BBQ

自從叔叔搬返响附近住, 我地都想約埋一齊BBQ, 呢次活動都講咗好耐喇.. 終於等到!

我哋近近哋~ 去咗有遊樂場設施嘅泥涌, 起碼唔食嘢都有d嘢俾恐龍仔玩嘛!

今朝, 恐龍仔唔願食早餐, 因為佢知道去燒嘢食! 去到~ 爸爸同叔叔透好個爐, 第一時間就係燒d腸俾隻錢鬼食! 仲食咗d包..  就咁多! 然後就要去玩喇!!!

好在~ 有一個唔鍾意食嘢嘅Cathy姐姐陪佢玩~ 媽媽就繼續努力咁燒同食!

一個鐘之後, 牛牛bb瞓醒喇~ 由工人姨姨帶嚟燒烤場!

因果d蕃薯未熟~ 牛牛同哥哥去咗玩..

到d蕃薯熟喇~ 牛牛就食佢嘅豐富午餐: 蕃薯西蘭花奶米糊!

今次~ 媽媽準備咗焗西蘭花俾牛牛食~ 哥哥都食咗幾舊.. 唔再肯定定地食嘢嘅哥哥, 仲食咗幾啖烤鯖魚添!

呢日, 真係好難得有叔叔同Cathy姐姐幫手, 如果唔係~ 恐龍爸媽一定無勇氣帶d細路BBQ~ 

 

---------------

睇返恐龍仔d相, 呢半年佢塊面尖哂, 無咗細個圓面肥嘟嘟嘅樣!

牛牛呢? 真係好似哥哥細個時嘅樣! 但係~ 人人都話佢似媽媽喎~ 哈哈~ 媽媽好鍾意呢個mini-me架! 不過~ 都係似爸爸會靚仔d~