燉橙加鹽 - 寒咳,熱咳

copy from bk~

以前我都有聽說過燉橙係得的，不過係加川貝，原來川貝燉橙只係比熱咳的人飲的，寒咳就不能喝，但燉橙加鹽就寒咳或熱咳也可。 
  

個橙開小小頂, 界十字
Cut the orange and sliced a 十 with a knife as shown.

加半茶匙鹽
Add 1/2 teaspoonful of salt to the orange.

放入碗內隔水蒸20分鐘
Put the orange into a bowl and steam it with water in the wok or container for 20 minutes.

食哂個橙的肉
Take all the content.

最重要就係飲哂碗底的水, (都幾難飲 -因又咸又苦)
Most important you have to take the water in the bowl as well. Rather hard though because it will be salty & bitter. I suggest to mix the content of the orange with the water in the bowl in taking.

但如果你咳到冇哂辨法又瞓唔到 - 試吓喇!   

音樂老師

星期日, 又係去上音樂堂嘅日子!

因為恐龍爸有工務在身, 今日又係恐龍媽湊仔日! 响火車裡面, 恐龍仔又講起鍾意新學校, 唔鍾意e+嗰間, 佢話鍾意有音樂堂喎! 當媽媽話e+嗰間都有音樂堂時, 佢就無再講落去喇~

今日唔知有乜咁特別~平時上堂好cool嘅恐龍仔, 今日變得又好奇又多咀! 未上堂就叫老師" 快d除鞋入嚟上堂喇!"

老師即刻問佢做乜今日咁開心..

一路上堂, 完全自由活動! 走出去企响老師前面, 阻住哂! 叫佢坐又唔聽, 又走去"莊"老師本筆記, 係睇完又睇, 唔俾佢睇就行嚟行去! 最後老師叫佢做demo, 你老師, 佢對答如流咁話yes.. 識做! 仲要做到過半數動作!

其實恐龍媽都有d過意唔去.. 呢隻仔有少少影響到老師上堂, 但係又末到曳曳搞破壞, 所以一路都無出手捉佢 (亦唔方便出手), 只係講幾句, 反而老師叫佢返媽媽度, 佢又肯聽喎! 而响呢個過程裡面, 恐龍媽見到恐龍仔學得好快, 佢好enjoy上音樂堂 (雖然唔係咁守規矩), 對答有紋有路!

其實好怕d人話小朋友學識哂就無興趣, 唔願上堂.. 覺得悶, 搞搞震!

夜晚, 恐龍仔捉哂恐龍媽d Miffy出廳, 上音樂堂!!!! Miffy們都好合作, 乖乖坐定定, 望住恐龍老師一邊唱歌一邊跳舞! 到瞓覺時間, 恐龍老師自己就上床, 可憐Miffy就瞓sofa!

第二朝一早, 又上多堂音樂堂先返學! Miffy們終於可以"落堂"喇!

 

 

小小演唱家???

最近恐龍仔鍾意唱歌, 係大大聲跟足拍子跳哂舞咁唱!

尋晚, 嫲嫲上嚟探孫, 打開咗個鋼琴俾恐龍仔玩..

原來嫲嫲識睇簡譜! 仲彈到幾吓鋼琴架!!!!  (可能叔叔細個時學琴, 嫲嫲都偷過吓師啦~)

睇住呢兩嫲孫.. 一個彈一個唱.. 好溫馨呀!

今晚, 恐龍爸比較早返到屋企, 可以同恐龍仔玩一陣..

唔知幾時, 恐龍爸攞咗d手指偶出嚟, 一人一隻~ 恐龍仔就話: 我係老師, 我地依家上音樂堂!

然後好認真咁唱學校教嘅歌仔..

一支又一支!

唱唱吓會話: 大聲d! 快D!!!

跟住就唱起加快版!

 

恐龍仔 @ 兩歲八個月

恐龍仔返咗學之後, 真係不停病! 你話佢好病咩? 又唔係喎! 總之就好易咳, 成日流鼻水, 話鼻塞, 仲有肚痛! 好易嘔!!!!

呢個11月, 睇咗五六次中医喇, 好番好多~ 但係又轉涼! 凍一凍又咳返!!! 個傻豬由肯食中藥到最近.. 開始逃走!

返風~仲有一個問題, 就係面仔爆拆! 其實幾年都係架喇, 一凍d就要一個搽好幾次潤膚膏, 不過呢隻嘢唔會定定地俾大人幫手搽架! 仲慘過餵藥! 有時扭計喊, 本來無乜大件事, 但係突然大喊, 點解呢? 原來係d眼淚滴落面仔, 痛痛! 然後越喊越多眼淚.. 越痛! 蠢到死! 有一次以為面仔好返好多, 佢唔停咁喊, 抱又唔係, 問佢係咪痛痛? 邊度.. 搞咗一大輪先知係喊到面仔痛痛! 擔心死~ 變得啖笑!

講嘢方面, 老師見到恐龍媽就話佢講嘢好清楚, 初初以為無乜出奇, 佢已經慢過女仔好多.. 點知原來好多差唔多大嘅小朋友仲係好多bb音!

最近~ 恐龍仔鍾意問: 點解點解嘅?

哈哈~ 都幾煩架!

返學之後睇少咗書, 一來恐龍仔用咗較長時間去適應新生活, 好多行為習慣倒退, 二來病痛多咗, 變咗少咗時間同佢睇書喇!

最近仲發現, 恐龍仔除咗感情豐富之外 (好多時睇書睇到眼濕濕!) 佢仲係一個熱情嘅小朋友! 佢會主動同陌生人打招呼架! 如果見到穿制服嘅人, 身上掛咗名牌, 恐龍仔更加會叫埋人地個全名添! (d大人俾佢笑死咗!)

11月~ 仲係忙於報幼稚園嘅月份, 兩個面試恐龍仔嘅表現都可以, 等等等~ 終於等到讀緊嗰間嘅留位通知, 同埋校內評估嘅結果 (1年4次評估).. hmm.. 有d搞笑 (e.g. 有人要嗲老師!) 有d開心 (e.g. 好奇心/記憶力/小肌肉等好幾項都高於同齡水平) 唯獨專注力! 仲以為佢專注力唔錯添! 不過大大吓八卦咗, 唔似以前咁定喇!

12月~將會有結果返.. 期待中! 不過煩惱可能隨之而來~~ 到底轉唔轉校呢??

紅色嗰間新學校??

今日恐龍媽約咗覆診, 一早送埋恐龍仔返學..

唔只第一次, 阿仔話要返"新學校", 但係到底係邊間呢??

今日, 恐龍仔話: 要返九龍塘紅色嗰間新學校! 唔要去旺角東!

(阿仔呀~ 就算你想, 人地都未話收你, 就算收, 都唔係即時返得架!)

恐龍媽都唔知講乜好.. 驚講多錯多, 隔離個恐龍爸已經叫收聲喇!

到底邊間學校係紅色架呢?? KV or SC??

其實一路都無話過俾恐龍仔知"面試"係咩回事, 只係同佢講話去同老師傾計, 估唔到佢自己估到可以去"返學"! 我地甚至無講過學校名佢知, 所以邊間紅色呢?? 或者到真有offer時再帶佢去行吓啦..

恐龍媽會唔會對"童言"太過認真呢???

唔止一次俾恐龍爸話對小朋友講嘅嘢太過認真, 俾佢就唔會理..

媽媽煩惱中..

 

淺談幼兒教育

最近在BK見到一位外地研究生, 想以香港家長如果選擇幼稚園及對幼兒教育的祈望作一點研究, 恐龍媽填了問卷, 並有幸接受這位有心人的訪問。

在訪問前, 我並不清楚研究者本身對幼兒教育的祈望與看法, 到最後, 原來大家都遇到知音人! 哈哈!!!

首先, 教育應該由幼兒開始, 中國人說" 三歲定八十", 原來外國的教育家非常認同, 更將幼兒充滿學習興趣, 最容易吸收的 "年期" 定為 "0-6歲" , 蒙特梭利叫這個時期做 "敏感期" , 每樣事物的敏感期可能有異, 但6歲前幾乎可以話係開啓智慧之門的關鍵期!

期次, 就是經驗和實淺。如果大人總是不放手讓孩子自己做，孩子是絕不能學會，最可怕是過了那樣東西的敏感期, 以後就不願意學了! 當一次又一次孩子想學但又學不到時, 孩子的好奇心就會給大人磨滅! (你可別怪他總是在鬧呵!)  只有學懂了, 有了成功感, 就自然好學不惓! 這~ 包括了自理能力的訓練!

看過一本書說: 動物生下來就要學習生存, 作為人類, 我們的幼兒比其他動物需要更多照顧及更長的學習期, 孩子模仿大人是一種本能, 他們本能上知道要學懂爸媽會做的, 他們才能生存下去!

可惜, 很多爸媽選擇了: 不教! 以為遲早都會懂, 不用孩子自己照顧自己, 不重視早期教育, 上到幼稚園/小學老師自然會教的..

父母才是孩子最重要的老師呀!!!

在如何選擇幼兒/幼稚園一題中, 恐龍媽選了: 學校要保持孩子的好奇心, 要訓練孩子解決問題的能力。這是個人願望，其實並不清楚那間能做到, 我相信, 只有這些"能力"才可以伴隨孩子一生一世, 知識? 到他學會了閱讀時, 就會自己從"解決問題"時找到!  這就是自學能力了~

談到外國一些幼稚園的上堂模式: 老師隨着當日剛下過雨, 帶孩子們看地上的倒影, 再帶小朋友回教室, 教一點光學的道理, 看看鏡子.. 很有趣呢! 還有, 一些藝術創作的活動.. 也很有趣!  訪問員問: 如果香港也有這類型的幼稚園 (沒有既定的課程, 跟隨小朋友的興趣去教) 會否願意讓孩子去讀呢?

答案: 不會! 偶一為之還可以, 我知道香港有某小數幼稚園真的找個"藝術家"來教小朋友的, 但甚樣說也好, 大部份的教育從業員的訓練以乎不能勝任以上的教學任務! 而且學校要照顧大部份"消費者"的要求在先, 課程必需編排好才有所交代, 再說, 那些幼師的師資亦不能帶領孩子用這樣的方式學習!

所以, 首先要教育的是那些"消費者"。再者, 就是資源問題, 我們的政府似乎在這方面非常落後, (大陸行了幾十年的蒙特梭利了!!!) 不重視幼兒教育, 幼師培訓不足! 薪金偏低, 根本吸引不到讀書人去從事幼兒工作!

講到這裡, 訪問其實已經結束, 眼前的訪問員告訴恐龍媽, 就是因為這些, 她立志完成論文之後, 回港教學, 會試試屋邨學校, 也想試試九龍塘的名校。

恐龍媽很高興遇上一個有心人, 希望她的願望早日成真!

 

天寒地凍

呢兩日真係幾凍~

尋日一早俾恐龍爸話: 個仔著得衫少!

唉~ 4件: 保暖底衫+棉質樽領+衛衣+厚褸

咁都唔夠~ 唯有買羊毛內衣啦!  其實一路都無買過, 因為我自已唔鍾意著!

一心諗住lunch hour 出沙田shopping, 點知恐龍爸約我出去lunch.. Hmm...應該買唔到要買嘅嘢喇!

嘩~ Uniqlo多人到你唔信呀! 超過20人排緊隊俾錢!!!! 本來諗住買件衫俾自己, 都係放棄喇, 轉戰M&S, 買咗兩件保暖內衣俾自己就走人! 放工再shop過啦!

最後, 响Bebe Dream 買咗羊毛內衣加一張棉被俾隻恐龍! 張被幾好架, 可以做睡袋, 又可以打開冚, 一路幻想隻蠟腸B有幾可愛.. 哈哈~ 估唔到個傻仔都好鍾意自己呢個造型喎!

今朝~ 仲凍過尋日.. 好彩俾我搵到件可以拉到拉鍊嘅厚外套!!! 唔係真係凍c人...

今年比往年怕凍, 身體差咗喇~

 

 

驚喜~~ 連連

恐龍仔d鼻水總係好唔哂, 咳就真係好返好多, 幾乎唔咳喇!

所以, 今晚我地又去睇中医喇!

7:03分去到... 医師唔人?? 執藥哥哥話佢走咗..

吓??? 7點走???

原來佢地個個以為已經8點喇~

咁無計啦... 恐龍媽"到此一遊", 用Anthea 姨姨送嘅coupon買咗兩包nb片片 (無計, 超抵!! $84嘅貨減$40~) 恐龍仔巡視咗一陣業務先走~

走到shuttle bus站, 恐龍媽俾咗一包片片過恐.龍仔.. 佢好興奮! 一包唔夠仲要埋另一包添~

恐龍仔: SS (中文名) is greedy~

恐龍媽: no~ SS is helpful!

恐龍仔: what is helpful?

重覆咗好幾次上面嘅對話,  上車落車都自己攞住片片!

老遠.. 你會睇見一隻"羊咩咩" 雙手攞住片片一邊行一邊fing~

超可愛!!!

返到屋企.. 到恐龍媽開飯..

8點正, 婆婆打去恐龍媽手提: 乜你個仔上電視咩?

吓??

婆婆: 我响<東張西望>見到阿S呀!

吓??

婆婆: 個記者問佢"今日凍唔凍", 佢大大聲答: "唔凍"呀!

Hmm... 到底邊個係經手人.. 點解無人話我知?!?!?

呢個時候屋企電話响.. 係嫲嫲!

恐龍媽心中有數, 呢兩位grandma嘅目的應該係一樣~~

當然不出所料, 嫲嫲仲好欣賞佢响加國帶返嚟嘅褸仔!

hmm.. 但係恐龍爸媽無得睇!!!!

FB留言, 好多回應呀! 估唔到咁多姨姨都有睇電視, 仲認得恐龍仔添!

可惜要等吓.. tvb.com未有得睇住呀!!!!

10點~ elmolly姨姨打嚟.. 哈哈~ 原來佢屋企部錄影機有過去3個鐘嘅錄影呀!!!! 不過魔鬼話要恐龍媽搵靈魂交換... (好驚呀)

-----

本來恐龍媽今日情緒低落 (大project後無乜嘢做後群症), 但係一晚見到個仔就乜都唔記得哂.. 仲好興奮添!

------------

 

http://mytv.tvb.com/variety/scoop/102275#page-1

約10min左右, 市民無懼低溫

interview@KV

一早出發!

無諗到好似SC咁只準一個家長入去.. 恐龍媽唯有响出面發呆!

題目都係嗰d.. 分別係同時問小朋友同家長.. 恐龍爸話顧唔到個仔!

基本上都有問有答, 狀態就差過上星期少少.. 趣事就有一則:

老師問小朋友: 邊個帶你嚟架?

恐龍仔唔答, 摷面前d個人資料: 第一頁係報名表, 第二頁係出世紙~ 佢指住出世紙上爸爸個名話: 呢個!

老師再問

恐龍仔答: XXX (中文全名!)

老師再問: 你平時點叫佢架?

唔應~

老師再問: 媽媽 定 爹爹 呀?

恐龍仔答: 姐姐!

老師: 哦~ 爹爹~

 

小學

KTS vs SFA

homework = SFA - 5/6 homework per day
                     KTS - more or less the same

Language = SFA - may be higher in standard in both PTH and ENG
                   KTS & SFA use the same PTH textbooks but ENG will be different

Secondary allocation = KTS may be better in Kowloon Tong net but SFA has better academic results can also be allocated to top 30 band 1 secondary schools in HK

 

其實學校多重視考生的性格, DBS 的學生多數是活躍主動獨立但又合群, 要教好這類學生, 要有大量學習資源, 因為他們的胃口是很大的, 悶起上來就會攪事, 所以, 有好多學校都唔敢收太多呢D學生

YW 跟 DBS 口味差唔多, 所以, 你見到有不少考生有兩間學校second in, 但林校長重家教和父母態度, 不論學校名氣, YW interview 應該比 DBS 難應付

YW 和 DBS 都無筆試, 它們不要由操練得來的"smart", 不要串英文宇, 不要講英文普通話, 要的是潛能

YW 林校長在second in 之中問 first in 時的校長室不同之地方, 需要小朋友對三維空間有長期記憶, 比串字要求層次更高; 而 DBS 是由電腦播一段故事, then 問有關故事問題, 要求考生聽一次就入腦,  actually, 老師

以後上堂都是只講一次, interview 時如果都catch up 唔到, 入來讀點跟呢?  

St. Paul Co-ed 要的是很乖的小朋友, 100% 跟老師

要求, 任何時候絕對聽話不攪另類, 所以, 很難有小朋友又有SPCC又有DBS/YW offer, 我識好多SPCC畢業的朋友, 不論男女多是溫文有禮, It's style!

SSCPS 要兩文三語加主動自信, 如果考生自信地回答問題, 中英普對答流暢, 應該會有offer, 同見 international school 要求差不多.

 

YW interview questions:

1st interview - group interview with teachers

2nd interview - group interview with principle
- kid need to bring one Chinese and one English book.  The principle will ask the kid to read one page of the book (kid can choose to read chinese or Eng).
- there were some games or exercise but it was not the same for every group
- the one my son did :
1. principles show him 2 sword which has different colour when turn on
2. give him some stickers and ask him to locate the card
3. give him a dino in which the head and the tail are in wrong position.  Then ask him why the dino can't stand up.  Then she will fix it and explain the login to the kid

3rd interview : individal interview with the Principle.  Parents require to attend
- the principle will ask the details of 2nd interview.
pls note that she asks in a very detail manner e.g.
- how many stickers I have gave you
- what is the colour of the gun when turn on
- what was the dino look like when I shown you
- what did she do to fix it
- what book you have read last time
- how many kids with him during 2nd interview

question to parent :
- why you pick this school as I live in HK island
- how you and your husband train up the kid
She will ask both the mother and husband
- e.g. I told her why I like the school, she then ask my husband if he feel the same
- what are the stregthen of my son
- who give him his name, why
- how many kids I have

 

根據小兒就讀之幼稚園小學

推薦列表，ST.JOE是與DBS、英華、陳守仁、宣道、聖保羅男女中學附小、德望、高主教、聖保祿小學

部、培正等同列之BAND 1 小學

，德雅反而表上無名。

ST.JOE與SFA一樣出名程度深，只要讀得掂，成績名列前茅，轉去邊都得（當然也要看機緣巧合）！不過，如果能夠堅持在ST.JOE完成六年小學

，打好學業基礎，升上BAND 1英中則不用擔心適應問題，反而部份中文小學

優秀學生以BAND 1成績升上英中後則可能因適應不了教學語言轉變而出現成績下滑的情況，這可能是家長要擔心的！

睇過ST.JOE的課程簡介，其數學、常識科都系英語教學，中文用普通話教，一般副科用英文加廣東話教，課本則一律採用英文版；像宣道、英華之類受到熱捧的私立或直資小學

，除了英文科，都用中文課本，中文教學，同樣都系要交學費，但語言環境已經甚為輸蝕。睇睇宣道、英華與ST.JOE的學校網頁語言就知道分別了。

 

食中藥

恐龍仔病咗成個月都有.. 咳同流鼻水, 睇完一次又一次西医, 好似好返好多, 又發咗幾個鐘燒, 然後又再咳同流鼻水!!!

再睇.. 呢次開antibiotics!

食咗6日, 好返好多喎..

然後又咳過!!!

搞咗成3個星期, 呢次怕怕喇! 睇中医!

但係.. 到底肯唔肯食中藥呢? 會嘔嘛??

第一劑, 由恐龍媽煲落.. 工人姨姨响恐龍媽完全唔知情下已經餵咗! 聽聞順利過餵西藥!!!! (好叻叻呀!)

食完一日, d痰鬆咗, 医師話第一日見佢有燒, 第二日好好多喇!

再執過d藥..  食完, 睇住收鼻水!!! 但係咳就好似咳得好恐怖, 勁多痰! 医師問有無大便? 多唔多? 佢要痾咗d痰出嚟喎!

跟住.. 尋日起身扭計, 返學途中嘔!!! 因為佢好似無乜力咁.. 接咗返屋企!

前後請咗3-4日假喇!

好在, 之後識玩肯食, 如果唔係, 都唔知點好~

第三次睇 (第4日), 呢次恐龍仔已經同執藥d哥哥叔叔打成一片喇! 咳~ 都好咗.. 咳少咗喇!  医師好滿意恐龍仔嘅"氣色", 同埋佢d臭臭~

阿仔~ 你要快d好返呀!

 

 

妊娠葡萄糖不耐症

為了嬰兒的健康，治療妊娠糖尿病

根據最新研究顯示，治療輕微妊娠糖尿病的孕婦，對於降低嬰兒併發症以及孕婦本身血壓問題的風險有幫助。
　　
妊娠糖尿病的定義是，懷孕前期有葡萄糖不耐症。大家都知道妊娠糖尿病會增加婦女晚年罹患糖尿病的風險，這種風險對懷孕的不良影響尚不明確。研究人員表示，這些婦女的血糖值非常高，似乎有非常危險的併發症，但對於輕微的妊娠糖尿病會如何影響懷孕，還不十分清楚。
　　
Eunice Kennedy Shriver國立兒童健康與人類發展機構的懷孕與週產期部門主任、本研究共同發起人Catherine Spong醫師表示，這篇最新研究結果提供證據支持婦女篩檢和接受治療，即使是只有輕微妊娠糖尿病也需要。
　　
這項結果發表在新英格蘭醫學期刊(New England Journal of Medicine)中。
　　
根據研究人員表示，有高達14％的美國孕婦受到妊娠糖尿病的影響。
　　
在這篇研究中，Spong醫師和同事們與哥倫布俄亥俄州立大學醫療中心首席研究員Mark Landon一起將485位有輕微妊娠糖尿病的孕婦隨機分配到治療組，另有473位作為對照組；這些婦女在15個不同的醫療中心接受治療。
　　
合乎這項研究資格的婦女，要在懷孕24至31週內被診斷出輕微妊娠糖尿病。研究人員將輕微妊娠糖尿病定義為空腹血糖值低於每分升95毫克，或是在喝完含糖飲料後的1小時、2小時、以及3小時後測量血糖，其中有兩次以上過量。
　　
某些婦女在懷孕期間因為某些荷爾蒙的增加量，妨礙胰島素控制血糖的能力而導致妊娠糖尿病。當血糖增加太多，就會對嬰兒有不利的影響，造成嬰兒長得太大或是有其他潛在的問題。
　　
對照組則接受一般的產前護理，其中有兩名婦女需要用胰島素控制血糖。
　　
Spong醫師向WebMD表示，他們建議治療組的婦女要運動並接受營養諮詢，學習如何將一整天所需的碳水化合物分散攝取，才能將血糖值控制得更好，然後在家中自行監測血糖，以確保飲食療法能讓血糖保持在理想的目標範圍內。治療組中有93％只用飲食管理，有7％的人需要注射胰島素控制血糖。
　　
然後，研究人員比較兩組的成果。
　　
　　
【治療妊娠糖尿病的好處】
研究人員發現，治療組的婦女有許多好處。Spong醫師表示，如果有治療的話，她們生出較大嬰兒的可能性少了一半。嬰兒太大會導致日後有健康風險，像是肥胖。
　　
治療組的參與者：
* 較不需要剖腹產。有26.9％的治療組用剖腹產；但對照組有33.8％。
* 生產時較不容易有肩難產，在分娩過程中肩膀卡住造成難產，較大的嬰兒風險較大。
* 較不容易有懷孕相關的高血壓和子癇前症。
　　
不論哪一組都沒有死胎或新生兒死亡的情形，研究人員希望比較其他領域。
　　
Spong醫師表示，在這篇研究之前，沒有人知道治療輕微妊娠糖尿病是否能改善懷孕的結果。她表示，現在，這篇研究提供的證據支持篩檢和治療這些婦女，即使是輕微妊娠糖尿病也要治療。
　　
她表示，治療非常簡單，就是飲食和運動。但這並不是像說得這麼簡單，她承認，尤其是當一個婦女已經有幼兒要照顧的時候。她表示，精確的飲食和運動指示就留給醫生做決定，通常建議計算碳水化合物，並且在飯後快走，以幫助控制血糖。
　　
紐約羅契斯特大學醫學中心的婦產科教授，產婦胎兒醫學主任Eva Pressman醫師表示，這篇研究給懷孕婦女的訊息很明確，她認為主要的訊息是，血糖控制對正常的胎兒發育很重要。即使是輕微妊娠糖尿病也會讓血糖值升高而傳給胎兒，並造成胎兒荷爾蒙改變，導致過度生長。
　　
Pressman醫師表示，她們知道嬰兒體重不足或超重會造成日後的健康問題風險，像是糖尿病等。在她的經驗裡，大多數的孕婦如果發現有妊娠糖尿病，都非常願意監控她們的飲食，進行其他的改變。她表示，孕婦對健康是非常積極的。

 

 

--------------------------------

 

 

妊娠糖尿病(Gastational Diabetes Mellitus ; GDM)

 

GDM定義:

懷孕期間所產生葡萄糖耐受不良或稱為碳水化合物不耐症(carbohydrate intolerance)

•   約1~3%發生率

•   通常在第3個三月期產生

•   估計30~50%的GDM婦女在10~15年內會產生糖尿病

 

GDM可能併發:

流產、早產、妊娠高血壓、羊水過多、早期破水、 子宮胎盤血管病變、慢性胎盤功能衰竭、低血糖、  酮酸血症、陰道念珠菌及泌尿道感染   

•   胎兒生長遲滯、早產、巨嬰(導致難產或生產傷害)

•   新生兒低血糖、低鈣、黃疸、新生兒高膽紅素血症

  呼吸窘迫症候群

  

妊娠糖尿病治療

•        飲食控制

 懷孕/非懷孕婦女caloric requirement增加 5 kal/kg

     (1)限制碳水化合物

     (2)限制人工糖精

     (3)攝取足夠蛋白質1.5g/kg

  胰島素治療

1.懷孕期間對胰島素的需求不同:

     * 第1個三月期時逐漸增加

     *  24週後增加更多

     *  生產後迅速下降

 2.劑量的調整須依據血糖的測量結果

成地pat pat

 

搞乜??

恐龍仔: 成地pat pat!

錫返Miffy wor~

What a happy face!!!

interview @SC

今次面試由恐龍爸出馬, 尋晚搵定tips俾佢.. 就係BK媽媽嘅sharing喇!

2008年題目如下:

午安/早晨
叫咩名
邊個陪你來
幾多歲
指五官(眼用來做咩)
顏色/形狀
配對card
睇圖(公園內有咩)
問大人
點解揀呢間幼稚園
平時帶小朋友去邊到多
邊個湊
教育理念
走之前記得擺回張椅子!!

今年呢? 恐龍爸話差唔多喎~

未到你個面試時間係唔可以入定去嘅, 門口有指示話輪到咩時間入去.. 分流~ 入定課室去等, 然後5個小朋友一組去枱仔玩玩具! (當然有個老師响旁邊計緊分啦!) 父母離身架~ (有d小朋友已經喊哂 or 玩玩吓搵人)

之後就單對單(連家長)見老師, 大約同家長傾咗5分鐘左右啦~

恐龍仔响面談時幾乖, 近乎有問必答, 無玩嘢 (佢平時經常答No or 答錯), 不過到bye bye時就俾四周嘅數字吸引咗, 唔係幾想應人喎!

 

 

------------------

 

提起數字, 今朝行樓梯時, 自己用PTH數到廿幾!

打韆鞦時, 先用英文數到100, 然後再用廣東話數到102~

 

分享有錯嗎?

除咗yahoo blog呢小小片天地, 有時工作之間都會上上討論區看看, 見到有問題嘅爸媽, 都會熱心分享少少心得~

最近發生咗一件有點點不愉快嘅事, 就係响分享教幼兒外語/母語嘅討論當中, 給一位英文流利嘅會員針對!

要繼續落去嗎? 我本身唔係鍾意嘈交嘅人, 只係想大家知道, 早教唔係紙上談兵, 只要肯教, 孩子就會學到! 你不愛聽不愛教便算, 我又無講你唔教就無盡作為父母嘅責任(老卡爾真係咁諗架), 點解要窮追猛打呢??

唉~ 真係乜人都有!

點解會有時間去批評人家教英文而唔去好好發揮自己流利嘅英語, 去教好自己孩子呢?

令我諗起做portfolio嘅問題: 一百個人裡面, 九十九個大大聲聲話無需要做, 到底有幾多個其實心存私心, 偷偷自己做咗, 想讓自己孩子有更大嘅競爭力呢??

定係好簡單: 唔教唔駛煩! 第時教得唔好係老師學校嘅錯!

其實教~ 要花好多精神心血架! 不過~ 樂趣都唔細!

世事有好多嘢都無需要做, 做係可能因為你做咗, 效果會更好~ 你會覺得開心~ 做得好會有成功感!

返工都可以得過且過, 也可以盡心盡力!

家教.. 身教呀! 

好似扯得太遠喇~

-----------------------------

見到大家嘅留言, 好感動呀!

好多謝你地..

 

海鮮價?

睇咗糖尿科之後一路都搵緊邊度買血糖機平..

討論區無乜人報科, 只check到rehab shop $600 機連試紙+針, 但係我地明明有試紙同針, 無乜理由要買starter kit 架~

今日lunch hour, 終於去屈人寺8吓要幾錢~ 原來$588! 咁即係藥房應該再平d啦!

行去問吓~ $450! 即刻去攞錢啦! 點知返到去, 另一個哥仔指指個價錢話: $750喎!

吓?! 頭先同我講$450架喎~ 隔離屈人寺都係五百幾..

有個哥哥就話: 係呀~ $450賣咗佢啦!

so, 成交!

呢個價錢應該唔錯.. 只係唔多明, 點解會海鮮得咁緊要!

 

卡爾威特的教育 (早教)

想睇呢本書有一段時間喇.. 終於响書店大減價時買下!

 

卡爾威特的教育 (附第一章內文)

早期教育與天才素質的培養! 培養全方位天才兒童的教育奇書! 原書為十九世紀德國出版， 全美唯一原版珍本，現藏於哈佛大學圖書館內! 天才兒子是我教育的結果 　　卡爾．威特是十九世紀德國的著名天才。但卡爾威特的成就並不是由於天生天賦的高超，而是有賴其父親老卡爾的教育。老卡爾堅信 天才的天賦是後天培養的，因此以自己獨創的教育方法教育兒子，並獲得成功。本書即是小卡爾十四歲以前的成長過程及老卡爾的教育心得和教育方法。 　　本書寫於一八一八年，為世界上最早論述早期教育的文獻，因不受重視而保存不全，至今唯一孤本珍藏於哈佛大學圖書館內。其教育理論散見於其它受他啟發的一些教育論述中，諸如《俗物與天才》《M.S.斯特娜的自然教育》 《早期教育和天才》等書中。 　　然而，藉由本書 早期教育的觀念，卻已培養出無數古今中外世界級知名天才及優秀典範。而現在，哈佛女孩劉亦婷 的母親亦感嘆道…我根本想不到，由哈佛圖書館內的孤本藏書所傳播的教育思想，最終會把劉亦婷引向哈佛。 生下來時都一樣，日後的成功取決於環境 　　老卡爾相信，不管是誰使用他的教育方法，都能取得良好效果，只要教育得法，即使是一個普通的孩子也能成為一個不平凡的天才，並強調家庭教育相輔相成的重要性。 抓住孩子智力發展的最佳時機 　　只要家有幼兒且關心孩子教育的父母，一定要把握住發展孩子智力的最佳時機，要知道教育開始得越晚，兒童的能力實現就越少，這就是兒童潛在能力的遞減法則。

 

其實進度好慢, 不過都想作小小分享:

當中提到少少"胎教"嘅訊息, 老卡爾嘅太太好年輕, 係一個開朗有愛心嘅人, 當太太懷孕, 老卡爾經常提醒自己, 要經常關愛太太, 要令佢經常保持心情愉快~

另外, 就係食營養豐富又健康嘅食物~

呢一點, 同其他後期嘅胎教理論一樣, 媽媽嘅心理狀態對孩子將來嘅精神健康好重要!

另一方面, 老卡爾相信, 天才唔係天生嘅, 而係靠後天培育嘅! 呢位爸爸好特別, 用自己嘅孩子向唔相信佢嘅人証實呢個論點.. 最後, 大家都以為卡爾係天生嘅天才.. 其實, 佢係一個出世時有d痴呆嘅孩子!

對於一本200年前嘅作品, 一位爸爸嘅"傑作", 到今時今日, 都有大部份人否定早期教育, 認為係催逼小朋友! 當然催逼係錯嘅, 但係早教唔等於催逼!

看看恐龍仔就知道~ 不過恐龍家並無立志要教一個天才出嚟, 只係想孩子明白.. learning is fun! 希望佢能夠獨立, 能分辨是非,  健康成長!