食中藥

恐龍仔病咗成個月都有.. 咳同流鼻水, 睇完一次又一次西医, 好似好返好多, 又發咗幾個鐘燒, 然後又再咳同流鼻水!!!

再睇.. 呢次開antibiotics!

食咗6日, 好返好多喎..

然後又咳過!!!

搞咗成3個星期, 呢次怕怕喇! 睇中医!

但係.. 到底肯唔肯食中藥呢? 會嘔嘛??

第一劑, 由恐龍媽煲落.. 工人姨姨响恐龍媽完全唔知情下已經餵咗! 聽聞順利過餵西藥!!!! (好叻叻呀!)

食完一日, d痰鬆咗, 医師話第一日見佢有燒, 第二日好好多喇!

再執過d藥..  食完, 睇住收鼻水!!! 但係咳就好似咳得好恐怖, 勁多痰! 医師問有無大便? 多唔多? 佢要痾咗d痰出嚟喎!

跟住.. 尋日起身扭計, 返學途中嘔!!! 因為佢好似無乜力咁.. 接咗返屋企!

前後請咗3-4日假喇!

好在, 之後識玩肯食, 如果唔係, 都唔知點好~

第三次睇 (第4日), 呢次恐龍仔已經同執藥d哥哥叔叔打成一片喇! 咳~ 都好咗.. 咳少咗喇!  医師好滿意恐龍仔嘅"氣色", 同埋佢d臭臭~

阿仔~ 你要快d好返呀!