Happy BOY

Hide & Seek

今朝, 我地嘅晨運節目, 係去馬鞍山室內運動場裡面嗰個playroom, 嗰度開8点, 我地坐8点邨巴出去~

去到~ 成間playroom無人呀! 我地行吓爬吓搞搞震~ 恐龍仔成功完成有一呎闊, 4-5呎長嘅獨木橋!   叻叻呀!

之後, 爸B同媽Mi 想同恐龍仔玩Hide & Seek, 睇下呢隻大BB會点...

响佢唔為意, 玩緊嘅時候, 大人分別躲在唔同地方, 當恐龍仔轉身, 唔見哂d人..

佢無喊, 只係好柔弱咁响豎叫: MAMI~ MAMIMI?! MAMI~

嘩~ 阿仔, 你爸B會嬲架!  

恐龍仔平時唔叫Mami, 到唔見哂d親人時, 搵嘅係MAMI呀!!!! 嗰種感覺, 好難形容~

之後, 有幾個小朋友入咗嚟玩, 我地見9点幾喇, 就走~ 去隔離圖書館~

恐龍仔好鍾意d書, 不過係攞出嚟四圍放, 今日又借咗幾本BB書~~~

係時候返去瞓覺覺喇!!! 未得住~~ 爸媽要食早歺呀! 恐龍仔食咗d通心粉,好鍾意食呀!

呢次~ 真係要返去食奶奶~ 瞓覺覺lu~

Bath Time

尋日下晝, 爸B媽Mi去咗拍拖, 經過SOGO, 買咗d好好玩嘅東西俾恐龍仔: CRAYONS

点好玩法? 自己睇喇~

有認公仔啦~爸B畫咗MIFFY (仲以為恐龍仔會答rabbit), 畫一半已經認到嘅CAT, 仲有就係123, 數到9到ok喇!!! 

HAPPY BOY

食完lunch, 諗住俾爸B休息一吓, 我地落咗樓下playroom, 不過有個大仔响豎~ 總之就唔好玩啦! 希望恐龍仔大d唔會咁對細過自己嘅小朋友啦!

返屋企, 飲奶瞓覺覺豬啦~ 初初都好定架, 点知佢聽到媽Mi移動嘅聲音, 就起身要玩喇! 好啦, 就陪你玩啦!

首先, warm up嘅係玩佢張被~ peekapoo~ 玩極都唔厭!

跟住~媽Mi攞咗個drums出嚟~ drum sticks 可以打鼓之外, 仲可以打媽媽! (NO~NO!) 以及相機! (Oh~ NO!!!)

呢隻嘢玩得好開心, 仲一路講: Happy Boy!

玩玩吓~ 變咗HAT! 仲可以咬架!!!

玩夠喇! 不如玩cups啦~

8隻杯後面都有數字, 1 to 8, 咁又自己one two three咗一輪~

想拍張同ELMO嘅合照, 影極都係唔得!

之後, d cups俾呢隻嘢拋哂落地, 咁~ 又攞咗d數咭出嚟, 1 to 12

今次睇後面, 圓点~

又自己玩咗一大歺, 個口就four, six, twelve(!!) 咁亂咁噏~

(呢個時候又就嚟dinner, 要叫醒爸B喇!)

晚飯後返屋企, 恐龍仔搶咗媽Mi個card holder, 佢打開指住自己張相: mamimi!

吓?! 爸B攞咗張合照指住自己~ 恐龍仔答: mamimi!

小朋友~你~有無搞錯咗d嘢呀?!?!

夜晚覺覺~ 呢排瞓覺前飲好少奶(~4oz), 呢隻嘢會俾個奶樽身邊個大人, 講聲"謝謝", 然後瞓~

想佢飲多d? 佢話: 唔愛! 覺覺豬!!!

今日, 爸B病病, 無去探婆婆呀~ 媽Mi發覺, 自己一個湊仔(加埋湊埋爸B) 都唔係好辛苦, 仲玩得好開心呀!

 

btw, d相暗咗d, 等我得閒先執執佢~~ 欣賞住佢d古怪表情先啦!

 

古惑仔

一朝早, 爸B同Mi未起身..

恐龍仔玩到無嘢好玩~

竟然攞哂d socks出嚟玩?!

小朋友~ 你個樣好古惑喎!!

 

好啦~落樓喇~~

行行吓, 有人勁R頭?!?!

返到屋企, 瞓咗45min 就出去攞回鄉証

恐龍仔一抱起就醒, 瞓唔返~

去到,

估唔到15min走得!

跟住meet爸B~飲茶!

唔知係咪唔多鍾意嘈呢? 佢搵手指仔塞耳!

趣事: 恐龍仔R頸仔, 工人姨姨幫佢R, 發現有粒粒..

於是, 繼續幫佢R, 呢隻嘢抬起頭仔俾人R~

好enjoy咁~

 

因為朝早瞓唔夠~ 上playgroup時呆呆哣哣,

Sam Sir 一眼睇到就話佢唔喺狀態!

成堂, 一半時間發呆, 喊咗一歺 (爸B整到眼仔呀!)

好在, 行凹凸地墊時, 恐龍仔有別於其他同學仔

佢係踏上地墊之後唔郁, 用腳仔感覺吓~

其他同學, 就咁行過, 或者有d可能會唔多鍾意

但係, 恐龍仔好似要d時間, 了解吓~

Sam Sir 好鍾意佢咁!

 

~ * ~ * ~

差d唔記得

恐龍仔識得瞓低扮覺覺!

如果你問佢: 覺覺係点架?

佢就會即刻瞓低响枕頭上面!

 

仲有~ 就係扮咳咳!

爺爺尋晚話BB無乜咳喇, 於是, 媽Mi問: BB你仲有無咳呀?

恐龍仔即刻咳俾你睇!

爸B再問, 答案都係: 兩聲咳!!!

鸚鵡~風眼~

 

終於俾恐龍媽搵到~風眼~喇!

其實係睇睇下報紙發現:天文台話會用作教材

恐龍媽見到原作者有yahoo blog, 咪搵咗條link

方便第日教仔囉!

好正呀!!!

 

 

  

and HERE

style好唔同, 不過做教材, 之前嗰d正d!

恐龍仔@17mth

其實, 仲有兩日先17mth, 不過~ 突然間都寫吓恐龍仔嘅進度~

body weight: 22-23LB

body Height: 78-79cm

我地上咗3-4個月感統喇! 上埋呢期就會升班 (豆斗已經跳咗班喇!) 恐龍仔嘅表現一路都好stable, 不過最近兩堂開始注意力好短, 轉個頭就走咗去! Sam Sir 好多時都會讚佢, 話呢隻仔好叻, 不過小心變曳仔喎~

唔知係咪BB由一張白紙開始, 做爸媽見到自己個仔學識咗d嘢, 總係覺得佢地好叻~ 我地都覺得阿仔好叻, 不過比起其他B, 又好似唔係特別快~~

好似語言能力呀~ 佢足一歲先講嘢, 但係好快學識head/eyes/ears/nose/toes etc.. 仲好神奇地, 好鍾意睇/讀字母! 我地無特別教過ABC, 不過恐龍仔識讀大部份字母喇! (well, 好難考佢, 因為佢識~唔等於讀出聲, 所以好似一時時識咁~)

除咗字母, 最近我地學緊123, 因為好多時佢對住工人, 另外, 買咗嘅教材都係英文, 所以, 恐龍仔係學one, two, three架~ 早幾日, 識數喇! 數字仲未認得哂, 暫時都係數到3~

佢明白好多生活上嘅指領~ 話說, 屋企門左面係lift, 開門對正防煙門, 每日出門口晨運, 恐龍仔會走去防煙門度PUSH! 然後去右面嘅 < F.S. HOSE REEL > 度讀字母~ 到有lift, 我徐口叫 "有lift喇", 估唔到, 上個星期開始, 恐龍仔識自己快步行入lift! 個lift門同個消防喉相距有3-5米架!

恐龍媽最近好努力咁睇緊Glenn Doman 嘅 <<如何教寶寶百科知識>>, 嚟緊會試住做, 不過對flash card 有d唔習慣, 會好自然咁想停落嚟, 講多兩句! 其實我地都有睇百科書, 恐龍仔好鍾意睇, 不過會覺得我慢囉! 佢想快d咁!!!

等百科同閱讀學好d (after 2), 就會學數, 可能會用蒙氏嘅數學教具~

唉~ 仲未安排講故事時間呀!!!!

之前, 恐龍媽覺得: 其實恐龍仔好乖, 除咗食飯同瞓覺!!!

17mth, 其實兩大<茶煲>都有好轉, 瞓覺仲可以10分鐘左右瞓着! 完全唔駛理! 不過始終怕佢爬落地 (恐龍仔瞓小童床架~), 所以都係要陪瞓~

食就一時時, 不過整體上係好咗, 有時都會食食吓扭紋~ 好似今晚咁~

扭到雙腳放上枱面! 攞命!

不過又有新發現, 就係叫佢望媽Mi, 佢識得望鏡頭!

仲表情多多~ 笑c人! 有招牌八字眉呀! 仲識得食完嘢撩牙!!

 

剪報: 媽 媽 手 痛 如 電 擊

骨 科 醫 生 高 拔 萃 指 出 照 顧 嬰 兒 涉 及 不 少 重 複 動 作 ， 例 如 替 嬰 兒 換 尿 片 、 洗 澡 及 餵 奶 等 工 作 ， 經 常 要 將 虎 口 位 置 打 開 ， 或 扭 曲 手 腕 ， 造 成 局 部 肌 腱 與 腱 鞘 滑 膜 反 覆 磨 擦 ， 加 上 用 力 不 當 或 過 度 用 力 ， 便 會 造 成 媽 媽 手 ， 餵 哺 母 乳 的 女 士 在 生 產 後 首 兩 個 月 是 患 病 的 高 危 期 ， 「 餵 奶 或 者 掃 風 時 都 要 打 開 虎 口 托 住 BB 個 頭 同 頸 ， 每 日 可 能 做 6 至 8 次 ， 加 上 其 他 家 務 ， 好 容 易 有 媽 媽 手 。 」

簡 單 紓 緩 動 作 可 改 善

由 於 患 者 手 部 無 力 ， 做 扭 毛 巾 、 寫 字 、 拿 筷 子 等 需 要 拇 指 用 力 的 動 作 時 ， 會 遇 到 困 難 。
曾 有 一 名 30 多 歲 病 人 ， 三 年 前 懷 孕 約 八 個 月 時 ， 左 手 腕 發 炎 及 腫 痛 ， 分 娩 後 接 受 類 固 醇 注 射 治 療 後 病 情 改 善 ， 她 去 年 底 誕 下 第 二 胎 ， 兩 個 多 月 後 媽 媽 手 復 發 ， 左 手 腕 再 次 出 現 像 電 擊 般 痛 楚 ， 其 後 右 手 也 出 現 痛 楚 ， 簡 單 如 開 門 的 動 作 也 做 不 到 ， 接 受 治 療 後 手 部 活 動 已 大 為 改 善 ， 但 現 時 仍 需 接 受 物 理 治 療 控 制 病 情 。
媽 媽 手 即 狹 窄 性 腱 鞘 炎 ， 高 拔 萃 指 出 ， 當 不 斷 重 複 同 一 個 動 作 或 過 度 用 力 ， 便 會 令 連 接 肌 肉 及 骨 的 腱 鞘 磨 擦 增 加 ， 使 鞘 （ 筋 膜 ） 的 潤 滑 功 能 下 降 ， 增 加 腱 鞘 發 炎 的 風 險 ， 一 旦 肌 腱 發 炎 變 厚 ， 在 筋 膜 內 的 滑 動 受 阻 ， 患 者 的 手 腕 動 作 會 突 然 變 得 不 順 暢 及 產 生 痛 楚 ， 引 發 狹 窄 性 腱 鞘 炎 。
患 者 初 時 會 感 到 手 腕 腫 脹 及 痛 楚 ， 再 蔓 延 至 前 臂 或 拇 指 ， 出 現 針 拮 或 蟻 咬 感 覺 ， 患 者 轉 動 手 腕 、 反 覆 伸 直 及 屈 曲 拇 指 時 ， 甚 至 有 「

損 」 及 電 擊 般 痛 楚 ， 部 份 患 者 更 感 到 筋 腱 像 被 砂 紙 磨 擦 。
患 者 日 常 可 進 行 簡 單 的 紓 緩 活 動 改 善 媽 媽 手 ， 如 多 做 拇 指 拉 筋 動 作 ， 減 低 虎 口 位 置 的 勞 損 ， 約 八 成 患 者 可 以 支 架 固 定 及 冰 敷 等 治 療 改 善 病 情 ， 手 抱 嬰 兒 時 可 將 軟 墊 放 在 大 腿 與 手 肘 之 間 借 力 ， 避 免 手 部 長 時 間 凌 空 用 力 而 受 傷 。

治 療 方 法

第 一 級 ： 只 有 輕 微 痛 楚
＊ 多 休 息 ， 冰 敷 患 處 5 至 10 分 鐘 ， 並 進 行 拉 筋 運 動
＊ 避 免 經 常 重 複 同 一 手 部 動 作 或 過 度 用 力
＊ 利 用 支 架 固 定 患 處 3 至 4 周 ， 避 免 繼 續 受 傷

第 二 級 ： 當 第 一 級 治 療 無 效
＊ 將 類 固 醇 類 藥 物 注 射 入 手 腕 的 筋 腱 膜 ， 改 善 發 炎 情 況

第 三 級 ： 接 受 第 一 及 第 二 級 治 療 後 ， 痛 楚 及 手 部 無 力 等 症 狀 未 見 改 善

＊ 進 行 手 術 將 筋 腱 放 鬆
資 料 來 源 ： 高 拔 萃

特 稿
兒 子 騎 膊 馬 　 爸 爸 傷 手 腕

經 常 陪 伴 子 女 玩 耍 的 好 爸 爸 小 心 患 上 「 爸 爸 手 」 ， 尤 其 若 子 女 愛 騎 膊 馬 ， 常 把 三 四 十 磅 孩 子 舉 過 膊 ， 容 易 令 手 腕 疼 痛 。
現 年 40 多 歲 的 林 先 生 ， 長 子 今 年 三 歲 半 ， 幼 女 則 出 生 不 久 。 常 與 近 40 磅 的 兒 子 玩 騎 膊 馬 ， 曾 有 一 次 把 兒 子 舉 高 過 膊 時 ， 因 用 錯 力 而 手 腕 隱 隱 作 痛 ， 求 診 發 現 患 上 與 媽 媽 手 同 一 致 病 原 因 的 爸 爸 手 。
不 少 父 親 自 恃 身 體 強 壯 ， 即 使 年 幼 子 女 體 重 增 加 ， 仍 會 長 時 間 手 抱 ， 或 騎 膊 馬 ， 手 腕 用 力 過 猛 很 容 易 受 傷 。

接 受 冰 敷 拉 筋 治 療

林 先 生 在 長 時 間 抱 兒 子 後 ， 一 次 給 兒 子 騎 膊 馬 後 即 中 招 ， 求 診 後 需 接 受 物 理 治 療 、 冰 敷 及 拉 筋 等 。

又咳咳呀~

工人今朝早話俾恐龍媽知: 呢隻傻恐龍咳咳呀! 仲好似有痰!

於是叫咗工人帶bb去睇医生~~

嫲嫲見恐龍仔病, 又舊事重提:

出門要攞多件衫, 小心冷氣凍呀! (診所d冷氣好弱架!)

bb瞓覺要著長袖衫呀 (吓?! 瞓晝覺都要?!?!?) 我嗰次摸佢手仔有d凍呀! (瞓緊就唔好搞佢啦! 有被架!)

其實恐龍仔只係幾聲咳, 好精神~ 好貪玩~ 應該無乜事架! 不過聽日book咗攞回港証, 唔想聽日先去睇病, 所以咪早d去睇吓囉~

駛唔駛唔緊張呀?!

不過恐龍媽湊仔嘅方法同嫲嫲好唔同, 恐龍媽叫嫲嫲嗰d叫過份保護! 

乜都驚~ 成日話唔夠衫, 22-23度天氣同恐龍仔出街, 要佢著3件衫, 熱到成身汗!!! 嫲嫲話當年冬天, 幫恐龍爸著5-7件衫, 包括兩件棉襖! 舊年冬天, 恐龍仔最多著4件衫 (就算唔夠10度), 成個冬天無話冷親病過, 只係俾嫲嫲煩到都c~~~ 最慘嘅, 除咗係恐龍仔, 仲有工人姨姨, 因為佢唔知聽邊個好, 兩個都話佢唔啱!

尋晚出街食飯, 討論恐龍爸個表妹(15-16歲) 一個人嚟HK玩得唔得~

嫲嫲話, 佢唔得閒陪住周圍玩, 所以唔好喇, 又無朋友喺HK喎~ 一個人好悶架! 

唔通氣嘅恐龍媽就話: 咁大個人, 邊會想同長輩出街玩架?! 11-12歲已經唔肯同父母出街啦! 無朋友有乜所謂喎, 自己去周圍行吓都得啦! 只係怕佢父母唔放心啫~

嫲嫲當然唔會認同啦~~ 佢覺得有親戚嚟"探"佢, 佢就要招呼人, 佢唔得閒~ 你就唔好嚟喇! 

都無佢咁好氣~~

 

  

 

 

又係星期三~

星期三~ 係嫲嫲嘅休息日!

好多時, 星期三放工返到屋企, 都有"意外驚喜"~

例如, 去千色兒童部"經過", 恐龍仔攞住個玩具唔放, 所以買咗返屋企~ (但係点解會走咗入去呢?)

又例如去超市買咗d恐龍仔唔食得嘅餅, 理由同上~

同嫲嫲講, 唔好俾bb以為見到咩得意就可以帶返屋企! 佢答: 咁細個点識~ 大d先教啦!  (多謝哂!)

上個星期係: 返到屋企唔見咗個仔, 然後恐龍仔過哂鐘都無飯食!

今日, 本來約好出街食, 每次都係我返到屋企幫手搞掂個仔先出門口~ 今日, 係我趕到屋企發現無哂人+一部開緊嘅風扇!

好唔開心!  或者, 應該叫~ 好失望!

我都係想趕返屋企見吓個仔, 点知~ 又係白趕!

同佢講? no la~

上次佢飯都唔食c咗出街呀! 今晚約咗叔仔同佢女友, 我唔想有人唔高興~

不過, 我同咗工人講: 下次要向我通風報訊~

起碼唔駛咁趕, 同埋返到去失望啦!

唉~

呢個係邊個?

尋日問咗恐龍仔一個問題~ 當時, 見到爸B行緊埋嚟, 大叫Ba爸!

於是, 媽Mi指住自己(個鼻), 問恐龍仔: 呢個係邊個?

恐龍仔答: NOSE!

係呀~ 爸B笑c咗!

~ * ~ * ~

今朝, 我地又一家落樓行晨運, 帶埋bubble一齊, 恐龍仔好開心捉bubble呀!

~ * ~ * ~

返到屋企, 佢唔知点解捉咗媽Mi隻老bear~~ (係爸B送俾媽Mi嘅第一份生日禮物@1996)

 

呢位病人, 你d氣色唔多好喎~

等我幫你把把脈先~

摸摸頸~

聽聽心跳~

睇埋對眼~

hmm~ 唔係幾好, 等我帶你去医院!

起身~

叫你自己起身呀! ( I like these PATPATs!  )

你對耳唔係幾好揸手喎~

轉轉手睇過~

都係咁好d!

如是者~拖行咗幾圈~ bear都c啦!

HEHEhehe~~ HAHAhaha! 多謝收看呀!

仲玩 bearbear kickkick ballball!

(個口講: kick ball ball!)

呢個唔係原來版本, 1st version, 恐龍仔係揸住兩隻bear耳响身前, bearbear真係正面踢波波架!

~ * ~ * ~

傻媽Mi聽見恐龍仔叫爸爸, 又問: 呢個係邊個?

恐龍仔答: NOSE!