每年年尾, 總是提不起勁去"慶祝"，心想：到底有什麼值得高興？
人們在迎接新一年的來臨，可有記起某年，狂歡的人群，樂極生悲？
年少時不能"出夜街"，就當然沒有慶祝活動，到讀大學時有少量自主權，已經提不起勁，除夕已經變成灰色，總是令我想起舊事、故人。
是92/93年的除夕吧！
她中一時總是坐在我的後面，有好長的一段時間，她是跟我最要好的同學！中四開始，雖然不再時同班，但還是很友好的。會考之後，她到美加升學。聽說，在外面發生過車禍，幸運地沒有受傷，但家人掛心，於是，聖誕假期回來見一見父母，聽說，去了廣州一轉，31號黃昏才回到香港，沒有回家，去了中環倒數！
新聞不停地重播傷者被送上救護車的片段，對某為傷者的片段特別深刻。電話響起，是一位師妹來電，她說：新聞片段中，有兩個她認識的朋友… 其中一個，就是我覺得印象深刻的那個…
我再沒有再看那段放聞片段，但腦海中，郤不停的播…
最後，母校於開學首日早會，為這兩名互不相識的同學/校友默哀。
雖然曾經於中環地區工作多年，但我從未踏足那個地方，總會想起她。
每年的除夕，心情沉重。
自從叔叔搬返响附近住, 我地都想約埋一齊BBQ, 呢次活動都講咗好耐喇.. 終於等到!
我哋近近哋~ 去咗有遊樂場設施嘅泥涌, 起碼唔食嘢都有d嘢俾恐龍仔玩嘛!
今朝, 恐龍仔唔願食早餐, 因為佢知道去燒嘢食! 去到~ 爸爸同叔叔透好個爐, 第一時間就係燒d腸俾隻錢鬼食! 仲食咗d包.. 就咁多! 然後就要去玩喇!!!
好在~ 有一個唔鍾意食嘢嘅Cathy姐姐陪佢玩~ 媽媽就繼續努力咁燒同食!
一個鐘之後, 牛牛bb瞓醒喇~ 由工人姨姨帶嚟燒烤場!
因果d蕃薯未熟~ 牛牛同哥哥去咗玩..
到d蕃薯熟喇~ 牛牛就食佢嘅豐富午餐: 蕃薯西蘭花奶米糊!
今次~ 媽媽準備咗焗西蘭花俾牛牛食~ 哥哥都食咗幾舊.. 唔再肯定定地食嘢嘅哥哥, 仲食咗幾啖烤鯖魚添!
呢日, 真係好難得有叔叔同Cathy姐姐幫手, 如果唔係~ 恐龍爸媽一定無勇氣帶d細路BBQ~
---------------
睇返恐龍仔d相, 呢半年佢塊面尖哂, 無咗細個圓面肥嘟嘟嘅樣!
牛牛呢? 真係好似哥哥細個時嘅樣! 但係~ 人人都話佢似媽媽喎~ 哈哈~ 媽媽好鍾意呢個mini-me架! 不過~ 都係似爸爸會靚仔d~
恐龍仔好鍾意去霖霖屋企玩, 因為有貓貓玩~ 因為人家嘅玩具總係好玩過自己嗰d!
又係約咗好耐~ 終於成事!
恐龍爸攞咗叔叔送俾恐龍仔嘅聖誕禮物出嚟研究: 係mario遙控車仔! 當佢研究成功~可以玩嘅時候, 兩個細路就迷上車仔, 仲爭玩添!
咁猜呈尋決定邊個玩綠色恐龍車仔啦~
稱尋磨較叉燒包! 兩個細路都出 ~ 包 ~
老鼠唔食豆沙包! 霖霖繼續 ~包~ 但係恐龍仔就出 ~ 六 ~
一眾大人笑到
見到今日天氣咁好, 於是我地聽孩子們嘅聲音: 去恐龍公園玩!!!!
手拖手~ how sweet! 不過霖霖高過恐龍仔半個頭!
霖霖媽媽無介紹錯: 呢度又多嘢玩, 又無乜人喎! 多謝兩位daddy, 媽媽們可以坐低傾吓計..
兩個細路就當然高興啦 ~
又作怪!
玩到1點, 我地要去食午飯, 然後趕返屋企接更! 今日工人姨姨肯幫忙半日照顧牛牛, 但係佢有事一定要放半日假..
安頓好兩個寶貝之後, 恐龍媽就出發~ 買聽日BBQ嘅食物喇!!!!
其實牛牛已經過咗8個月好幾日, 但係一路忙住其他嘢, 無update~
牛牛呢個星期開始食粥仔喇! 之前一路食糊, 我試過俾唔同嘅糊佢食, 佢照單全收! 另因為牛牛有輕微濕疹, 好似係蕃茄問題.. 所以一路加入新食物嘅進度較慢! 上星期食蛋黃喇, 今個星期先開始食肉~
呢兩個星期, 牛牛超多嘢講! 好大聲添! 成日好似鬧人 / 有嘢要投訴咁! 笑c人!
上個星期開始, 坐得好定喇! 唔駛人扶, 仲想扶住嘢起身添! 有時瞓低咗, 會想自己起返身 (sit-up!!!) 佢個樣好搞笑!
尋晚睇住佢.. 拍哂枱! 媽媽同佢講:" 乜你唔痛架咩? " 佢望吓自己對手, 又拍兩吓, 然後又望吓對手, 好似聽得明人地講乜咁... 唔阻你做實驗喇!
牛牛未出牙呀! 不過好似見到牙肉有少少裂開咁.. 期待~
體重.. 呢排著得衫多, 大約19磅啦, 好似無乜太大進展咁~ 無計! 鬼叫佢唔願飲奶呀!
減產中嘅媽媽奶.. 都仲夠俾細食牛牛兩餐! 不過呢隻嘢好怪, 半夜飲到6安奶, 但係日頭就飲得2-3安!
牛牛依然好鍾意媽媽隻手! 繼之前鍾意欣賞完d手指再放入口, 呢期就轉咗唔欣賞喇.. 直接錫錫媽媽手背! 
哈哈~哈~哈~
恐龍媽知道自己有d傻.. 不過, 第一次聽到有人想同阿仔結婚, 真係覺得好好笑~
個妹妹係恐龍仔同班同組嘅小女孩, 今日同佢媽媽傾轉唔轉校好時.. 佢自己提起嘅~ 今晚返去訪問吓當事人先~
仔呀~ 都知你迷倒好多成年女性生物, 估唔到連小妹妹都走唔甩..
wahahahahahah~
牛牛近來瞓覺無之前咁快, 有時都要搞成半個鐘!
尋晚都係! 搞掂隻牛, 又要同哥哥沖涼, 點知阿牛又醒返!!!
講完故事, 工人返到-->甩身!
又去侍候二少! 攰死咗! 瞓啦.. 點知恐龍爸入嚟搵嘢, 著咗枱燈唔熄~ 多謝哂.. 醒咗瞓唔返!!!!
未夠12點, 牛牛喊.. 唔停! 怕嘈醒哥哥, 起身睇睇.. 開奶> 繼續瞓..
大約點半, 恐龍仔走咗入嚟!!! 我叫佢上嚟一齊瞓 (第一次!) 但係佢似乎唔多鍾意我個pillow, 亦唔鍾意我張被! 不停咁轉~ 瞓著又醒返!! 我頂唔順, 起身啦.. 佢跟住我.. 然後上返之前瞓緊張床... 但係仲想我陪.. ok啦..
但係都仲係唔停咁轉.. 因為我一定要佢冚被!
最後, 佢話: 媽咪~你走啦!
多謝哂!
但係.. 仲未完! 4點, 大少大叫: Auntie, I want 99 please!
工人無理佢 (人地睇住牛牛已經成晚起身~) 我過去同佢講.. 無奶奶架!
然後返床繼續瞓!
好在~ 都瞓到恐龍爸個鬧鐘響!
無命!!!
希望恐龍仔快d適應佢個新Dino Den啦! 今時睇吓佢想唔想搬埋其他雜物過去..
加油呀!!!
講咗好幾次, 試探恐龍仔可願意去隔離間房瞓..
唔似佢瞓開嘅上下格"丁"字床, 隔離房無床欄, 只係一套大人瞓嘅子母床!
牛牛出世之後, 我地開咗張網床放咗入去, 陪瞓嘅就瞓子母床囉~
因為講過幾次, 恐龍仔都無乜反應, 我地唔想迫佢, 但係牛牛就嚟識爬, 唔可以再瞓網床上格喇! 所以~ 其實已經買咗床墊(下格子母床係無床墊架), 準備好床欄, 諗住牛牛瞓上面, 工人瞓下格啦..
點知恐龍仔今日突然話要响嗰邊瞓! 仲自己親手搬佢d朋友仔過去一齊覺覺添!
黃昏~ 媽媽問佢: 今晚仲想唔想响度瞓呀?
佢話好呀!
為免有人中途玩嘢.. 於是, 早d瞓嘅牛牛瞓住爸媽張大床, 恐龍仔真係去子母床度瞓 (但係我地未安床欄!!!) 瞓咗~ 再搬牛牛去哥哥張床度~
第一日~ 成功!
唔經唔覺~ 恐龍仔返咗屋企啱啱3年喇, 工人姨姨都嚟咗3年! 依家~ 輪到牛牛瞓兒童床喇!!!
聖誕節, 學校有個party, 小朋友們要上台表演..
其實舊年去過一次已經"夠哂", 但係如果一班大部份小朋友都要表演, 要受訓, 咁得一兩個無份..又好慘嘅~
所以, 就算覺得貴~唔抵, 都係要去!
响屋企欣賞過好多次喇.. 好純熟! 但係上到台又係另一回事!
老師帶緊"走位"
個傻豬上到台起勢揾爸媽.. 望完一大輪, 揾到喇, 先記得要表演!
都叫做有郁吓嘅~
扭吓腰..
舉起手仔..
知道有人影佢.. 成日作怪!
每位小朋友都有一份小禮物.. 恐龍仔好鍾意呢對"眼鏡"呀!
| 三伏天灸貼藥時間 | 貼藥具體時間和地點 |
| 引九：2010年12月13日（星期一） | 正日：早上7：00—晚上8：30 |
| 一九：2010年12月22日 （星期三） | （一樓大堂） |
| 二九：2010年12月31日 （星期五） | 其他日子：正常上班時間 |
| 三九：2011年1月09日（星期天） | （三樓針灸科、理療室） |
| 加強：2011年1月18日 （星期二） |
天灸貼藥後注意事項：
貼藥時間：成人2-3小時，兒童半小時左右後將藥拿掉。
貼藥當天戒食魚、蝦、蟹、貝等致敏食物。
貼藥當天不能洗冷水澡及游泳，藥物拿掉後2小時不能洗澡。
貼藥後皮膚會有發熱感，以皮膚感覺和耐受程度為觀察指標，避免灼傷皮膚。
貼藥後皮膚出現紅暈屬正常現象，可外塗皮膚軟膏以減緩刺激。
註: 有部份診所會做前後一日, 但有中醫同恐龍媽講, 一定做正日, 效果先好, 仲要日落前貼!
响FB見到隻醜樣豬分享: 買咗新鮮淮山俾Him Sir 同 YY 食, 兩兄弟食多半碗飯呀!
見到人家咁開胃, 恐龍媽當然"恨"啦! 阿豬話淮山開胃健脾喎~ 其實恐龍媽都諗緊好唔好去藥材舖買淮山磨粉試試..
somehow.. 醒起點點綠可能有.. 於是去行咗一轉~
原來台灣人叫淮山做山藥! 唔怪之得成日見到d粉裝山藥粥啦!
經過售貨員姐姐嘅介紹 (佢地d training做得好好~ 好多資料聽到, 全部同我知嘅一樣! 所以好啱聽.. 哈哈!) 佢教我地可以每日兩次, 撈落d奶俾d曳人食~ 無乜味, 試過, ok架!
另外, 我講起仲有個bb, 佢就介紹咗呢隻半糙米~ 煮前唔駛浸! 方便呀~
佢其實都仲介紹咗其他貨品, 例如胚芽粉, 荳奶.. 但係成日覺得屋企仲有d存貨, 所以要返去check check 先!
依家, 牛牛食緊普通米糊 (有時雀巢, 有時買到就買有機嘅~), 我最近加埋少少五榖粉落去, 原來好香架! 隻傻牛都鍾意! 遲少少等佢大dd, 再加胚芽啦! 又係好香架!
至於哥哥~ 因為佢鍾意食麥皮做早餐, 屋企d有機麥皮終於有人食喇 (之前大肚時做過一輪早餐.. 食剩), 我會加d 芝麻黑豆粉落去 (香d嘛!) 又或者胚芽~ yummy! 買咗山藥粉.. 就會加dd落去, 希望快d快d見到有人鍾意食飯啦!!!
我知我係一隻BB..
不過~ 我都係一隻長大緊嘅BB!
雖然我肚仔餓唔會喊, 但係, 我有辦法令大人知道: 我要奶奶!
點樣?
咪講囉! 不過~ 我當然未識講 "我要奶奶"住啦~ 但係, 我識"E~E~R~R" , i.e. BB話!
呢兩晚, 半夜餓醒, 就用聲音嘈醒咗瞓隔離房嘅爸爸媽媽喇! Auntie雖然俾個奶咀我, 想我唔好"講嘢", 但係, d大人經常有個毛病, 就係唔記得我有手仔嘅! 無人阻到我講嘢! 每次媽媽想搵我個奶咀.. 搵一大輪都搵唔到, how silly?! 個奶咀當然喺我手啦!
wahahahahah~
hmm... 有奶奶飲就唔同!
尋日, 我個失暈媽咪又唔記得收細個warmer, 搞到我d奶奶過熱, 又要搵凍水座返凍少少先可以俾我飲.. 咁人地會肚餓架嘛! 佢地d大人成日搵樽奶嚟引我! 我識伸手攞架!!! 有必要時, 彎埋腰添呀! 真係呀~ 咪睇小我先得架嘛... 淨係識得笑! 又唔俾人喎~ 討厭!
最近仲有一樣開心嘢.. 就係可以成日出街! 朝早送哥哥上車返學, 中午接哥哥車, 有時夜晚媽媽都會抱我落樓行吓, 傾吓計, 有時仲去火車站接爸爸添! 媽媽話~ 因為我早瞓覺, 無乜機會見到爸爸, 所以等我出去俾爸爸抱一陣, 返屋企先飲奶奶~覺覺豬喎!
我好鍾意俾爸爸媽媽抱抱架! 因為可以傾吓計咁囉~
每次同d大人傾計, 佢地都好似好開心咁嘅.. 仲乜啫?! 人地識講嘢好好笑咩?! 不過, 見你地咁開心, 我都好開心架, 所以我會繼續回應你地..
如果你同我講bye bye..
我會答你: waa~waa~
如果你話我似媽咪 (哥哥似爸爸~) 我仲會
如常一早同兩個仔落平台行一陣.. 玩對小朋友發展好大好處嘅韆鞦..
望一望鐘, 差唔多8點2, 離開遊戲場, 行開去等校車.. 呢一日爸爸唔帶哥哥返學, 所以要坐校車!
出到路邊, 同响水池邊嘅小朋友打個招呼~
身後突然 BOMB 一聲! 咩事呢? 唔通嗰架倒後緊嘅私家車撞到嘢? 又唔係呀.. 佢仲行緊..
然後~ 一個清潔工跑出嚟, 大喊: 救命呀~ 救命呀~ (架車撞到佢?!) 救命呀~ 有人跳樓呀!
吓?!
工人可能唔知發生咩事, 拖住哥哥隻手, 想過去八吓! 我叫住佢! 同另外一位同校車嘅家長傾咗兩句 (好驚呀!!! ) 校車就到喇.. 送咗隻恐龍上車!
我個腦不停轉.. 好在啱啱行開嚟, 好在佢無早幾分鐘.. 頭先都唔覺有人响埋邊打掃架 (如果唔係佢.. 又會係邊個做第一個呢..)
好在... d細路乜都睇唔到!!!
跟住上樓, 準備返工~
再落樓, 有兩架警車响度, 事發地點有d隱閉, 只係响兩座之間望到過去, 所以有車迫响度就乜都睇唔到~
保安話: 個清潔工呆哂 (之後返咗屋企)
諗嚟諗去, 如果恐龍爸送個仔返學嘅話, 我就唔駛經歷呢幾分鐘嘅事! 好恐怖!
有排都唔敢行去嗰個遊樂場玩.. 都唔知幾時先會再去打韆鞦..
之後同個鄰居傾開, 佢話d看更話佢知, 當時有小朋友响度玩緊, 好在啱啱走咗, 佢當時都响平台, 聽到..
我話: 嗰個咪係我地囉.. 好險!!!
升讀小一，可被視為孩子升學路途的首場「硬仗」，雖然每年九月開始才是小一面試的高峰期，但很多家長近日已開始啟動「升小工程」，除了實地考察心儀小學外，還忙著為子女製作個人資料檔（Portfolio）。一份用心製作的portfolio，可凸顯孩子各方面的才能，在叩門面試時確有舉足輕重的作用，絕對不容忽視。
Portfolio有無用？
近年家長都興起為升讀小一的子女製作portfolio，作用有點像成年人見工時的履歷，但論資料詳盡及包裝之精美，更是有過之而無不及。製作這些portfolio，往往是一項宏大的工程，花去父母不少心血和心思，究竟一份portfolio，對升讀小一有何幫助呢？
原來有部份直資及私立小學，會把portfolio列入取錄評分的標準，直接影響學生的甄選成積。而一份清晰的portfolio更可填補學校申請表格的不足，提供一個平台讓校方更深入地了解孩子的長處和優點。在面試的時候，老師也可在portfolio找到更多相關的話題，令孩子在面試時更易投入。
Portfolio怎樣寫？
現時坊間有不少機構如補習社或印刷公司等，可代為製作小一portfolio，收費由數百至數千元不等，可謂豐儉由人。可是，父母始終是最了解孩子的人，若由父母親自撰寫製作portfolio，學校必定能感受到家長的誠意與對小朋友的重視，效果應該比坊間千篇一律的個人檔案要好。
製作portfolio，應以易讀為原則，圖片為主，輔以文字作重點簡介，內容應包括：
1. 小朋友的精靈相片；
2. 小朋友及父母的個人資料簡介；
3. 幼稚園校長推薦信、成績表及獎狀；
4. 興趣班及課外活動的證書；
5. 凸顯愉快家庭生活的全家福；
6. 小朋友的作品，如短文或圖畫等。
製作Portfolio三個不
父母眼中的兒女總是聰敏過人的，所以在製作portfolio時，很易流於冗長。試想像一間學校每年收到的portfolio可能數以千計，一份冗長的portfolio最後可能石沉大海，故portfolio應以精簡為原則，最好在十頁以內，文字不能多，設計也毋須過於花巧，免看得人眼花撩亂，反而找不著重點。
此外，各類證書雖是portfolio的重要「餡料」，卻也不用舖天蓋地擺放出來，如鋼琴只放考獲最高級數的一張證書便可。除非能夠表現孩子才能的興趣班，否則各類證書也不一定要呈交。」
最後，家長千萬別把portfolio視作「尚方寶劍」，小一面試，最重要還是孩子的臨場表現，得體的應對和有禮的態度，始終是致勝的關鍵，父母千萬別本末倒置，只把精神和心思放在製作portfolio上，而忽略了孩子的感受。
copy from http://hk.promotions.yahoo.com/mama/schooling.html?id=11
各位觀眾,
大家好! 呢隻係我隻牛! 我好鍾意同佢玩架!
媽媽好想幫我地影相, 特別係我點樣玩呢隻牛! 不過, 當媽媽一攞個相機出嚟, 我就掛住望鏡頭喇! 呢次已經唔係第一次咁樣! 我係靚仔嚟架嘛~ 點可以隨便俾人影相架!
你睇~ 我連R頭都份外可愛! wahahahaha~
大家聽唔聽到呀? 等我攞支咪先~
我得閒時, 仲會唱吓歌囉~
又通常呢~ 會食咪.. 同埋, 左手隻大姆指會stand-by..
然後..嚟個假動作..
入咗! 係喇.. 係入咗喇.. 隻手指公呀!
我好肉緊架~
肉緊到.. d大人個個笑到好開心, 好似話我好可愛喎~
所以~ 最近哥哥都學咗我: 食手指喇!
大家覺唔覺得我好叻叻~ 識得望鏡頭架?!
講咗咁耐.. hehe~ 終於俾媽咪影到我個可愛樣囉!
