唔肯轉身影相!)

好啦~ 攝影師落嚟同你影啦!

一早起身好好陽光, 但係去到西貢已經好多雲

出到海, 恐龍仔同表弟瞓一陣先~ 爸B媽Mi舅舅&舅母落咗艇仔玩~ 不過~ 個天開始落好大好大嘅雨呀!

好在, 大約一個鐘左右, 就雨過天清喇!

兩隻BB見到daddy mommy, 好開心呀!

然後, 食海鮮歺~ yummy!

跟住換泳衣, 然後同隻ladybug影咗d體操相!

(唔知係咪最近睇得奧運多呢?!)

我第一次用photocap, 整完先發現出哂d file name!! 好老土呀!!

跟住落水玩咗一陣~ 然後洗白白!

諗住恐龍仔食完奶奶會瞓啦~

点知~ 好興奮! 無時停! 仲有d扭紋!!

其實, 恐龍仔未試過同表弟玩, 次次見面都係响酒樓~ 食飽就走!  

(因為恐龍仔趕住返屋企覺覺豬!)

今次相處時間都唔多, 因為表弟好瞓得! (~11mth, 18hr/day!) 大家醒嘅時候, 又要開歺又落水玩~ 响船度, 表弟爬去表哥度, 呢個表哥會閃開~ 想走人!

唔明点解??? 平時上playgroup都唔係咁架!

 

最後, 特別嗚謝舅舅、舅母 & 表弟's公公婆婆嘅熱情招待 (你隻船船好靚靚呀!)

仲有輝嫂煮d海鮮好好味呀!!!!