小小演唱家???

最近恐龍仔鍾意唱歌, 係大大聲跟足拍子跳哂舞咁唱!

尋晚, 嫲嫲上嚟探孫, 打開咗個鋼琴俾恐龍仔玩..

原來嫲嫲識睇簡譜! 仲彈到幾吓鋼琴架!!!!  (可能叔叔細個時學琴, 嫲嫲都偷過吓師啦~)

睇住呢兩嫲孫.. 一個彈一個唱.. 好溫馨呀!

今晚, 恐龍爸比較早返到屋企, 可以同恐龍仔玩一陣..

唔知幾時, 恐龍爸攞咗d手指偶出嚟, 一人一隻~ 恐龍仔就話: 我係老師, 我地依家上音樂堂!

然後好認真咁唱學校教嘅歌仔..

一支又一支!

唱唱吓會話: 大聲d! 快D!!!

跟住就唱起加快版!