流血事件

上晝, 諗住去攞回港証, 点知比想像差~ 未夠九点已經滿額!  白行~

下晝, 又係感統playgroup~ 今次好多新同學呀!

恐龍仔今日瞓夠食飽, 好精神~ 周圍走, 無時停! Sam Sir 成日讚人, 今日又讚咗恐龍仔幾次~ 話佢好聰明, 不過要小心d, 一失控就好易變曳仔架喇!

不過今日真係有啲過度活躍!

恐龍仔好驚嘅意粉人 (响斗豆度偷架!)

到玩七彩降落傘時~ 有小朋友喊住走開, 多數都企响邊邊~ 但係恐龍仔就一路行一路笑, 個個望住佢, 玩得最開心係佢  真係通場飛!

跟住~ 又係午睡時間~

瞓飽~ 又係街街時間!

話說黃昏時份, 我地一家三口去咗馬鞍山公園嘅遊樂場玩~ 玩到差唔多要去食飯, 爸B同恐龍仔玩搖搖羊仔..

 就係呢隻羊!

跟住, 爸B話: 好喇! 落返嚟喇!

於是爸B準備抱恐龍仔落地嘅同時, 恐龍仔想自己跣落地~ 上唇撞向前面扶手! 唔係好大力, 不過有人仔慘叫! 媽MiMi一睇~ 牙仔流血呀!

恐龍仔好叻~ 慘叫咗幾聲就唔喊喇! 不過牙仔就流咗一陣血~~

慘慘呀!

第一次玩出血呀!!!!

响歺廳~ 恐龍仔都好乖, 坐咗成粒鐘呀, 不過後期已經要企响櫈! 之後, 就去影証件相! 呢隻嘢邊坐得定架?! 搞到媽MiMi好唔好意思, 搞咗一輪先掂~ 好啦, 聽日睇下靚唔靚仔啦!

恐龍仔最近街街~ 多數都帶埋rabbit, 超可愛呀!